華麗燒烤

營業中

休息中

睇到youtuber介紹、長途跋涉搵到依間隱世小店、買左兩串雞皮兩串香腸一串魚蛋.....收$75？嘩！果下個心離一離！貴成咁？真係好食成咁？睇住佢腸同魚蛋係由生燒到熟！但食果下都唔熱既！雞皮唔係日式果種口感！係好林！以為食緊白灼豬皮！真心無下一次！五串野$40都比多左！下環街市果間燒烤好食過佢好多！同埋買既時候無問價錢、如果知咁貴一定會試一串算！都係自己既錯！下次食野都係問定價錢好！香港既朋友真係唸清楚先去唔去試啦！

雞脾+雞皮+雞軟骨 (7/10) 總共MOP$65我諗好少人會去澳門食地道串燒，但呢間鋪頭係我會回頭既美食之一。佢既店鋪真係極隱世，既無華麗的招牌、亦都無靚門面，只有對住炭爐三十多年依然超愛燒烤既老闆，佢好強調所有串燒都無味精！當中必食雞脾，鹹鹹甜甜既燒汁滲透啖啖脾肉，諗返起都流口水🤤至於雞皮既口感與眾不同，食落偏腍，似食緊好多膠質、骨膠原一樣，相當有口感👄呢間真係澳門街坊先知既小店啊，剩係做夜晚時段生意。**注意營業時間：夜晚7點至凌晨2點

數年前去澳門，當地的朋友特地帶我們去一間串燒店買燒雞翼，惡人一吃便讚不絕口。但之後每次過去，店子都沒開門，一度以為它已結業，直至兩星期前再到訪，終於讓我們買到了！店子沒招牌，上網亦找不到任何資料，相信只有住在附近的澳門人才知道。沒有確實地址，只知道位於柯利維喇街，下車後惡人帶著我憑記憶沿路一直走，中途突然停下來，指著對面馬路說：『冇呀，間鋪冇左呀！』但我印象中店子不是在那個位置的，所以沒理會他的「嗶哩啪啦」，拉著他往另一方向走，終於給我找到那串燒店了！串燒店就在這棟保康大廈旁邊，對面有一間德豐車行店面很小，只做外賣。串燒款式不多，有香腸、芝士腸、魚蛋、雞軟骨、雞腿及雞翼。香腸 (MOP6／條) 和魚蛋 (MOP5／串) 味道普通，可以不吃，但雞翼一定要試，其特別之處是以炭火燒好後，塗上厚厚的花生醬，而花生醬內更混了些砂糖，令口感香濃脆滑，買了六隻回酒店作宵夜 (MOP11／隻)環境氣氛： ★★☆☆☆老實說，店子十分簡陋，但既然人家只做外賣，就別理甚麼環境氣氛了。食物質素： ★★★★☆獨愛這裡的燒雞翼，秘製花生醬令燒烤與別不同，值得一試。服務態度： ★★★☆☆全店只有老闆一人，一邊燒烤一