影片
以上資料只供參考, 請與餐廳確認詳情
我哋終於食到呢款水果馬卡龍🍓！靚到好似藝術品，爭啲唔捨得食呀🥺。舖頭位於澳門永樂戲院附近🇲🇴，除咗預訂馬卡龍或者馬卡龍蛋糕之外🎂，即場walk in都可以現場買馬卡龍😝。見到咁多款，梗係揀禮盒裝，每樣要一個啦🎁！單粒$30個，而盒裝$168六粒💰。.🍓伯爵茶士多啤梨馬卡龍賣相滿分😝！飽滿鮮紅嘅士多啤梨，夾喺馬卡龍圓餅中間，真係見到就想買💕！咬落去首先食到超濃香嘅士多啤梨味👅，酸酸甜甜。然後食到慕絲嘅伯爵茶香味🫖，同埋忌廉芝士濃郁感🧀，配埋馬卡龍餅身，好滿足。.🍒期間限定 美國車厘子馬卡龍視乎車厘子來貨，呢個款式唔係成日有📅。呢款喺之前新年嘅時候大熱，而家有貨即刻試吓🔥！車厘子好多汁，而且去埋核好貼心👍🏻。而且賣相同樣好正，雙色馬卡龍圓餅，配埋大細適中嘅車厘子，買相比例好完美😍。.🍇茉莉香印提子馬卡龍提子圓轆轆又飽滿，都超級靚🌟！香印提子味道好特別，因為用真空形式，打咗茉莉茶入去🍃。喺清甜嘅提子味道之上，更加有層次。仲有忌廉芝士香味🧀，仲食到馬卡龍本身嘅杏仁甜香.🫐藍莓乳酪馬卡龍一啖食落去超滿足💕！好似將藍莓芝士餅變成一口小食🫦，不過整成馬卡龍感覺更加輕盈。自家製藍莓醬嘅果味都好香，而且呢一款馬卡龍餅身嘅酥脆感💥，更加明顯。.🥭芒果馬卡龍芒果粒味道清香，夾埋乳酪芝士嘅濃郁慕絲醬🫕，好滿足。舖頭仲研究緊新口味，未來會出芒果糯米飯嘅馬卡龍🇹🇭！.🍫抹茶生巧克力馬卡龍用咗75%朱古力，生朱古力嘅味道，超級超級濃厚💥！而且選用咗偏向濃嘅可可比例，可以平衡抹茶同埋馬卡龍嘅天然甜味🍬。
繼續閱讀
今次嚟到澳門最想食竟然係蛋糕！係ig睇到好多澳門蛋糕都好靚仲要價錢平過香港之餘 運費送上門仲好抵！！可以用澳覓送蛋糕上門只係廿蚊澳門人太幸福了吧🥹@merci.creation 澳門蛋糕🇲🇴DAN DAN （榴連x班蘭蛋糕x奶凍）食蛋糕食到澳門去🤣呢個蛋糕由第一眼睇到已經心心眼😍睇下個小榴連靚到～～～！！！！可惜唔係好岩食榴連味唔夠 中間個啲係？榴連忌廉個texture食落好似淡榴連味既莎莉蛋糕蛋糕同cream都偏鞋🫠但係勝在好平同埋送貨又平！澳門送蛋糕都係十幾蚊咋🫠🫠
繼續閱讀
您可能會有興趣的...