相馬日式火鍋 (已結業)

今日約咗朋友食生日飯，因為佢同我都係火鍋迷，所以今次揀咗呢一間試吓，一早打咗電話去訂枱，準時7:30上到去，入面環境非常舒適闊落，服務員亦非常有禮貌，有4個套餐俾你選擇，我同朋友決定揀個$228，任飲任食兩個鐘✌🏻，牛肉及豬肉肉味非常濃郁，而雞肉就好滑，以上呢三款如果食完可以叫服務員再攞比你，而其他配菜就可以自己係出邊攞，配菜有，芝士丸、牛丸、午餐肉、腸仔、萵筍、菇類等等，最特別係有花生苗，我都係第一次食，原來佢同火鍋好夾，吸收晒湯汁👍🏻，飲品方面亦都有好多選擇，120分鐘都好足夠👍🏻，火鍋之外亦都有炸物，即叫即炸，非常香脆