影片
更多
2023-10-06
2143 瀏覽
前日經過餐廳見有人等位，便去研究下個餐牌，見佢晚餐唔貴喎，仲有任食嘅沙律吧，一於搵日試下佢。是晚再經過就試下先，時間尚早，餐廳半滿座，揀了一張埋邊的四人枱坐下，店內濶落氣氛唔錯。🥖蒜蓉包落完單，店員好快就送上跟餐的蒜蓉包，即烘的又熱又香脆。🥗自助沙律吧之後便去沙律吧拎沙律，有菜沙律同雜果沙律，仲有蕃茄同紅菜頭，正🤤🐖大蒜香草醋浸厚切豬手片配馬介休多士勁重蒜香，仲係生蒜個種辣勁，好正😍豬手已切粒，豬皮爽口彈牙有嚼勁，馬介休多士厚芝士，又係十分香脆，成碟都好好味，份量好多食唔晒，建議share人，一個人食一盤豬手太heavy了🤪🐂傳統葡國咖喱牛爽腩配農夫包朋友點的咖喱牛腩又係無稀場，個農夫包放到滿晒，大量牛腩配少量薯仔，牛腩炆得軟腍入味，仲有滿滿骨膠原嘅感覺添呀😍食埋個農夫包真係飽到上心口。🍹雜果紅茶個餐仲包餐飲㗎，叫左一凍一熱雜果紅茶，微甜仲有奇亞籽，幾好飲。本身諗住食多啲沙律菜，估唔到個主菜咁大份，好飽呀😆真係同佢餐廳名一樣，好有誠意😆😆
是晚再經過就試下先，時間尚早，餐廳半滿座，揀了一張埋邊的四人枱坐下，店內濶落氣氛唔錯。
🥖蒜蓉包
落完單，店員好快就送上跟餐的蒜蓉包，即烘的又熱又香脆。
🥗自助沙律吧
之後便去沙律吧拎沙律，有菜沙律同雜果沙律，仲有蕃茄同紅菜頭，正🤤
🐖大蒜香草醋浸厚切豬手片配馬介休多士
勁重蒜香，仲係生蒜個種辣勁，好正😍豬手已切粒，豬皮爽口彈牙有嚼勁，馬介休多士厚芝士，又係十分香脆，成碟都好好味，份量好多食唔晒，建議share人，一個人食一盤豬手太heavy了🤪
🐂傳統葡國咖喱牛爽腩配農夫包
朋友點的咖喱牛腩又係無稀場，個農夫包放到滿晒，大量牛腩配少量薯仔，牛腩炆得軟腍入味，仲有滿滿骨膠原嘅感覺添呀😍食埋個農夫包真係飽到上心口。
🍹雜果紅茶
個餐仲包餐飲㗎，叫左一凍一熱雜果紅茶，微甜仲有奇亞籽，幾好飲。
本身諗住食多啲沙律菜，估唔到個主菜咁大份，好飽呀😆真係同佢餐廳名一樣，好有誠意😆😆
張貼
