影片
以上資料只供參考, 請與餐廳確認詳情
《👍🏻平靚正的日本餐- 日皇燒肉屋🇯🇵》呢間係我澳門頭三位喜愛的日本餐廳！原因價錢絕對抵到喊而食物品質一D都唔差😍！！今日4大1小去食，飽到飛起埋單唔洗六百😱！熟食就真係無咩叫，只係叫左個🐷豚肉石鍋飯（唔記得影相😅）！個飯我無食但我見聽身邊既人講話好味！🍣壽司唔錯，而個吞拿魚係澳門來說的算係正👍🏻（雖然唔係魚腩但入口都好融化😌）！另外叫左個和牛鰻魚卷，呢個好大條兼堅好味但好鬼飽肚，最後食剩一件真係再食唔落了！之後仲有個不得不介紹既🎉$188二人套餐🎉！呢個飛雲媽真係覺得抵到流淚😂！先來一盤六款刺身，再有南瓜餅，和牛壽司，和牛刺身，自選沙拉（我要了日本溫室番茄🍅），兩款自選前菜（我選了我最❤️的芥末八爪魚🐙和蟹味豆腐🦀），最後仲跟兩杯雪糕🍨！六款刺身雖然唔係咩特別既魚，但絕對新鮮（依然最愛個吞拿魚😁）。和牛壽司及刺身比較又咬口，好味道！溫室番茄🍅其實原本我唔知個套餐有得跟我都會分開單點，超新鮮👍🏻👍🏻！（我工人平日唔會生食但迫佢試都話好好味！哈哈😂！）前菜好難唔好味因為係我既最愛芥末八爪魚🐙！我平日完全唔食得wasabi但偏偏超愛呢個！蟹味豆腐真係非常濃蟹味，唔講根本食唔出係豆腐以為係蟹肉！哈哈！！雪糕可以選綠茶，芝麻，同埋唔記得左仲有個咩味～ 總括來說呢餐埋單唔洗六白真係抵到喊啦😁😁！
繼續閱讀
澳門都有好多間日本菜，價錢同香港差唔多，但就無咁新鮮，亦比較少有特價。今次試既係"日皇燒肉屋”，澳門有好幾間”日皇”系列既日本菜，包括”日皇魚市場”，”日皇居食屋”等，之前食過”日皇魚市場”，都係比較新鮮，但中午食日式LUNCH差別唔大，貪佢呢間相對比較新，無乜人知唔洗爭位。什錦魚生飯（＄65）：雖然細細份，但睇個樣都知係勁足料勁多種類，魚生都幾新鮮，但飯既醋味唔多，可能想迎合返本地人口味。午市三重飯定食（海膽魚籽＄32, 蔥啓拿魚腩＄22, 豚肉生薑＄15）： 無諗過呢個價錢有咁大舊海膽，都算抵食。壽司定食（＄58）
繼續閱讀