白布烏冬 (荔枝角道) (已結業)

本身唔太鍾意食烏冬，不過見咁多人排即管試下，佢分湯烏冬同沾烏冬，諗住烏冬本身咁滑掛湯能力成疑，所以點左湯鴨胸烏冬，當然一黎就試湯，有點驚喜，鰹魚湯咸香帶有一陣強烈烤鴨香味，本身鍾意食片皮鴨，試過北京大董嘅鴨胸油，一咬先係皮脆，跟住鴨脂肪嘅油香滲出黎，最後鬆軟鴨肉，食完果啖啲香味留晒喺牙縫（一試難忘）！當然呢個鴨肉無咁勁，不過佢烤完啲皮都好香，一咬落去又唔靭，好好食！不過烏冬真係有啲滑，一夾一咬跌幾次，食到成眼鏡湯汁。唯一係茄子，好似有啲唔太夾（個人喜好，唔鍾意食茄子），但整體不錯，搭正十二點開門即入，唔駛排隊。下次會試沾湯，但啲烏冬真係好滑！