新文記豬扒麵

營業中

休息中

上次去澳門，地道朋友介紹黎食呢一間茶餐廳，佢入面9成都係澳門人～叫左個炸豬扒咖哩公仔面，塊豬扒好薄既，但係超脆，入面係軟林林好多汁😍 咖哩湯底都好正～我冇叫到奶茶，但係見到旁邊全部人都係飲奶茶，下次一定要再試試！

每次去澳門都係肥豬團 有人會覺得去澳門好悶 一年去兩次嘅我依然覺得新鮮 每個食嘅行程都是密密的 早餐衝去食煎炸嘢👏🏻👏🏻wooooot是非一般嘅豬parrrrr薄薄的 激酥脆! 用酥脆泥形容 絕對唔過份 口感超好 勁穩陣咁咬/擺入口 唔會好似平時啲炸粉四圍fly 講少句嘅話真係以為自己食緊厚切薯片 脆得過癮! 最加分係咩啊 係唔油膩 勁乾身 OH MY GAASH!酥脆part仲要有重重嘅胡椒椒鹽味 超惹味的!But leh sad 在豬扒偏乾 好在是lum的不是柴皮!熱奶茶嘅presentation又逼咗我個大鄉里出城樣出泥茶是自己倒的 杯上有茶隔 and 杯中已有一大pat煉奶坐定定被溶化hehe味道：7/10新文記豬扒麵扒蛋麵 MOP$36扒腸麵 MOP$36熱奶茶 MOP$12📍澳門

相信好多人熟悉，基本每台必點招牌炸豬扒，個人覺得自製辣油好正，辣味較重，微麻香，食完成身汗出番黎，睇來我低估左佢！.🍜炸豬扒公($38)為左唔比個湯浸軟，兩塊炸豬扒會斬件分開上，呢間炸豬扒偏薄，睇落紙皮咁，feel到粉漿亦調左味，炸得非常香口，豬扒夠入味，食落乾身香脆，係佢出色之處，如果鐘意食軟身有肉汁豬扒，呢到可能唔岩你啦！而個公仔麵就係普通出前一丁😅。🍳蛋 ($6)加隻太陽蛋靚仔曬，可惜價錢唔精神。維他奶 ($12)最鐘意茶記先有枝裝維他奶。不能否認炸豬扒的確好味特別，但總體以一個炸豬扒麵來說性價比不高，呢個價錢可以有更好，睇個人口味啦！.（每月的1. 11 和 21號休息）

說實話，我來澳門多半搭船來，比較少來關閘附近一帶。來，就是為吃這裡的招牌豬扒麵，或者雙扒麵。早兩年ＫＣ已經寫了這邊首篇食評，我看了早就想來。確實，這裡的豬扒是薄，但裹上（好像是加入班戟粉）特製的炸粉實在是炸得香脆，加上黑椒，頗為惹味。麵底就是坊間的現成即食麵而已，便不多說。咖喱雞翼麵雞翼已煮到幾近「甩皮甩骨」，沒有不入味的可能，但那咖喱味嘛，甚是淡然。本是為了更能吃湯，特地點了米粉，但得到之物混入了不少即食麵湯粉，難免有點失望。下次就點回雙扒麵好了。誠如Ｋ先生所言，那個辣油不是說笑的，就一點兒已深刻感受到其霸道，慎用。現在營業時間有變，５時關店之後，還會做宵夜市，晚上１０點做到凌晨２點，來這邊吃麵，以後就更加方便了。

到澳不防左試試： 雖然店內裝修簡單(家庭形式這種），，食物種類較少，但食豬扒包，飲姜蜜必要試試，尤其是食豬扒即食麵配該店自制的秘製辣椒油⋯真係超正夠哂香辣，如果你喜歡這地道式食品，你一試就愛上了⋯⋯

十月上旬·晴在澳門，大家會找到不少店子是從街邊檔經營開始。噴水池威記是一例，這裡也是例。門面雖然不太起眼，不行近也真的未必會看得到店名。店子佔兩個舖位，不算小。裝修簡單，是一貫街坊小店的感覺，座落菲中，感覺輕鬆而悠閒。來這裡，招牌豬扒當然是必吃的。豬扒本身只是薄薄的，但炸得脆口。加入黑椒，吃起來就特別惹味香口。此外咖喱雞也很不錯，咖喱本的味道雖然只是微辣，質感不算濃稠，配上米粉又或是即食麵也都好吃。值得一提的就是店子的辣椒油，香味及辣勁也十足，吃得人額頂冒汗，嗜辣的朋友不要錯過。