添記牛雜小食

營業中

休息中

唔知幾年前同大佬撞到呢間牛雜，食咗返到香港念念不忘！當時只賣牛雜！牛雜香濃好味！食完齒頰留香。今次我哋專登再去想食番當時嘅味道！一去到已經見到一大堆非牛雜嘅串串😳反而望唔到牛雜！我以為已經執咗！大佬就直接話要牛雜，叫咗份$30！檔主問我哋要唔要辣，同大佬異口同聲話要.....就瀨嘢！牛雜份量都幾大碗，成碗都係牛肚😐咁泄，牛肺兩大舊、蘿蔔三大舊....！一食落去！一大pat 啲辣嘅沙嗲醬（宜家澳門流行咁食），已經好失望！完全唔係當時食嘅味道。

難得嚟到三盞燈，除咗食魚湯粉之外，都唔知有咩好食。見到有一檔賣牛雜同小食嘅小食檔，見到有人排緊隊買緊，而我經過嘅時候聞到覺得都幾香，於是決定試下。冇價錢牌，諗住只試少少，所以揀咗買碗細牛雜。$30一碗細牛雜但勁大碗好滿好抵食。個汁味道好似咖喱汁但又唔似香港嗰啲咖喱汁咁鹹，加埋蒜蓉好惹味。而個牛雜唔會好似香港咁要加咁多甜醬辣醬芥末醬來調味，個咖喱汁已經好出色。唯一美中不足之處係街邊冇乜位置可以企定定食嘢，要去到三盞燈中間嘅休憩處搵位坐。

十二月上旬‧寒冷晚上，想去掃街。先吃了豬腦撈米粉，再走出來，見這邊幾有「人氣」，就來看看。見各式的食物紛陳，令人很開心。這裡要一些，那裡要一串，就是滿滿的一兜。就站在路邊吃，魚皮爽，生腸就沒有味，牛雜也一般，主要是鹵水的味道不夠。最好吃的是雞心，一吃就知是新鮮的，爽脆美味，不可不試。掃街，令人感覺實在。