影片
更多
2011-05-30
1064 瀏覽
3月20日, 食完早餐~ 話咁快又要趕到下一站, 食我地此行最期待之一嘅緬甸麵! 早喺前幾次嚟澳門已經想試~ 奈何因為地點唔太就腳次次臨尾作罷, 今次終於有機會一試喇!::: 炸春卷 x2 ::: $7@唔係好暖, 有少少凍, 所以個炸皮唔係好脆, 部份仲有d淋… 味道比一般嘅淡, 可能d料本身味道唔夠, 比較齋…::: 炸咖哩角 x2 ::: $7@今次呢個咖哩角終於似番我地平時食開嗰隻咖哩角~ 不過呢度嗰d都係偏大隻同飽滿! d咖哩角都炸得夠香脆~ 惹味得嚟唔算太辣, 都幾好味!::: 椰汁雞麵 ::: $17呢個椰汁雞麵同我之前食過嘅有d唔同~ 呢個個汁杰好多, 食落有d似撈麵! 椰汁比例亦相對地多, 味道好濃郁, 加埋d質地索汁嘅油麵, 好thick好好食! d雞肉炆到淋晒, 有d似食緊個唔辣嘅咖哩雞咁~ 仲有d油炸鬼, 索晒d椰汁變到煙煙韌韌咁好得意~ ::: 魚湯粉 ::: $17d河粉滑得嚟又碎碎地, 好易就o雪一聲吞咗! 由於d魚肉已經熬到溶晒落個湯度, 所以個湯底都係比較杰身, 咬下咬下又會食到一舊舊魚肉碎. 魚湯無腥味, 而且無乜魚骨, 連唔食魚嘅呀菲都啱食~ 仲有
::: 炸春卷 x2 ::: $7@
唔係好暖, 有少少凍, 所以個炸皮唔係好脆, 部份仲有d淋… 味道比一般嘅淡, 可能d料本身味道唔夠, 比較齋…
::: 炸咖哩角 x2 ::: $7@
今次呢個咖哩角終於似番我地平時食開嗰隻咖哩角~ 不過呢度嗰d都係偏大隻同飽滿! d咖哩角都炸得夠香脆~ 惹味得嚟唔算太辣, 都幾好味!
::: 椰汁雞麵 ::: $17
呢個椰汁雞麵同我之前食過嘅有d唔同~ 呢個個汁杰好多, 食落有d似撈麵! 椰汁比例亦相對地多, 味道好濃郁, 加埋d質地索汁嘅油麵, 好thick好好食! d雞肉炆到淋晒, 有d似食緊個唔辣嘅咖哩雞咁~ 仲有d油炸鬼, 索晒d椰汁變到煙煙韌韌咁好得意~
::: 魚湯粉 ::: $17
d河粉滑得嚟又碎碎地, 好易就o雪一聲吞咗! 由於d魚肉已經熬到溶晒落個湯度, 所以個湯底都係比較杰身, 咬下咬下又會食到一舊舊魚肉碎. 魚湯無腥味, 而且無乜魚骨, 連唔食魚嘅呀菲都啱食~ 仲有面頭一大塊薄脆, 點下湯食又增添口感~ 但若然同其他地方嘅魚湯粉比, 呢度個魚湯就略欠清甜, 爭少少…
::: 緬甸撈麵 (冷食) ::: $17
都係一個油麵底, 有d炸蒜、肉鬆、洋蔥絲、花生碎、芫茜同舊好似喺咖哩雞度撈過嚟嘅薯仔~ 調味汁都喺晒碗底, 撈勻之後味道鹹香有趣, 都幾特別!
隨麵更附上魚湯一小碗~ 不過淨飲魚湯味道就一般般…
::: 馬拉盞撈麵 ::: $19
馬拉盞撈麵係好plain嘅油麵底加上大量馬拉盞! 馬拉盞脆卜卜好香口, 油麵煙韌帶淋, 兩者質地交錯口感豐富~ 都係特式之選!
::: 生菜/菜芯 :::
食咗咁多樣澱粉質, 都叫番兩個菜平均下~ 一碟生菜一碟菜芯, 正正常常都無乜特別好講~
::: 原味豆漿/紫米香豆漿/白果腐竹薏米水 :::
飲品方面除咗普通豆漿外仲有紫米香豆漿同白果腐竹薏米水呢d特別野~ 豆漿們都好香豆味, 甜度適中,其中紫米豆漿比普通豆漿多咗一份米味, 味道更少甜, 好似健康d~ 白果腐竹薏米水d腐竹煲到全溶, 屬濃杰質地, 微甜帶豆香, 仲幾飽肚!
真不枉我地特登搭咗個的士嚟食! 細心d其實地點唔難搵, 只係佢縮咗入一棟大廈裡面~ 可能係假日, 不論遊客以至本地學生都好多~ 緬甸食物果然夠特式, 味道亦容易接受! 香港比較少呢類菜式, 所以有機會去澳門真係不容錯過!
張貼
