影片
更多
2017-03-10
441 瀏覽
我哋一行4人，過大海玩下喇有個姊妹話次次來澳門都冇食過翅，就帶咗佢哋來福隆新街呢度試下，以往我來就食譚家嘅，佢哋行咗一下決定食呢間官翅睇見個招牌似老字號咪入去試下樓面得一個男人做侍應，見門口同明星合照，估計佢係老闆來嘅，過來幫我哋落單我哋已經叫咗最貴果三個160170150最平都叫130蚊嘅，總共4客翅個“老闆”就來料喇，似乎唔多妥有一個叫130蚊咁平咁，係都叫我哋叫貴果個靚D我哋打算share食，所以專登叫唔一樣嘅試多D，咁佢又冇再出聲，但係面口就唔多好睇佢比了一杯杯裝飲品我，黑黑哋嘅都唔知咩名堂，落單時又唔知有嘢飲，4個人先比一杯落來，我梗係問佢咩飲品，點解係得我有，佢哋咧？佢嘅回答係:比你飲你就飲喇！！好嘢來咖！我初初以為佢係講笑，好似我哋香港某些惡老闆咁，態度或者唔係十分好，但食物係超水准當我飲咗一啖，我覺得一定唔係囖！甜度爆錶，係難飲果隻，咩味道都飲唔出，係完全唔想飲第二啖好了，翅來了，賣相都唔錯嘅，滾滾哋都幾有食慾，食咗幾啖，覺得撈飯食都幾好於是問“老闆”有冇白飯，佢又接得幾快:“有！120蚊一碗要唔要，一副玩世不恭的樣子講。咁我又以為佢同我哋講笑喇，佢接住話，120蚊係用
有個姊妹話次次來澳門都冇食過翅，就帶咗佢哋來福隆新街呢度試下，以往我來就食譚家嘅，佢哋行咗一下決定食呢間官翅
睇見個招牌似老字號咪入去試下
樓面得一個男人做侍應，見門口同明星合照，估計佢係老闆來嘅，過來幫我哋落單
我哋已經叫咗最貴果三個
160
170
150
最平都叫130蚊嘅，總共4客翅
個“老闆”就來料喇，似乎唔多妥有一個叫130蚊咁平咁，係都叫我哋叫貴果個靚D
我哋打算share食，所以專登叫唔一樣嘅試多D，咁佢又冇再出聲，但係面口就唔多好睇
佢比了一杯杯裝飲品我，黑黑哋嘅都唔知咩名堂，落單時又唔知有嘢飲，4個人先比一杯落來，我梗係問佢咩飲品，點解係得我有，佢哋咧？佢嘅回答係:比你飲你就飲喇！！好嘢來咖！
我初初以為佢係講笑，好似我哋香港某些惡老闆咁，態度或者唔係十分好，但食物係超水准
當我飲咗一啖，我覺得一定唔係囖！甜度爆錶，係難飲果隻，咩味道都飲唔出，係完全唔想飲第二啖
好了，翅來了，賣相都唔錯嘅，滾滾哋都幾有食慾，食咗幾啖，覺得撈飯食都幾好
於是問“老闆”有冇白飯，佢又接得幾快:“有！120蚊一碗要唔要，一副玩世不恭的樣子講。
咁我又以為佢同我哋講笑喇，佢接住話，120蚊係用咩帶子定蝦炒嘅飯，要唔要啊，整一碟你哋歎下，白飯？你估我開善堂咖？個個來食碗翅都要白飯我咪蝕死，個個食到飽曬咪唔使叫第樣嘢食？係呢度邊個咁蠢賣白飯啊，哈哈！”
我哋聽到佢嘅回答，當堂都冇心情食喇，講嘢串到啊媽都唔認得，幾個姊妹面都黑曬，一路食一路講:有你就講有，冇你可以講冇，講咁多嘢做咩，當我哋係咩？以後都唔會再幫襯呢間嘢，未曾試過來澳門有D咁嘅態度，影衰澳門嘅形象
個“老闆”一路做嘢就應該聽到我哋講呢D說話喇，開始有點怯，好似想補鍋咁，其他食客入來態度轉好D，冇咁黑面喇
後來又有一檯問佢有冇白飯，佢轉咗第二個回答，仲要笑笑口:“呢度冇吖，你哋想要我打電話去外面叫人哋送過來啊”！人哋好似就話唔使了。
我哋食完喇喇聲走人了，睇見佢都乞人憎
當我哋一起身走，其中一個姊妹出來門口之後同我講，話個“老闆”馬上一個箭步衝去我哋檯儸返杯飲品，其他碗碟都唔收，就儸杯飲品返廚房，就係我頭先飲過果杯超級難飲飲品。仲要好輕佻咁講:唔飲悭返！
姊妹話睇佢動靜覺得佢好有可能係回收返杯嘢比下一個人飲咁當堂想想我頭先飲果啖分分鐘都有人哋口水，搞到想反胃
總之去澳門以後都唔想來呢間
張貼
