福龍葡國餐廳

營業中

休息中

相信大家都好熟新馬路，呢條街有好多餐廳，呢間福龍葡國餐係新馬路最耐歷史嘅葡國餐廳，亦係《米芝蓮指南》香港 澳門 2017「推介」餐廳 。首先試咗葡式炒蜆$95，係我最愛嘅葡國菜式之一，主要用白酒同檸檬汁炒，呢個仲加入少少辣椒、蒜頭、芫茜去炒，更帶出蜆嘅鮮甜。呢款炒蜆檸檬汁比例較少，推介唔太鐘意好勁檸檬汁嘅人黎食，仲有一定要叫碗白飯黎撈蜆汁呀！！ P.S. 張枱嘅葡式磁磚好靚葡國雞$93: 上菜時有少少嚇親，因為好大煲！雞件加有番茄、炸過嘅薯仔、洋蔥、西芹、橄欖各少量，雞肉煎金黃後再煮，但食落就無乜雞味，個葡汁嘅椰汁落多左（第一張圖中間好多椰汁）食落似椰汁雞多d～汁仲多過料～餐廳有做facebook 同埋wechat 推廣，只要把食物照片及餐廳推廣照片upload， 就可以獲得甜品一份， 侍應送黎食物後，我即刻影野食相跟手upload埋張相，侍應睇完我真係upload 左後，上完晒主菜後佢就送上甜品～木糠布甸ARARAR。