明記牛什美食 (已搬遷) 新店位置

晚飯後，準備返酒店於新馬路嘅新中央酒店地盤對面見到呢檔想食好耐嘅明記牛雜，當然要一試啦！估唔到勁多人排隊買囉，花咗超過半個鐘，買咗總數$190嘅牛雜，牛柏葉同水魷魚返酒店慢慢歎。牛雜好好食，配支藍妹，簡直一流。想食好嘢，排隊等候係值得嘅。由於係車仔檔，好似唔係固定一個位置，事關之前成日搵都見唔到，難得今次遇到，真係幸運⋯最後一提，佢係視乎你買幾多，佢執幾多俾你，例如：$50 / $80 / $100 如此類推，串串食物為$22/串

有啲人話好難揾，有啲話好易揾，有啲話未見過，正諗緊其實佢响边之際，就聽到，嗔嗔嗔的較剪聲，聽到聲，就停。無錯，見到諗都無諗，就20蚊先首先，吾能夠逐件講了，牛什嘛，一次過吧，牛汁有嘅，好入味，吾洗懷疑。食落去，件件都爽，要咬口有咬口，要冧身有冧身，吾會錯配，啱哂數。

15-6-2019 (Sat)同老公傍晚,同老公由漁人碼頭搭車返議事庭前地,中間一個巴士站冇咗卻要去到火船頭街至有,不過經過亞美打利庇盧大馬路時,見到有好多人排隊買小販檔牛雜,好彩我哋要行返轉頭,咁就可以食喇.我哋等咗12分鐘買到,由於唔知價錢係點,同埋見前面客人嘅份量都唔少,老公話要MOP30.00牛雜,老闆娘話即係兩串牛雜,冇盒.我哋唔緊要.然後都要埋一串魚蛋同響鈴,盛惠MOP47.00,最後佢都係俾個盒我哋.眼見老闆娘真係差唔多夾齊所有牛雜俾我哋,最後至加魚蛋同浸熟3件響鈴,亦會問客人要唔要辣?我哋就唔要.之後老公自己加醬.魚蛋唔係太爽口彈牙.味道:2.5分響鈴索晒牛腩汁,但腐竹味仍有,好食.味道:5分而牛雜有腸,肺,腩同肚,不過本身冇金錢肚.除咗肺係一定腍外,其他口感都適中,鹹淡又適中,好味.不過老公話腩汁唔夠濃.味道:4.5分

［澳門🇲🇴篇］🐂明記牛雜美食🐂每次臨結束澳門行程的一刻都要去近新馬路的明記食返串牛雜先回港😆😆😋離遠都聽到剪牛雜專屬的✂️✂️聲牛雜入面我最愛牛肚和牛腸😋😋🔸牛腸煙韌，腸內充滿著油脂香味重點係牛雜的五香汁不會太咸👧🏻覺得不用加任何醬汁已經好原汁原味❤️🐂

第一次吃的時候感覺還可以，於是有了今天的第二次。結果讓人很失望，50%是不喜歡的東西，有洞洞的某種東西，如圖。沒有牛百葉！沒有牛筋！可能網紅類食品真的不適合二次購買。不會再有下次了，失望不想累積二次。

呢間咁出名ge牛午聽過好多次，不過有幾次都係公眾假期黎所以無開檔，足足摸左三次門釘先到黎試，所以真係好高期望。不過可能都係因為咁，所以覺得無好似我想像中咁好食。環境：係新馬路附近一條巷入面，好明顯就唔愁生意，基本上都會見到不停有人龍。衛生：由於係條巷到仲要係食牛雜，所以大家都預左衛生一般架啦。食物：檔入面有人不停係湯底到翻轉啲牛午等佢地入味啲，基本上所有野都熱辣辣，我試完就覺得味道係唔錯，但就唔係一試難忘果種，味道同普通牛什差唔多，唔係特別濃味果種。排隊好多都唔係本地人，大部份人都係話要幾多錢牛雜然後等事頭執餸，我都唔例外，樣樣都有少少咁試左下。價錢：一盒發泡膠盒都要成８０蚊，都算幾貴。會否再來：其實ＯＫ，但無咩特別，可能太高期望好多人排隊，都等左１５分鐘不停翻滾，啲牛什夠熱咁樣一盒加少少其他餸就８０蚊

响三元和祥記附近經常見排長龍嘅車仔檔，今日有少少時間即管試下佢，等了約廿分鐘，其實前面得五、六個客，究其完因主要係無乜系統，因除了牛雜還有其他食品如丸類、腸仔、魚蛋、豬皮之類，有幾個客人都喺度慢慢選，拖慢晒進度。買了一盒五十元的牛雜加了辣，牛肚、牛膀、牛肺都好軟熟，唔似係急凍貨，但腸並唔係牛腸而係豬大腸，仲有啲類似豬頭肉嘅嘢，咁嘅組合第一次見。味道方面都幾濃，但加咗辣唔係食得好真，食完勁口渴，似乎味精頗重，個人覺得排廿分鐘嚟食唔值得，唔使等都可以考慮嘅。再過開嚟或會俾多次會佢至撥入我個blacklist。

繼三元粥品及祥記麵家，最後一站來到明記牛什，乖乖排隊買牛雜。除了受到香氣的吸引，那長又長的人龍，難免讓人產生：應該會不錯的錯覺！結果，MOP $60一盒牛雜，難吃說不上，但算不上入味佳品（反而另外點的娃娃菜嫩甜美味，更值一試），肯定不值排半小時！由於味道一般過一般，價錢又不吸引，絕不推介大家去排除買來吃。這晚連續遇上三間地道美食炸彈，代表這區沒好吃的嗎？不，後來網友熱烈地留言，這區的 杏香園甜品、六記粥麵、紅街市車仔麵、盛記白粥、長城、成記粥品、威記牛什小食、聯記麵家、疊記咖哩美食都是水準小店，下次要再去試！

自從有一次路過見到呢間牛雜排晒隊食過一次之後每次來澳門一定會來幫襯 - 明記牛雜雖然佢只係一個車仔檔, 不過人流千其唔可以睇小, 因為每次見到都係排晒長龍, 永無冷場! 😊每次嚟到都排晒長龍雖然多人但手腳都好快所以唔會等太耐10分鐘之內就已經可以買到, 平時黎到一定會叫一盒, 不過因為啱啱已經食咗中午飯, 今次只係叫左＄15/串 同男朋友一人一串過下口癮🍢除咗牛雜之外, 其實仲有好多嘢食選擇姐姐嗰把牛雜剪真係好利, 而且佢哋嘅手腳好快幾分鐘就會整好比大家😄牛雜走腸 $15價錢來講＄15一串唔算太平不過佢真係勝在好好食, 牛雜煮得好軟身好份味而且唔會失口感! 味道濃味十足但唔會過咸架😋👍🏻👍🏻👍🏻入味程度爆燈😍😍😍👏🏻雖然食太多牛雜膽固醇會好高不過唔係成日食而且係香港真係甚少買一串串嘅牛雜..黎都澳門先食, 都唔算太過分姐🙈

澳門和香港一樣，因為經濟變化，小店和街邊檔繼續變得越來越少。你還記得從前澳門三盞燈那個賣桑寄生蛋茶那位伯伯嗎？說實在，我很想念他，記得那杯桑寄生蛋茶用細心的工序，伯伯是駝背的，他的一絲不苟，令人更佩服。因此，現在的這些街邊的大排檔和街面食物，食得一次得一次。你還可以掌握的就掌握一下，誰知什麼時候會沒有，情況就如人生無常，你永遠不知下一分鐘怎麼辦。所以每次我也不會放過這些店，特別係澳門的，要過大海有時可以好密，有時可以好耐都唔去一次，於是每個機會也是最後一次。明記牛什不知吃過多少次，那個位置就如澳門的彌敦道，你冇食過都一定會經過。每次也會吃牛什，蘿蔔，魚蛋，魚皮是我的至愛。今晚睇完演唱會吃完珠記嘅三寶後，還有空檔便過來吃一下不知什麼時候失傳的味道。十二點很多東西已經清光，魚皮沒有了，很多魚蛋紅腸等等也是很番好少貨。幸好還有最好吃的牛肚和牛肺。那些腩汁是不用懷疑，在火水爐燒下燒下火光強烈，牛肚和牛肺在那股空氣下突然出色。沒有加任何醬汁的最原味，牛肚是最幼滑的那種，沒有金錢肚那種粗獷，吃到的是細膩。牛肺吃到也知道很洗得乾淨，吸收盡所有牛什煲裡面嘅精華，就算部位是最平的，在美味到不行的情況下也

同事話明記牛什成日都要排好耐, 本身都冇諗過去食. 但係今日搭巴士返酒店時見到冇人龍既, 於是急急落車排隊.行到去都係得兩個人係我前面, 心諗好快就有得食. 點知老細剪牛什都剪好耐下, 都等左一陣先到我.今次淨係叫左一串牛什同羅白, 食左一舊牛什就後悔了......後悔買得一串咁少.........牛什勁入味, 牛肚超林, 羅白當然又係超林超入味. 好耐都冇食過咁好味既牛什, 正!!!此時人龍突然長左好多, 下次有機會一定再黎食.

難得仲可以搵到啲咁傳嘅街頭小食～～～明記牛什！人龍好長，未見龍頭已經聞到牛什嘅香味，離遠都聽到牛什專屬嘅剪刀聲，清脆又俐落！明記牛什果然好味！牛什炆得好腍，入口即溶口感，炆得好入味，加左小小辣，相當惹味！真係色、香、味都俱全！正！正！嚟澳門除左食葡撻、豬扒包，仲一定要食牛什！

新馬路爐石塘巷，天色漸沉後，不少人排隊光顧這不起眼的車子攤，賣的是滷牛雜。可以買一串一款的，也可以買一盒多款的。牛肚、牛腸、牛柏葉等煮得爽腍，滷得入味，且香氣四溢，還可以選辣與不辣。今時今日的香港，這類充滿風味的店已幾近絕跡，難得澳門還保留不少傳統小店，實在推薦！

行街行行下, 見到前面好多人, 去睇睇, 原來係買牛什我地見到咁多人等, 一定係好野啦, 咁岩又有d餓, 所以我地都排埋一份一排....就排左20分鐘,我地一人叫左一串牛什, 再叫多左串牛腸, 辣魚蛋牛什好好食, 好入味，三兩啖就食唒牛腸都係好入味, 所有牛腸既怪味都被蓋過左, 好好辣魚蛋真係好辣, 唔錯食左咁多埋單都係60蚊左右, 係香港絕對搵唔到!

終於有緣試到神乎其技嘅明記！賣相乾乾淨淨，汁超好味，其實完全唔洗加什麼甜醬辣醬，凈係加少少wasabi，記住，係少少，就已經好好味！追加再追加，唔小心埋單盛惠60蚊。終於明白點解朋友可以喺呢度“日食牛雜過百蚊”了