牛宴和牛火鍋專門店

營業中

休息中

睇報紙見佢做梗特價任食就BOOK位去試下,汽水任飲, SHABUSHABU最基本既野如烏冬,丸,菜,菇都有..但種類唔算多,而且唔日式,湯底有四種, 昆布,北海道牛乳(一D都唔牛乳,係半透明奶色),味噌,同唔記得左~~和牛佢話係A4, 我地都覺得係大概A4既quality, 但有d太肥, 我地request佢換d冇咁肥,佢都有換俾我地,service都ok~最後三個人大約食左十碟和牛~飽到叫媽媽~~

班friend話漁人碼頭開咗開間打邊爐, D和牛任食, 仲搞緊半價要去試試, 不過好難搵, 成個碼頭靜到死, 原來係間超市後面, 平時鬼都唔會去個頭啦, 但去到人山人海, 唔訂枱肯定有排等, 個場唔算大但個Feel ok 啦, 坐低得兩個選擇, 一係食牛, 一係食蟹, 原價$280/位, 做promote半價, 叫咗兩牛兩蟹試吓, 隻蟹比想像中大, 起晒肉, 拖兩吓食得, 好鮮甜, 出面未食過, 跟手主角到, 和牛一盤食完又一盤, 仲有salad bar 啲配菜任囉, 最後仲送埋烏冬, 抬住個肚出門口, 埋單八佰有找, 值得推介.....