影片
電話號碼
+853 28523389
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
天氣熱到唔想煮飯，一於偷懶叫個外賣🥡，當然首選叫泰國菜，開胃又好食😋。今次選擇食過幾次的 祖兒泰國菜 ，印象記得鋪頭有少量堂食位置，平時多數叫外賣，佢地外賣平台上面有啲描述好得意，好似可以選「餐前檢查」「給車手打打氣 一路上有你」等鼓勵選項。.餐點選擇種類亦多，由泰式家常便飯、小炒、湯品、醃物到甜品一應俱全，甚至各種海鮮類都有，抵食之選有兩款經典常餐，人少少又想乜都食，仲可以叫「mini BOX」每種獨立小盒包裝👍。▼泰式椰子焗咖喱雞 $85冬陰公湯 大 $80泰式炒花甲 $55醃青木瓜 $45泰式炒通菜 $40JOEY Whisky Soda $40▼原個椰子外送到 泰式椰子焗咖喱雞 ，內藏焗咖喱雞，香口惹味，雞肉肉質嫩滑，刮埋入邊啲椰子肉，一齊撈飯一流，份量亦多，留左一半隔日拎飯番工😂。.冬陰公湯唔會太辣，較重蕃茄味，酸味較出，內裡海鮮料以蝦肉以及各種菇類為主，啲料好似比以前少左，但整體飲落舒服開胃。..醃木瓜絲酸酸甜甜辣辣地，特別開胃，爽脆口感，唔講笑一啖接一啖。平時多數飲開泰式奶茶、龍眼冰、椰青等飲料，今次點一款特別啲，祖兒特飲，用1shot黑牌、泰式 Soda 、青檸以及冰杯組成，清爽冰涼，有機會可一試。味道基本上不錯，鹹淡適中，多數叫經典菜式都好穩陣，水準保持得到，屋企長輩覺得幾好，三百蚊左右五個菜，性價比可以。
繼續閱讀
您可能會有興趣的...