盛宴 (已搬遷) 新店位置

這個盛宴自助餐位於金沙城中心，如果購買了688自助餐券的就可以到這間餐廳吃自助晚餐。「盛宴」是全天候活力四射的美食市場，提供琳瑯滿目的寰球美饌。自助晚餐：週日至週四港幣438週五和週六 港幣488星期五六就係星級惹味拷海鮮，有龍蝦、麵包蟹等等。比起其他酒店既自助餐，e到都算齊款凍海鮮，地方不算太大，帶食物的地方一眼就睇晒，人很多，因為很多人都買了688的自助餐券，所以要搵食就要早點到，如果唔係就要爭食啦😂

無心在澳門酒店吃自助午餐但喜來登做特價原價260元減到180元一如所料賭場自助西餐果真難吃我研究過大約以下的可以食1 巴佛利亞烤豬廚師主持即烤即切第一口鬆脆軟綿但這個即烤盤代替了燒牛肉第二可食的是他們專業咖哩上面的印度咖哩魚下是咖哩菜非常出色每道咖哩層次都出到 更有罕見的印度豆咖哩汁算係生平第一次遇上咁成功印度咖哩其他各種食材將貨就價面包熱爐都欠奉所有包都凍冰冰甜品只是芒果布丁吸引到我雪糕是Häagen-Dazs 賣相普通不吸引蛋糕也是雖然款式多但差少少就差結果竟然一樣都沒有取經典糖水綠豆沙見成煲原風不動動了同情心盛了少少不甜都係好但煮得久傑左d簡介：如果可以加幾十 蚊去第二間

快閃澳門🇲🇴24小時 過到去都凌晨3點幾 玩二手等埋630個早餐 🥣🍴自己都覺得癲 同行朋友已經上曬去暈好彩仲有一個陪我癲 😬😬🤤🤤寫呢個食評系真系想比大家知Sheraton個早餐真系好癲 勁多嘢食 😍😍😍Sparking /粥檔/粉麵區/煎蛋區/waffle/pancake/donut/8款cereal/起碼6款果汁 總之就多嘢食到O曬咀以早餐buffet嚟講 有10分 重點系晨早流流有haggen dazs食呀大佬🍦🍦🍦🍦仲有4個口味 配埋pancake🤩如果過嚟住真系要試下！好正🤣🤣🥳🥳🥳仲有佢有個蜂巢喺到呀新鮮一滴滴🍯🍯🍯🍯🍯

澳門朋友相約食期間限定的榴蓮buffet，自助餐+榴蓮任食大概$650，一班朋友裡面有不食榴蓮的話也可以，因為榴蓮區域在戶外，食完可以入室內食正常Buffet，會給你一條手帶以作區別.一個有6個品種，貓山皇只會每人一舊，其他5種任食，包括D24、D175、xo、D13、D101，本人對榴蓮沒有太大要求，所以覺得非常好味，味道濃郁，每種都熟到剛好，好淋好Creamy⋯⋯除了xo淡咗小小之外，食到好幸福的味道！其實任食榴蓮只是在buffet價錢上加多250蚊左右，實在係抵到無朋友！不過喜來登的正常buffet我就不要欣賞，當時配合榴蓮做東南亞主題，可惜味道不夠突出，品種不多

來呢到食午餐，門口先有恐怖的十八同人：一堆同胞和一堆可怕的魔娃！餐廳內處於超級繁忙的狀態，人多到超恐怖！check in酒店的人愈多，酒店派的餐卷愈多。恐怖十八同人被餐廳招呼好，大佬和我剛坐下，門口又有一堆新的人在等。本身餐廳食物種類唔多，質素5可以叫好。但人真的多到超恐怖，清盤的速度超高。所以由原本已經冇咩種類，變成冇得你食⋯⋯⋯咖哩陣味ok，咖哩牛肉真是狗也咬5開！海鮮得幾味，熱食係狗也不⋯⋯D芝士有許多蠅在開party，甜品係見到個樣已經5開胃！頂你，我從來未試過在自助餐同人搶食。亦未試過要在自助餐食飯填肚。那種感覺同乞衣爭食差不多！呢間野真是5使指意我再幫襯。

每次去#澳門都鐘意食個#自助餐 今次揀左#金沙城中心 嘅#盛宴因為有#買一送一 👍🏼平均$263/人餐廳6點開始冇得提早人座要凖時6點先入得🙊食物款式其實唔多😅但有#即開生蠔 重海水味👍🏼#長腳蟹 太喊冇咩鮮味#凍龍蝦 肉都彈牙🤔#即切牛肉 呢個好食熟食種類唔多有個即煮麵檔我叫左碗#銀針粉 完全冇味😟都有幾款#芝士 一般反而有個#紅酒燴羊肉 幾好食#甜品 大部份都#太甜有多款#汽水 #果汁 任飲講真食就麻麻地因為冇咩邊樣特別好食但呢個價錢有生蠔龍蝦長腳蟹都叫可以接受嘅#吃貨 #周圍食#食在澳門

同一班同事過澳門玩，住在金沙城中心酒店，由於落雨，搭車較困難，又唔想行，所以臨時book盛宴自助午餐，計埋折要＄308一位成人。唔算低由於臨急臨忙，所以入坐先知係食乜，今期做東南亞地區題材，而款式既唔多，又不夠正中，著實有D失望😞而且壽司款不多，以卷物居多。冷盤丶沙律丶生果佔了五成餸菜款，粥品同麵類係冬陰公口味，不夠普及，唔係個個啱食，沙律有好多選擇，都夠新鮮，冷盤有泰國風，星馬風，日系同湘川亦有，而海鮮冷盤就有翡翠螺，蝦丶青口同小龍蝦串燒有豬牛兩味，烏打蔗虾，慢煮牛肉同特色馬拉菜小食較小，芒果糯米飯份量都好的骰。粉麵係用出前一丁配冬陰公湯底比較怪，配料有丸，腩肉丶豬手豬肚同魷魚，用煲仔嚟盛海南雞丸子飯，分好一小碟自取，細細碟，味道👌，但雞做得老甜品款都有好多星馬泰口味，蛋糕較甜，但佢有鲜制柳橙汁同奶昔可拱選擇香蕉船，有四款口味的雪糕比你揀，其他配料定死咗，入口位置仲有扭波波送比小朋友個燉湯最好味，係烏雞燉人蔘鬚。不過龍蝦湯就好失望，因為係蟹柳粟米湯整體嚟講麻麻地，又唔低，不會有下次　

🍽 自助晚餐 ($526/2位)晚餐每位成人原價$438+10% ，現時買一送一 $438+10%+10% ，不過必須提前官方FB預約買一送一優惠。.💕即開生蠔首先聲明基本食得我都會食，除左生蠔😂，但會本著試下既心情，食第一隻味道比以前零碎紀憶中好好多，至少對一個抗拒生蠔的我有好感，不過唔好意思原諒我唔識形容😳。💕海鮮冷盤(龍蝦 長腳蟹 鮮蝦 青口 螺)當晚整體海鮮好鮮甜多汁，必食回本龍蝦🦞同長腳蟹，龍蝦基本一出秒清，好在refill次數幾多，早去第一輪青口如圖所見，之後變左細啲個種，不過食落相差不大。💕日式區/刺身壽司刺身配菜類由你自己夾，少見的刺身成盤即場切好任夾。💕熱食/湯我諗選擇大約20多款，由基本中西式到印度菜都有，無樣樣試過，但大致味道可以，半熟牛扒幾嫩，拎野飲經過睇到整印度薄餅😆。.💕甜品/哈根大師雪糕4款超推❤️即整香蘭椰絲卷，經過好香而吸引我，皮軟餡甜，另一款椰絲撻亦好味，冒住兩款都好易飽肚都回頭幾次😆，另外覺得撻類同布丁出品唔錯。🥤飲品有果汁類(蘋果 菠蘿 橙 西柚 檸茶)、罐裝汽水同熱咖啡(特濃 Latte 黑啡 cappuccino)選擇。.其他有燒味 中式點心

澳門自助餐好出名。試下自助午餐會如何。海鮮: 是沒有蠔的。(龍蝦仔) 無試。 (青口) 無味。 (翡翠螺) ok。 (蜆) 無味。 (蝦)新鮮。 (芝士有四款)ok。 (刺身得吞拿魚) ok新鮮。 (火腿有4款)ok。 (薄餅)芝士味正,有少少拉絲。(番茄濃湯) 有點淡的番茄湯。 (喇沙湯麵) 係無喇沙味。 (燒味-鷄/燒鴨) 係正常。 有(咸蛋,白飯,海南飯) 無試。 (印度烤餅) 餅底有d烤得太燶, 唔脆似烤麵包多d。 (H雪糕4款口味) 雪糕有點溶。 (奶凍有士多啤梨,綠茶,咖啡) ok。 (歌劇院) 朱古力夠厚。 (朱古力蛋糕) 是好食的,但半件已夠。 (咖啡奶油) 一層咖啡味奶油,之下是餅條, 再下是餅底.好食。(咖啡機有4部)。飲品: 4款以上罐裝汽水。 果汁: 4款,仲有檸檬茶,紅茶。

和朋友到澳門，由於住此酒店，順道到這裡自助晚餐。以為5星酒店，有一定質素，誰知是中伏的一餐。首先，食物品種少，質素也很一般，連香港三星酒店也不如。燒味部燒肉皮脫落，油雞叉燒給人弄亂了也沒有人理。然後有個海鮮盛合給你，但有一陣藥材味，而且又鹹，我見很多圍枱都只是吃了少許。接著，每圍枱都只是給了一客鐵板牛肉，其實味道不錯，但鞋到咬不開的，花了很大力氣才能切開。甜品款式不多，蛋糕給人切得亂七八糟。最後，整體服務差，完全沒有人倒水給你，又沒有人收碟，成晚感覺被人遺棄般。四百多元一位，實在極不值得。

因為酒店包左早餐，所以係十點半前趕到，食埋個早餐先走。點知超多人排隊，好在排隊時有牛角包同果汁飲，等在十幾分鐘有得入座，其實枱係有，不過執唔切枱，工作人員都好有禮貌，服務幾好。可惜食物水準一般般。。。好普通。。。如果要比錢去食，就不值一試。

明明係AE 卡合作商戶， 職員話部卡機唔用得，令我冇得儲幾千分，仲竟然叫我用銀聯卡。附近的客人都是說普通話，主要招呼大陸客。食物超咸，唔會再嚟食，唔想傷腎，條蒸魚又煮得好老，咬到牙都軟，第一次食生果係可以咁難食咁硬，甜品又難食，餅底係碎嘅，仲有生蠔勁瘦弱，見到冇人喺度排隊拎蠔都知道出事。得雪糕好食因為係 Häagen-Dazs, 但職員唔多勤快，冇乜服務，自助餐都執碟咁慢，D野又鹹，又吾加水，只有清水，咖啡，茶供應，其他要加錢。每位連加一要MOP500+，咁的價錢，食D咁嘅質素的食物，真係冇下次！P. S. D嘢好咸，鹹到我依家返到屋企喉嚨痛！

Friday night 人不多，好舒服同寧靜，完全不用排隊！今期海鮮自助餐有齊我至愛的生蠔、龍蝦、長腳蟹、甜品重有橙酒pancake同Hagen dazz 雪糕還有比較驚喜的order to make既鐵板牛扒。七成熟牛排有steak house水準。員工態度好好，會主動提出美式海鮮熱食同牛扒推介。試左seafood bucket,不大like d 香料，相信應該冬蔭功味會好d。唯一美中不足是飲料只包茶同咖啡無得唱飮！整體𣎴錯，海鮮腔可以一試。

今個星期特登為大賽車過來住兩日.喜來登一向給我形象不錯澳門來說的確用平靚正形容，兩年前有入住過，令人難忘所以再次選擇！唯獨今次有點兒令我感到失望，星期日朝早9點鐘落去食早餐，算係繁忙時段，這裡廚師像不愁沒生意做還是不想做？早餐總類都算多望落都吸引，同外面不同的有印度薄餅和煎蛋一起食，但呢個煎蛋我足足等了快10分鐘，望著前面的戈位阿叔廚師好像新來手腳慢到不得了，我問他只蛋可否幫我加少少蔥，佢居然答我吾知，我估這就是不是大部分澳門人的心態！這裡用餐大部分是國內同胞禮貌欠奉影響食慾，跟著見到位著灰色制服黑色高帽的廚師成朝見佢黑口黑面行來來去仲大大聲粗口爛舌用詞辱罵女性嚴重影響客人食慾，我禮貌地問佢chef 我只sunny sideup想加少少蔥有嗎？你同事話吾清楚，跟著戈位大廚居然答我仲大大聲話 小姐 我地冇呢樣服務架wo!跟著走左入去，離晒譜⋯⋯我都知這個時段忙，所以我費事大庭廣眾去理論，這麼大的餐廳會沒蔥粒嗎？我都相信你比其他師傅職位大 因為全場得你著灰色制服 行來行去是不是你最大就可以對客人呼呼喝喝？今時今日你這種態度適合在飲食業生存嗎？服務真的比香港的二三線酒店都不如！

晚上8點10分到場，等了10分鐘才安排到入座。先去看一轉有什麼好吃的，款式一樣多。但啲白汁焗蠔勁乾，睇見都唔想拎。。旁邊碟魚全部淨返啲骨，都無諗住換過。我問個server係咪會refill,因為啲焗蠔真係dry 到無朋友。。佢話係咁既，係新鮮喺另一邊制作既。。well,拎左一粒新refill 既，都係汁都乾曬。另外，條魚係無refill過。有長腳蟹，又係得幾條賣剩庶，好幼，無曬之後，就換左龍蝦，睇落係靚同多膏，但有啲un..無咩鮮甜味。生蠔細粒，有殻碎。今次真心失望，因為上次住sheraton 食過呢度既早餐覺得好正，先想黎試下dinner buffet..但真係唔值$420/位。到甜品，食左個即制橙酒crepe,第一次好味。再食第二次完全唔同味，變左caramel 味，一啲橙味都無。。。作為一個甜品師，質素太唔穩定了罷？總括:材料都係貴價嘢，但唔好食，質素差。企檔既人成日失蹤，想拎嘢要等幾耐。唔通唔係食第一輪就無好既食物質素同服務？