影片
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
諗住簡簡單單快快脆脆食啲嘢，路過呢度，朋友👩🏻🌾見到有燒鵝食🦢，話想食，咁就拉咗我入去開餐🤣呢度有多款「一人套餐」可以選擇，咁揀咗 $180「原隻燒鵝脾🦢拼乳豬🐷 Whole Roast Goose Leg 🦢 + Suckling Pig 🐷 」，「一人套餐」跟「油菜一碟、小食一碟，白飯一碗，老火湯一碗」，再加 $5「熱奶茶」🤩「原隻燒鵝脾🦢拼乳豬🐷 Whole Roast Goose Leg 🦢」：燒鵝脾🦢同燒乳豬🐷都係外皮燒到脆脆哋，鵝脾肉好鵝味，乳豬基本上偏瘦但係又有少少肥好甘香👍「油菜」係菜心🥬「小食」係拍青瓜同埋雲耳「老火湯」係青紅蘿蔔湯$88「玫瑰豉油雞半隻」：雞皮吸收晒醬油咖啡色非常有醬油香味，朋友👩🏻🌾同我都忍唔住食咗兩塊雞皮🤣；雞肉基本上都夠滑，仲有一碟薑蓉可以沾雞食，更加惹味👍「熱奶茶」大大杯夠熱夠滑🤣我哋用餐期間見到不停有燒乳豬🐷同燒鵝🦢出爐👍😋
繼續閱讀
呢排喺灣仔新開張左間燒鵝店，來頭就勁啦，係由米芝蓮2星中餐廳燒味部主廚創業， 中菜嘅米芝蓮確實係好難得先攞到仲要係兩星，所以絕對要體驗一下。😛特別係下午茶時段嘅時候價錢更加抵，而且份量亦都唔使性價比極級高🤩燒鵝拼切雞飯— 🪿呢一度嘅燒鵝知名度，當然不必多講， 而且為咗確保新鮮，佢哋亦都會不停咁樣去燒，🍖難怪咁好生意啦，燒鵝嘅皮非常深潤，而且鵝油香滿滿，肉質亦都係柔軟，油而不膩，越食越上癮。 🍗至於貴妃雞亦都唔簡單。雖然同白切雞一樣，🐥但係肉質遠比外觀勵德新鮮而且一絲絲嘅肉好輕易咁樣分離，最緊要做到唔乾。 🐥以呢個價錢嚟講已經係直晒回票價。🥢燒味三拼-燒腩仔，肥燶叉，乳豬🐷依個份量絕對唔少。🤤首先講吓燒腩仔每日新鮮嘅炭火燒令到外皮脆卜卜而且分層亦都好分明，🥩同樣都係唔肥膩可以成塊放落去厚度慢慢品嚐到每一層嘅變化。🥓至於肥窿叉更加係呢一度嘅特色之作。🥩半肥瘦嘅Pattern 再配合埋邊邊少少燶咗嘅位更加有味道，🍖出邊塗咗層蜜糖更加甜美，🍯送飯一流。 最後當然唔少得佢哋不停咁樣去燒嘅乳豬。🐷皮同肉分離，肥嘅地方都已經去除咗剩低嘅就係好似豬肉紙一樣咁脆嘅乳豬皮同埋精挑細選嘅瘦肉, 🐽比炭火烤完之後味道零舍出， 色澤實在吸引😍滷水豬腳仔— 🐷呢一度除咗燒味係殿堂級之外，滷水亦都唔輸蝕， 🐽豬腳仔好整齊咁樣排列而且師傅就已經切到非常容易入口，😛而且皮同肉都滲透住好清香嘅滷水味，完全唔廢牙就可以食得乾乾淨淨，處理認真超班。🍖天龍燒鵝 (灣仔)灣仔軒尼詩道354號昌業大廈地舖
繼續閱讀
天龍燒鵝位於灣仔，地理位置非常方便，餐廳係米芝蓮2星中餐廳燒味部主廚創業。仲係全日不停燒製乳豬，燒鵝～非常新鮮。餐廳嘅位置都非常闊落，唔似平日嘅舊式燒味舖咁。亦都非常光猛！🌟燒腩仔油雞飯燒腩仔脆卜卜，油雞亦都非常滑嫩！🌟一人套餐～原隻燒鵝髀雙拼叉燒白飯～油菜菜心～涼拌青瓜～老火湯非常豐富嘅一人餐，仲要有原隻燒鵝髀，燒鵝髀非常香口啖啖肉，好味到不得了。老火湯絕對係抵讚🤝足料夠味🌟燻蹄拼生腸煙煙韌韌嘅生腸再加上燻蹄絕對係開胃之選。
繼續閱讀
放工喺灣仔附近食飯，老公話帶我去食好嘢，我心諗燒味飯會有幾好食，點知呢度啲燒鵝同埋乳豬真係好正。原來呢一間餐廳係由米芝蓮二星中菜部主廚創業，唔怪得知咁有水準啦，加上我見餐廳keep住燒乳豬燒鵝，唔係一早燒定晒好多貨，真係新鮮好食。原隻燒鵝髀拼乳豬一人餐 $180燒鵝髀個皮燒得好靚，酥脆得嚟又唔會乾，肥美得來又唔會好多肥膏，肉質鮮嫩沾上酸梅醬好好食，食髀真係唔同啲。乳豬好鬼正，啲皮酥脆，唔硬，帶少少煙燻香，乳豬唔會全部都係肥膏冇肉食，呢度啲乳豬係一層脆皮，然之後一層薄薄肥膏仲有充滿肉汁嘅嫩肉。一人餐跟一碗飯、一個小食，即係醃青瓜雲耳，同埋一碗老火湯。叉燒拼油雞飯 $60油雞好有驚喜，我哋冇特別加價要髀位，但係都好滑好滑，豉油味就正常，配蒽蓉食好正。叉燒就正正常常，唔乾唔柴，都幾稔，如果想再好食啲，可以加$5要肥燶腩叉。涼拌海蜇 $50我仲加咗呢個小食，海蜇爽脆爽脆，少少辣，好開胃。
繼續閱讀
餐廳係米芝蓮2星中餐廳燒味部主廚創業主打燒味，而且每日不停燒製乳豬、燒鵝，質素一定有保證ღ乳豬拼原隻燒鵝髀飯 $160唔想食飯可以轉粉麵我就揀咗米粉，份量十足！食落夠晒爽口而乳豬皮又燒得夠晒香脆，放耐咗仲係脆卜卜😍燒鵝髀大大隻啖啖肉，皮脆香嫩，口感帶滿滿鵝油香🤤ღ四寶飯 $60一次過滿足四個願望有燒腩仔，皮脆肉嫩又香口，腩肉帶點鹹香，貴妃雞皮油油亮亮帶著香氣、雞肉入口好嫩好滑，仲有紅腸同咸蛋，米粒口感彈牙，飯香四溢ღ燻蹄拼海蜇 $48燻蹄薄薄一片片，彈牙爽口，海蜇脆口微辣惹味😋🥤凍奶茶+$6🥤凍華田+$6
繼續閱讀