影片
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
食家推介
今日喺尖沙咀嚟到晚餐時間 經過呢間 河內越式料理 就有啲想食越南菜 咁就入咗去食啦～ 坐低睇睇餐牌 好多選擇 除咗平時會見到嘅越南湯河、檬粉、米紙卷等等 呢個 濱海類 好特別 想試試😬 極品牛三寶湯河 $73三寶有生牛肉、牛展、同埋牛丸 個湯熱辣辣拎上枱 睇住啲生牛肉慢慢變熟 好治癒😌 三樣食落都有牛味 牛展炆得夠淋又入味 牛丸爽口彈牙 河粉幼滑 好味😋 越式豬扒包 $54食越南菜必點嘅越式三文治 好足料！麵包啱啱烤好 又脆又熱辣辣😍 豬扒大大塊 加埋配菜同沙律醬 好好食😇 越式炸蝦餅 $33炸得香脆唔油膩 蝦餅彈牙 配埋酸甜醬最夾！ 濱海伴豬頸肉串燒 $94食過咁多次越南菜 第一次食呢個濱海伴 有驚喜🤩 淨係上枱嗰下已經覺得好大碟好足料 店員姐姐應該知我第一次食 好細心教我點樣食😬 米粉加咗撈檬嘅湯 酸酸甜甜好開胃 用生菜包住配菜、米粉、同埋豬頸肉 再加少少沙嗲醬 加埋一齊一啖擺落口 好正😌 大推👍🏻 牛油果沙冰 $36唔會好甜 打得細滑 仲食到牛油果肉添😗 推👍🏻 冰鎮凍奶茶 +$10跟餐加$10就飲到冰鎮凍奶茶！咁就唔會俾啲溶咗嘅冰溝稀咗啲奶茶 香濃又滑 不錯😌 整體嚟講 呢間 河內越式料理 店內環境不錯 店員服務態度好 食物質素有水準 下次要再試吓其他濱海伴😇
繼續閱讀
今晚決定食飽個肚就去睇燈飾, 近近地就係尖沙咀地鐵附近揀咗這家越南餐廳餐廳都幾多人食，我哋都要等兩張枱先至入到去入到去真係有一種人山人海嘅感覺，係一些空位都冇， 真係唔知點解咁嘅樣都仲會話冇人出街食飯 餐牌睇落都好清晰， 湯檬湯河、撈檬、飯、小食由於我哋都係希望快快脆脆食完去睇燈飾， 所以就各自叫咗個主食然後揀多個小食就算我揀咗一個冰滴咖啡朋友揀咗個綠茶綠豆冰， 之前未見過有綠豆冰 下面個底嗰度真係有唔少綠豆蓉， 同埋重椰汁味蕃茄蟹肉扎肉湯檬 超重蕃茄味 ，唔會太甜蕃茄未唔會太假另外食得出湯底有一啲蟹膏所以都好濃味湯底份量都好多食完可以飲少少湯 同埋另外最正係成碗粉嚟到嘅時夠曬熱越式香茅豬扒撈檬 豬扒份量比想像中多另外檬粉條條都好整齊，唔會碎濕濕， 食得出檬粉嘅米味小食就簡簡單單叫咗一個春捲，夠脆口，裏面有粉絲， 重越南風味兩個人就食咗咁多嘢整體價錢公道， 近地鐵站，食物質素仍不錯係喺尖沙咀食越南粉嘅好選擇
繼續閱讀
今天同個朋友去尖沙咀行街睇戲，到食晚飯嘅時候走到附近搵吓嘢食，尖沙咀區都有很多食店， 朋友話想食越南菜，記得有人讚過附近有間好食又抵食嘅越南餐廳，這間餐廳叫河內越式料理，位於堪富利士道10號地舖，尖沙咀地鐵站A2出口行幾分鐘就到，十分方便，餐廳𥚃面有大大幅油畫同裝修好有越南風味，地方寬敞、光猛、整齊同整潔，令人坐得舒服，餐廳員工服務態度都好，來這裏食都唔錯。餐牌上的越式食物的選擇超多，有套餐、河粉、檬粉、飯、三文治、米紙卷、濱海、沙律、小食和飲品等。我哋先叫小食嘅河內小食拼盤，而我最鍾意食生牛肉湯河粉，就一定點，我朋友就叫順化蕃茄蟹肉扎肉湯檬，這個是店員推介俾佢，飲品就選擇特飲嘅椰汁珍多冰和凍鹹檸七喜。河內小食拼盤份量真多，亦好吸引，有春卷、蝦餅、雞翼、扎肉、鮮蝦米紙卷，而全部炸物都脆卜卜，但又唔油膩，春捲餡料十足，外皮好夠脆，蝦餅熱辣辣，外脆內軟，亦好有蝦味，香茅雞翼好惹味，肉質好嫩滑，外皮香脆，扎肉就爽口彈牙，鮮蝦米紙卷嘅米紙皮食落煙韌有咬口，裏面包住半邊蝦、生菜、檬粉等配料，再配少許甜酸醬，令人食得非常開胃。主食先來了生牛肉湯河粉，大大碗，份量十足，牛肉非常嫩滑，生牛肉唔會淥到過熟，剛剛好，好有牛肉的鮮味，而湯底是以牛骨熬煮而成，味道濃郁鮮甜，一啲味精都唔覺得有，順口得來好清甜，河粉亦幼滑可口，超搭配。順化蕃茄蟹肉扎肉湯檬嘅鮮茄湯底都幾濃郁，有酸甜味，仲有點蝦殼嘅鮮味道，蟹肉大部分去殼，而份量都唔少，食落有蟹嘅鮮味，扎肉爽滑好味，而檬粉亦夠哂彈牙，還有配菜嘅豆腐卜、鮮蕃茄、芫荽、青檸、辣椒，非常配合湯檬，好味好食。飲品嘅椰汁珍多冰就椰奶非常香甜，綠色條條亦好好咬，凍鹹檸七喜好香檸檬味，令口感酸酸喊喊，好配合吃小食炸物。這間越式餐廳好值得推介俾大家，食得好滋味又好抵食，食品處理得好，價錢又大衆化超值，我哋下次都會再來食其他食品。
繼續閱讀
行完尖沙咀K11又覺得肚餓，又掛住越南的美食，就search 下附近有咩好的越南餐廳，見K11附近堪富利士道間越南餐廳幾多好評，就同老公去食下。生牛肉湯河粉$61湯底牛肉味好濃，河粉份量算多同幾滑，唔會一Pat Pat。越式炸蝦餅$33 （叫麵飯類可以優惠價加購）有四塊，口感彈牙，唔會炸到好油。越式豬扒包$54法包外脆內軟，豬扒炸到好鬆化，配上生菜同埋青瓜絲，完全唔覺得有油膩感，完美地平衡。越式菠蘿炒飯$98一上枱見到好大碟😍😍扮粒粒分明，炒得夠乾身👍👍配以又酸甜的菠蘿粒，青提子乾，黑提子乾，仲有粒粒的海鮮粒，有口感得黎又唔會單調。芒果沙冰$36酸甜嘅芒果肉加入沙冰當中，夏天飲呢個真係透心涼🤤🤤椰汁紅豆冰$12（跟餐優惠價）椰汁味好香濃，又係消暑推介。😆
繼續閱讀
順化蕃茄蟹肉札肉湯檬大讚一點係外賣嘅話會自動湯分開上，咁就唔怕浸到個麵底稔哂🤭鮮茄湯底都幾濃郁仲有點蝦殼嘅鮮度，雖然蟹肉份量唔算多但食落去蟹嘅鮮味又相當突出👍🏻順化牛肉撈檬牛肉連埋洋蔥🧅炒香炒熟，份量相當充足滿滿一份，撈埋酸汁同爽脆紅蘿蔔絲🥕、青瓜絲🥒等，啱啱夏天食👍🏻越式河內三寶飯（豬扒、雞翼、札肉）想豐富啲就可以揀哩款三寶飯，有齊越菜基本三寶，香茅豬扒飯有手掌咁大塊，2隻雞翼同札肉，撈埋面頭嘅蔥油一齊食相當惹味😍凡惠顧湯粉、撈檬、飯類都可以加點一份小食，小資女又點會放過哩個機會🤭越式手打蝦餅 （細）細份都有4件，手打蝦餅足料夠實淨爽牙越式香茅豬扒（細）豬扒正常發揮，仲幫手預先切成細細件越式豬頸肉（細）一客都有成6-7件，肥瘦均勻亦唔會食到成口油
繼續閱讀
您可能會有興趣的...