盛事

營業中

休息中

與朋友過澳門前買了這個自助餐套票，扣除船票後，這個自助餐需要$500多元，所以抱有期望去食，朋友重因爲有生蠔及龍蝦而揀呢個自助餐。去到澳門搭的士去呢間自助餐，司機話呢間超正、超多野食，那一刻以為自己好醒，揀到好野食，點知一入到呢間野，就知道中伏。食物枱簡直少得可憐，食物嘅選擇可以話比香港三線酒店更少。那晚嘅主題係藍鯨吞拿魚，有10款左右食物都係那條都那條藍鯨吞拿魚做出來嘅食物，全晚嘅熟食只得兩三款，無錯佢真係得兩三款。仲要嗰啲龍蝦同生蠔，簡直係小兒麻痹，重要食完好耐都唔refill ,一出就大家去搶，真係超有病。魚生得兩三款，甜蝦一次都未食就無喇，又係淨返那條藍鯨吞拿魚做刺身，真係神又係佢鬼又係佢，果汁又係有限度供應，一出大家又去搶真係好恐怖好似返咗大陸。最後連甜品都唔掂,無一樣係好食,實在係我人生中食過最差最差嘅buffet 。仲有未見過大酒店buffet係會有火腿粒炒飯囉⋯⋯真係一試難忘呀！