真‧章魚無雙 (已改名) 查看

旺中小食林林種種，但幫襯過幾間，最滿意同印象深刻嘅都係呢間encore咗幾次，香港少有嘅好味章魚燒店。先講外皮餡料方面，最值得一讚嘅係個皮厚度適中，入口唔會成口粉，咬開有啖啖章魚粒，章魚份量都幾多亦夠軟淋。至於味道方面，每款醬料配搭各有特色都值得一試，但強烈推薦沙律蛋味，表面淋有沙律醬配一堆薯蓉，大量嘅薯蓉令口感層次更豐富更上一層樓，味道同沙律醬好夾，個人認為呢款最出色。其他口味雖然唔驚艷，但味道都可以，原味只有簡單嘅配料（紫菜、木魚花），但因為外皮做得出色及章魚餡料份量十足，鐘意傳統經典口味嘅可以一試，亦係不錯選擇。櫻花蝦味：櫻花蝦份量唔少，表面灑有少少辣粉，配酸甜口嘅千島醬，配搭味道幾新鮮特別蜜糖芥末味：整體係甜味多過芥末味，所以入口唔會覺得嗆鼻，味道不過不失香蔥味：蔥嘅份量幾多，蔥香味好足，蔥花愛好者福音明太子/蟹膏味：明太子同蟹膏醬唔算濃，中規中距整體嚟講大部分口味都唔錯，餡料同外皮亦係中上水準，可以一試再試，食過翻尋味！