世記咖啡

營業中

休息中

聖誕閃遊澳門，去行下食野感受聖誕氣氛，今次第一站去世記(老字號但每次都冇食，上年想食但條龍太長放棄左)，今次早去到唔太多人即買了。等左10分鐘到有，比想像中快。炭燒瓦煲咖啡。炭燒瓦煲咖啡(凍)，$25，口感醇厚，有咖啡香氣但唔算幾濃，如果係熱可能會正點，但外賣方便之下要左凍(樽裝)，有機要試熱。秘製香滑奶茶(凍)，$22，友人的。豬扒厚蛋包，$50，(豬扒包$38，+厚蛋$12)。大大個豬扒包，麵包微熱外脆內軟，煎豬扒鬆化香口，厚蛋好大件，口感軟滑有蛋香，咬落去仲有少許流心蛋漿，幾美味!食物味道不俗，係貴左點，都冇計啦遊客區。氹仔舊城區消防局前地1號地舖