老地坊風味餐廳 (已結業)

前幾日同朋友經過，發現原來西川風味雞煲改左名叫老地方風味餐廳，而且轉返做放題任飲任食。9點半後$158一位，有招牌風味雞煲同重慶烤魚，而且可以加錢升級海鮮套餐。放題型式改左做自取而不是之前既填紙方式。飲品種類同之前一樣夠多選擇，而且啤酒都係任飲，正。食物質素方面，水準依舊，雞煲有大，中，小，bb辣, 雞肉嫰滑香濃入味，可以加錢轉雞煲蟹，有創意。自取食物擺放感覺衛生企理，而且種類也多，原來可以加錢添加高質肥牛添。服務方面，之前西川親切熱情個姐姐仲喺度，驚喜。