星滙餐廳

營業中

休息中

留意過澳門人寫自助餐評價，有趣發現，他們比較着重蟹腳，生蠔供應，甜品。但我發現香港人比較集中款式種類選擇多寡，新鮮程度，海鮮種類。唔知係咪因為呢個文化差異，嘗試搵一間好一點嘅澳門自助晚餐，都發現間間都有人評論差，包括君悅酒店嗰間貴到喊又可以自選海鮮處理煮法，一樣有人評價佢選擇少。最後二選一，巴黎人自助餐及新濠影匯自助餐，繼續努力爬文，發覺巴黎人自助餐得壹個賣點，就是所謂嘅熱食芝士龍蝦及煎鵝肝，每半小時交替供應一次，冬天真係吸引，可惜限時兩小時，食自助餐又要照顧小朋友又要限時，確係辛苦。所以最後選擇新濠影匯，老實說選擇算多，可惜重點嘅海鮮及魚生，選擇較小，魚生得四款，海鮮就係澳門人鍾意嘅長腳蟹、有麵包蟹，不過啲人好衰淨係攞晒啲蟹殼，剩返下面部分。成世女未試過食生蠔，淨係得浸皮，堅係得浸皮，入邊乜嘢都冇，仲以為佢比人哋食剩嘅生蠔殼我添（睇相片）冇呃你，我唔會用個瘦字形容佢，係「冇」蠔肉！有凍蜆凍螺，蝦就有凍蝦同埋熱炒。甜品選擇都算少。整體都算可以接受，相對價錢正價就貴咗啲。