影片
更多
2016-12-08
4938 瀏覽
登登登登！終於到左今次澳門好西掃食之旅既另一個重點啦！就係安德魯既葡撻！！！係令屈小姐係香港成日提起想食既安德魯葡撻！有見及此，賴生今次就決定帶屈小姐去安德魯位於路環既總店朝聖啦！而屈小姐一路都極極極期待呢一刻😂😂，賴生由佢既眼神睇到😂😂由酒店搭巴士去路環，過程只係15分鐘左右，但屈小姐已經等唔切啦！而且賴生今次仲發現左屈小姐一項神秘既技能—安德魯感應器（In English, Lord Stow's detector) ，屈小姐勁到一落車連GPS/地圖睇都唔駛睇就知道安德魯既位置！好似佢黎過N次咁⋯明明大家都係第一次黎😂😂係極速到達安德魯總店之後，我地入去望左一個圈，好多唔同既包包，蛋糕連沙律都有！總店真係總店，多好多野食！當然亦有人龍啦😂😂(不過其實唔駛點排，因為職員都好快手)今次我地食左 1） 葡撻 （4.5星）- 聰明既賴生知道，呢個時候係唔可以同屈小姐share一個食！屈小姐係要自己一個人食晒一整個葡撻既！所以我地叫左一人一個！- 總店既葡撻味道同分店一樣！一樣富蛋香而唔會太甜！不愧爲安德魯！撻皮亦做到一層一層！- 可惜係 ，唔夠熱(因為店員為左快，而將葡撻預先逐個放左入紙袋
由酒店搭巴士去路環，過程只係15分鐘左右，但屈小姐已經等唔切啦！而且賴生今次仲發現左屈小姐一項神秘既技能—安德魯感應器（In English, Lord Stow's detector) ，屈小姐勁到一落車連GPS/地圖睇都唔駛睇就知道安德魯既位置！好似佢黎過N次咁⋯明明大家都係第一次黎😂😂
係極速到達安德魯總店之後，我地入去望左一個圈，好多唔同既包包，蛋糕連沙律都有！總店真係總店，多好多野食！當然亦有人龍啦😂😂(不過其實唔駛點排，因為職員都好快手)
今次我地食左
1） 葡撻 （4.5星）
- 聰明既賴生知道，呢個時候係唔可以同屈小姐share一個食！屈小姐係要自己一個人食晒一整個葡撻既！所以我地叫左一人一個！
- 總店既葡撻味道同分店一樣！一樣富蛋香而唔會太甜！不愧爲安德魯！撻皮亦做到一層一層！
- 可惜係 ，唔夠熱(因為店員為左快，而將葡撻預先逐個放左入紙袋)，令撻皮既層次同味道冇咁分明，口感就塌左少少同油左少少，扣0.5星啦，令屈小姐有d失望 (屈小姐仲要係由一拎上手果一刻就開始失望啦好掛住上次食既熱辣辣葡撻)
2） 天使蛋白蛋糕（ 2星）
- 純粹係軟得尼又實實地同彈口既清蛋糕
- 冇乜蛋香同味道
食完之後，拖住屈小姐係路環邊行邊影相（影左好多靚相呀）！好relax！好正！好希望我地一直都係咁❤️
p.s. 感覺上總店職員service差啲，唔知係咪咁岩得咁橋，比我地目擊到排我地前面既客人因為仲猶疑緊要幾多個葡撻，唔夠快手而比職員鬧
#強大既安德魯感應器
#澳門好得意，分店味道水準比總店好
#安德魯好好味
#唔夠熱唔夠喉
葡撻
$10
118 瀏覽
0 讚好
0 留言
天使蛋白蛋糕
$5
164 瀏覽
0 讚好
0 留言
張貼
