影片
更多
2020-11-11
320 瀏覽
呢間Lunch set真係好抵，又野飲，又前菜又有茶俾你沖黎飲。水煮牛肉麵，對我黎講係bb辣。（出去叫川菜我會叫大辣，三哥就叫糊辣既小辣個種）麵質超好，應該係手工麵？因為粗幼不一，應該係掛😅 （我最鍾意都係去元朗食生記既手拉麵，個種就真係勁彈牙，但要搭車去😵）麵質算特別，起碼我搵唔到又近自己又好味過佢既。最鍾意酸菜牛肉麵，有時撞正無餐叫或者六日都要叫，但散叫好貴，加一埋單一個麵成96蚊，雖然想食，但會係門口徘徊一下，明明成96蚊可以食其他野，係咪一定要食佢呢個種。但食N次前菜覺得超咸，兩小碟可餸一碗白飯個種，通常食一兩啖就算。凍紅棗茶好掂，通常當時只飲人參烏龍茶，紅棗茶就拎走。茶餐既擔擔麵味濃，完全bb辣都無，好油，麵唔係水煮酸菜牛個種麵，係好軟好軟個種，我平時唔叫，突然換下口味叫下。下次都唔叫，因為好油，好多花生醬咬落幾香，但都油，只食左一個牛肉係「拿」到好軟個種片走咁多先食得落，唔明點解要放咁多油，爆香啲酸菜？食落又無咩鑊氣，落一半甚至係三分之一都攪掂碗麵啦個人覺得😅只可以接受到咁既油分小籠包係偏油個啲，食完落口我會吐返出黎了了下有幾多肥豬肉個種😂😬😅食小籠包我會食返鼎泰豐，對我黎
呢間Lunch set真係好抵，又野飲，又前菜又有茶俾你沖黎飲。
水煮牛肉麵，對我黎講係bb辣。（出去叫川菜我會叫大辣，三哥就叫糊辣既小辣個種）
麵質超好，應該係手工麵？因為粗幼不一，應該係掛😅 （我最鍾意都係去元朗食生記既手拉麵，個種就真係勁彈牙，但要搭車去😵）麵質算特別，起碼我搵唔到又近自己又好味過佢既。
最鍾意酸菜牛肉麵，有時撞正無餐叫或者六日都要叫，但散叫好貴，加一埋單一個麵成96蚊，雖然想食，但會係門口徘徊一下，明明成96蚊可以食其他野，係咪一定要食佢呢個種。
但食N次前菜覺得超咸，兩小碟可餸一碗白飯個種，通常食一兩啖就算。凍紅棗茶好掂，通常當時只飲人參烏龍茶，紅棗茶就拎走。
茶餐既擔擔麵味濃，完全bb辣都無，好油，麵唔係水煮酸菜牛個種麵，係好軟好軟個種，我平時唔叫，突然換下口味叫下。下次都唔叫，因為好油，好多花生醬
咬落幾香，但都油，只食左一個
牛肉係「拿」到好軟個種
片走咁多先食得落，唔明點解要放咁多油，爆香啲酸菜？食落又無咩鑊氣，落一半甚至係三分之一都攪掂碗麵啦個人覺得😅
只可以接受到咁既油分
小籠包係偏油個啲，食完落口我會吐返出黎了了下有幾多肥豬肉個種😂😬😅
食小籠包我會食返鼎泰豐，對我黎講係正正常常入得口個種。（雖然我覺得鼎泰豐佢得小籠包呢一樣覺得好食，其他都衰衰地）
服務方面後生既幾好幾醒，啲呀姐有少少反應慢，但整體可以既。我貪呢度少人唔洗排隊。
我最憎排隊，通常想食某啲野會book定/計啱時間一開就到（經常做第一個客，係附近徘徊，58、9分即行過去個種🤣），或者等到唔係飯市/熱門時間先食。或者係幫襯呢啲唔會有人排既😂，要我等15分鐘以上一餐飯我寧願即走。
張貼
