更多
2023-01-09
3044 瀏覽
平時比較少聽到呢間自助餐,網上評價都不多,難得有假期試試佢地自助午餐,用餐時間12:00-14:30,當日週末基本上滿晒,有興趣記得提早預約。▼自助午餐 逢週六日 成人($278/位)▼令我驚喜和回頭最多係 #戶外燒烤區 ,當日餐牌有烤青口、魷魚、沙丁魚、雞腿、牛排、羊腿、烤薯仔和烤麵包,位於戶外區,即點即烤,基本上試左兩三轉都好評,魷魚雞腿烤到嫩身,牛排羊腿肉質算嫩,又唔會乾身。.另外有一區又係大熱之選,基本上睇住廚師整好,會較多人等,新鮮即煮熱辣辣,試左幾款好好味🤤,幾種炒蛋類(薯絲馬介休炒蛋、咖哩辣魚炒蛋和韭黄叉燒炒蛋)以及松露培根意粉和海鮮意大利飯 都可一試。.鬆餅、PANCAKE和西多士亦係即叫即整,味道不錯,特別既係可以「自製」意式三文治 ,將個人喜好配料夾好,廚師會幫你組合成三文治🥪。.海鮮冷盤得龍蝦鉗和扇具,仲有一樽樽加配料調味鮮蝦,除左龍蝦鉗外,其他味道就一般般。.蛋糕甜品中規中矩,幾款偏甜或者味道麻麻,印象最深係焦糖布丁最好食😋。雪糕可以原球 或者 #炒雪糕 ,可以選擇加入生果一齊炒,呢個幾特別既,去到最後真係超多人排隊!.當早午餐來講,拎左份酸奶加不同配料和生果,
▼
自助午餐 逢週六日 成人($278/位)
▼
令我驚喜和回頭最多係 #戶外燒烤區 ,當日餐牌有烤青口、魷魚、沙丁魚、雞腿、牛排、羊腿、烤薯仔和烤麵包,位於戶外區,即點即烤,基本上試左兩三轉都好評,魷魚雞腿烤到嫩身,牛排羊腿肉質算嫩,又唔會乾身。
.
另外有一區又係大熱之選,基本上睇住廚師整好,會較多人等,新鮮即煮熱辣辣,試左幾款好好味🤤,幾種炒蛋類(薯絲馬介休炒蛋、咖哩辣魚炒蛋和韭黄叉燒炒蛋)以及松露培根意粉和海鮮意大利飯 都可一試。
.
鬆餅、PANCAKE和西多士亦係即叫即整,味道不錯,特別既係可以「自製」意式三文治 ,將個人喜好配料夾好,廚師會幫你組合成三文治🥪。
.
海鮮冷盤得龍蝦鉗和扇具,仲有一樽樽加配料調味鮮蝦,除左龍蝦鉗外,其他味道就一般般。.
蛋糕甜品中規中矩,幾款偏甜或者味道麻麻,印象最深係焦糖布丁最好食😋。雪糕可以原球 或者 #炒雪糕 ,可以選擇加入生果一齊炒,呢個幾特別既,去到最後真係超多人排隊!
.
當早午餐來講,拎左份酸奶加不同配料和生果,飲品得幾款果汁和咖啡奶茶類,另外仲有四款壽司、西式濃湯、中西式料理、韓式料理、麵檔、各款沙律、蔬菜、麵包芝士、生果等。
.
以自助午餐來講,總體種類都幾多,每樣有少少,比我來之前想像中多,但食左兩三輪後再想選擇不多,海鮮種類算少,刺身無,勝在燒烤和各類即點即煮野食,而且有幾種可個人化料理,整體比我感覺還好。
張貼