樂點咖啡

營業中

休息中

去澳門會好友，她特意帶了我去一間靚靚cafe 。地點就在永樂戲院同一條巷仔入面，只要搵到架巴士可以係永樂戲院站落基本上就搵到呢間餐廳。由於我係星期五四點到，平日人地返工時間食，所以唔使排隊，一入去就有位喇。我地兩個算大食既女仔，嗌左各自一杯野飲，再加兩個小食一樣飽肚既甜品，結果都係飽到反肚，佢啲野份量真係算多架！算係抵食既。一共食左二百三十幾葡幣。我嗌左杯榛子拿鐵咖啡廳，賣相討好，有熊仔拉花，但榛子味不夠出，反而甜度偏甜少少。呢個炸機個人覺得麻麻地,首先食落口覺得隻雞本身缺乏運動，好鬼肥，第二就係佢個面應該係炸既，但就一口都唔脆口，個人覺得好難受，唔鍾意。唯一印度深刻既係，呢道菜一來到就心諗「哇乜咁大份」。粟子味pancake,三個字，甜，乾，滯。可一不可再，個pancake雖然係厚身，但本身個配方就係太乾，令個pancake 一啲都唔濕潤。再加上啲好甜既粟子蓉同粟子肉，真係飽過食飯呀陰公。呢個pancake 係由三層厚pancake組成。呀！仲有個不得不提既野就係炸薯條，其實應該叫薯角，炸得夠脆，又大份！抵食。