影片
港鐵中環站 D2 出口, 步行約3分鐘
繼續閱讀
電話號碼
35638693
開飯介紹
這家日本料理餐廳主打廚師發辦、壽司、刺身、稀有部位的和牛串燒和季節性限定清酒。其開放式廚房讓你可邊食邊觀賞師傅烹調菜式。
繼續閱讀
營業時間
今日營業
全日休息
星期一至六
12:00 - 15:00
18:00 - 22:30
星期日
全日休息
公眾假期
全日休息
公眾假期前夕
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
今日上完拉筋堂, 去睇跳舞表演前, 黎到之前同學介紹的人氣26樓的日本餐廳食個美味的午餐先😊. 一黎到就見到出面景觀好吸引, 裝潢雅致, 呢到主要係吧枱座位和開放式廚房, 可以望到廚師製作食物, 眼睛多樣欣賞😂, 哈哈~餐牌有多款午市定食🍱, 仲有高級版的廚師發辦, 岩哂唔同口味既朋友~ 我就揀選了丼定食🍱~碎切剌身壽司丼定食($280)🍣Deluxe Sashimi Sushi Rice Bowl Set定食包括了日式雜菜蟹條沙律🥗, 沙律菜新鮮清爽，麵豉湯🥘有白蘿蔔、海帶、紅蘿蔔，味道香濃帶甜, 茶碗蒸蛋🥚蒸得剛好滑溜，散發香香的菇味~主角上場, 剌身壽司🍣丼種類多, 目測有八九種不同款式的碎切刺身, 全部肥美新鮮，海膽當然係我至愛❤️、十分鮮甜, 很喜歡, 仲有吞拿魚, 鰂魚🐟，其中一款仲經過燒一燒, 所以很香, 其他款式也十分鮮甜美味, 很享受這一款豐富的刺身壽司丼！對自己好啲, 哈哈!餐廳都有擺設和提供好多不同的日本酒🍶🥃供飲酒作樂配搭唔同食物, 喜歡飲番兩杯的可以和朋友一齊暢飲說笑品嚐美食🥳, 等我下次約埋幾個朋友黎開心gathering😋!
繼續閱讀
處理完事務去咗Stanley 11頂樓呢間高級日本料理一緒一番酒場獨食，真係一個人都可以盡興. 餐廳裝修優雅有格調，樓底好高好開陽，兩邊落地大玻璃可以飽覧中環城市景致. 開放式廚房同吧枱座位拉近廚師同食客距離，仲可以欣賞師傅精湛刀工. 餐廳出名食廚師發辦仲有串燒，不過午市定食平平哋二三百就可以品嚐到咁高級嘅料理，想豪啲都有$680/$980 廚師發辦. 叫咗個$280細碎切壽司丼定食.日式雜菜沙律用上高級承載容器，沙律菜新鮮清爽，仲有蟹柳更豐富. 茶碗蒸蛋好滑溜，仲散發着淡淡菇香味. 麵豉湯勁足料，有白蘿蔔、海帶、紅蘿蔔，味道好鮮甜. 碎切刺身壽司丼師傅精心挑選時令新鮮刺身做食材全部肥美新鮮，種類超多有成十種八種不同款式，常見海膽、吞拿魚唔少得，仲有多款平時唔多食到嘅刺身都有啊. 真係未試過食咁豐盛嘅雜錦刺身丼！一路食都聽到師傅同隔籬枱講解廚師發辦嘅食材，都學到唔少嘢. 另外餐廳不定期都會出sake paring 呢啲活動, 想試美酒佳餚嘅朋友記得唔好錯過啦. 雖然話一個人都可以好盡興，不過其實餐廳名嘅意思就係best together，下次都係同朋友仔一齊去食會開心啲🫰🫶🏻
繼續閱讀
大隻仔今次覓食嘅店舖就係💥 一緒一番酒場 💥大隻仔今次介紹一間位於中環樓上舖，客人不多，食物質素不錯嘅日本餐廳，一出lift，就係餐廳位置，餐廳樓底好高，感覺開陽，座位只有吧枱，open kitchen 設計，可以近距離望到師傅烹調食物嘅手法。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 北海丼 $280 （另加一服務費）午市套餐包括沙律菜、茶碗蒸、麵豉魚湯。北海丼係一個三點刺身丼飯，有北寄貝2片、鰤魚4片、海膽， 再配上生醃白蘿蔔片、壽司薑片墊底，大隻仔比較貪心，如果有埋北海道出名嘅帆立貝刺身就更加滿足。北寄貝用上新鮮北寄貝，爽口彈牙，夠曬新鮮，但有少少腥味。鰤魚肉質緊緻，充滿油香味道，表面灑上魚鬆粉，甜甜地幾好食。海膽用上北海道馬糞海膽，入口即溶完全冇腥味，非常高質。飯有濃厚日本醋味道，飯量大概三分一碗滿，配有蟹柳絲、干瓢絲、白芝麻粒。
繼續閱讀
一緒一番酒場中環士丹利街11號 Stanley 11 26樓經開中環，老友想食日本菜，帶咗我去Stanley 11 嘅 一緒一番酒場，果然冇介紹錯。😽日式雜菜沙律沙律菜新鮮爽口，加了蟹柳和飛魚子提升層次，胡麻醬汁酸酸甜甜好開胃。😸麵豉湯鹹度適中，配料有白蘿蔔、香蔥和海帶，暖胃一流。😋黑松露蘭王蒸蛋得獎冠軍菜式，面層放了黑松露醬和蛋黃，中層有三文魚子，底層蒸蛋又香又滑，配料有菇和日式魚蛋，攪勻食好正，每一啖都有黑松露、蛋黃和三文魚子的香味，必食！🤤碎切刺身壽司丼刺身有熟成了五日的北海道鰤魚，沒有急凍的北海道新鮮帆立貝，北海道海膽。鰤魚魚油豐富，入口即溶，帆立貝鮮甜爽口彈牙，份量十足，我淨係鍾意食北海道嘅海膽，鮮甜嫩滑，其他地方嘅海膽唔同層次。吃到中段可加 wasabi、紫蘇葉、子薑和自家製柚子味蘿蔔刺激味蕾。壽司飯醋味香濃，酸度適中，加了芝麻、蟹柳和煮干飄，大滿足！😻自家製焦糖海鹽雪糕又香又滑，調味和份量控制得好好，薄荷葉夠 fresh，so nice。😚一緒一番酒場 環境舒適，食材高質，侍應服務態度好，還會再來。😎🤘🏻
繼續閱讀
今日去咗中環Stanley 11搵嘢食，呢幢大廈喺士丹利街11號，入面有好多間嘅餐廳，最後揀咗26樓嘅一緒一番酒場食晚市omakase，$880一位嘅十貫廚師發辦壽司套餐，價錢合理，師傅熱情，推介大家嚟試一試！🍊 前菜：柚子醋沙律、牛蒡漬、醃蘿蔔柚子醋同醃蘿蔔酸酸地好開胃，牛蒡漬亦都好爽口，清新咗口腔嘅味蕾🍊 鯛魚薄切 鯛魚片切得好薄，晶瑩剔透，有菊花瓣同蔥花做襯碟，用咗青檸汁、橄欖油同岩鹽做調味，青檸汁帶出鯛魚嘅鮮味，橄欖油帶出魚身嘅順滑感，即磨嘅岩鹽亦都為鯛魚片加上適當嘅鹹味，食落去感受到啲魚片嘅新鮮。🍊 10貫握壽司🍣北海道活北寄貝：咬落去爽口，唔似熟北寄貝咁韌🍣浜吹鯛魚：來自沖繩嘅深海鯛魚，油脂分布平均，魚身上面炸過嘅木魚乾好香口🍣地金目鯛：最高級別嘅鯛魚，火炙後嘅魚身偏軟，配上甜味噌醬🍣魷魚：煙靭嘅口感配上鳥梅子粉，有淡淡嘅鹹香味🍣鰤魚：肉質豐厚，口感彈牙清爽，既有魚脂嘅油香，亦有鮮甜味🍣醬漬吞拿魚：吞拿魚好厚身，用日本豉油去醃，鹹度啱啱好🍣赤蝦：蝦身鮮甜爽口，上面配上用櫻花蝦磨成嘅粉末，食完成件壽司後口腔充滿濃郁嘅蝦味🍣海膽：海膽鮮甜配上梅粉，冇鹹海水味🍣A4和牛：選用和牛嘅肩胛肉，咬落有口感，牛味濃郁，配上薑蓉同蔥花，中和左和牛嘅油膩感銀鱈魚：火炙過後魚油感好重，配上黑松露醬，口腔入面充滿魚香同松露香🍊 燒物串燒有三串，燒雞脾肉嘅肉質嫩滑、燒雞腎嘅口感爽口， 燒豆腐先炸後燒再配上自家製嘅麻辣醬，又香口又惹味🍊 一緒特色湯：蜆肉昆布麵豉湯🍊 甜品：靜岡蜜瓜，又甜又多汁📍中環士丹利街11號Stanley 11 26樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊
繼續閱讀