Macaroni Dessert Bar (已結業)

位於蕪湖街街尾一間西餐廳,餐廳雖然細,但環境好靚,坐得好舒服。煙三文魚沙律,沙律菜好新鮮,細細份好開胃。是日餐湯係周打蜆湯黑松露芝士法包,小小脆口同埋塗上黑松露芝士醬,香濃黑松露味。必試!主菜熊本西冷牛扒,配薯菜同烤薯仔粒,今次職員推介叫左五成熟,切開入面好靚既粉紅色,肉質岩岩好,入口即溶,配上特別既蘑菇醬,重點推介!!  卡邦尼意粉,份量好大煙肉粒好多, 意粉有濃濃嘅白汁同芝士味。是日甜品係tiramisu,賣相好靚。