幸圓

營業中

休息中

幸圓呢度環境舒適開陽，感覺好自在。餐廳主打西日fusion菜，食物賣相都好精緻，係打卡嘅好地方。油甘魚薄切米子卷 $188油甘魚薄如蟬翼，魚肉鮮甜，仲有淡淡嘅油香，加上煙韌米子薄皮，青瓜蟹籽，口感超正。蜆肉忌廉意粉 $168意粉香氣撲鼻，忌廉汁好濃郁但又唔會過膩，蜆肉好鮮甜，味道充滿咗層次感，好滿足。赤蝦他他配魚子醬同蝦汁意大利粉 $188 賣相好華麗，赤蝦他他鮮味十足，魚子醬嘅鹹香同蝦汁意大利粉嘅濃郁融合得天衣無縫，勁快KO。士多啤梨疏乎厘班戟 $138班戟鬆軟，空氣感十足有蛋香，加上新鮮士多啤梨，配埋疏乎厘嘅輕盈口感，真係幸福感爆棚。Kiwi Paradiss $58。用新鮮奇異果汁同蘋果汁製成，酸甜適中，好清新。