影片
港鐵銅鑼灣站 C 出口, 步行約1分鐘
繼續閱讀
電話號碼
36190669
開飯介紹
台灣過江龍首間海外分店，其魚料理主打酸菜魚口味，另亦供應6款特色湯底，如日式的極道明太子奶香魚、鮮味十足的海派蝦湯魚，配上多款台味私房菜、炸物和飲品更加滋味。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
有關餐廳
有關獎賞計劃
年頭去台灣時已經食過築間打邊爐，係當地好受歡迎 。意外地竟然插旗黎香港開酸菜魚先，而唔係火鍋 。可能知道香港人太鐘意食酸菜魚 😂 。今次我係睇中嘉義砂鍋魚所以黎試，香港好少地方有，但睇台灣節目就形容到砂鍋魚好好食 。好彩餐廳嘅魚係分咗大、中、細份量，想試兩隻味就叫兩個細都OK 。🍲 嘉義砂鍋魚原來係以沙茶醬為底，整體味道好重口味，係香濃沙茶香但唔辣嘅 。有別於酸菜魚用魚片，呢一度係用炸過嘅魚塊 。開頭趁熱食嘅時候魚皮仲係帶脆，魚肉厚實嫩滑，不過就會有啲骨，唔係啖啖肉 。配料方面有紅蘿蔔、娃娃菜、炸過嘅鵪鶉蛋、金菇等。始終呢款比較重口味同油，建議幾個人share一個細嘅砂鍋魚都OK，跟住叫吓其他口味嘅魚食 。🍲酸菜魚手機點餐冇得揀辣度，default嘅酸菜魚係台妹style—好溫柔 。佢同平時大陸style酸菜魚唔同，整體口味平衡啲同埋食落舒服，唔會太酸或者太辣，係襟食嘅酸菜魚 。配料方面有寬粉、金菇、腐竹、木耳等 。💡淨係比較魚嘅話，成餐飯食完總結出比較鍾意酸菜魚，無咁膩可以食多啲 。食台灣嘢點可以冇炸物，叫咗個炸甜不辣同埋鹽酥雞 。甜不辣份量相當多，炸到外皮脆，中間係煙靭，好食 。鹽酥雞就係店員力推，結果都冇失望嘅，中間雞肉仲係好嫩滑，仲有炸九層塔，都算係有完整還原台灣味道。特別值得一提嘅係炸物嘅底部有啲生洋蔥，可以解膩，都幾貼心。🍥柚香蘿蔔上菜時店員話我哋好識揀，因為蘿蔔係自己醃嘅 。淡淡柚子香配埋酸爽嘅蘿蔔，好啱食炸嘢同砂鍋魚嘅時候解膩 。🧋檸檬紅茶雖然冇得調整甜度，只可以少冰 ，兩位飲開走甜嘅都覺得尚可接受 ，茶味都算香濃，但希望遲啲有得走甜 。🍨紅豆仙草仙草質地比較挺身，有仙草嘅甘味，適合食完炸野要下火嘅感覺 。整體全部嘢都唔錯，咁多野食埋單都係400幾 。難得佢有細份魚嘅選擇，下次行過一個人食都得 。
繼續閱讀
位於銅鑼灣的川菜餐廳。據聞是台灣銷售第一的火鍋品牌，而築間酸菜魚更旗下餐廳，首間的海外分店便選址於香港，對於選址在香港雖感莫名，但仍心存感激，要知道現今的香港有多繽紛呢。 「湯比魚更鮮，一碗記三天」⋆_____ᴛᴏᴛᴀʟ ᴏʀᴅᴇʀ______⋆ ⭒總長酸菜魚 $148⭒海派蝦湯魚 $178⭒鐵漢小酥肉 $35⭒復刻炸排骨 $45⭒紅豆仙草 $28⭒芒果奶凍 $28⭒冬瓜檸檬茶 $18⭒暴走波奶茶 $22 ___⋆ ⋆ ___ ✿ 總長酸菜魚酸脆勁爽的酸菜再搭配招牌湯底，加入鮮嫩幼滑的烏鱧魚片，口感麻酸香辣，很是過癮。另外湯內更有很多配料，萵筍、寬粉、薯仔及金菇等，飽腹感十足。.✿ 海派蝦湯魚不吃辣的朋友可以選這個口味。魚肉份量雖然較少，但有加入青口、蜆及海蝦等海鮮配料，搭配清甜可口的蝦湯湯底，鮮嫩不腥，很是鮮甜。.✿ 小食鐵漢小酥肉及炸排骨的份量雖不算多，但炸漿厚薄適中，香脆可口，涮嘴不錯。.✿ 甜品兩款甜品還原台灣路邊攤地道的味道，不會太甜，算是不錯的飯後甜品。.✿ 飲品飲品偏甜，如果可以調較甜度會更好~
繼續閱讀
《總長酸菜魚》（小）（$148）酸菜魚除了魚片和酸菜，還有薯粉、金菇、木耳，腐皮等等配料。雖然湯底不可以選擇辣度，不會太辣不會太酸，非常順口。魚肉鮮嫩而且沒有魚骨，酸菜十分爽脆。《海派蝦湯魚》（小）（$178）湯頭像龍蝦湯，濃濃的海鮮甜味，里面有很多海鮮，魚片、蝦、青口、魷魚及帶子等等，如果不喜歡吃酸辣的，可以點這款。《椒鹽雞軟骨》（$28）台灣炸物果然出色，椒鹽雞軟骨又香又酥又脆，配上椒鹽粉，非常惹味！《柚香蘿蔔》（$15）有吃於傳統的酸蘿蔔，蘿蔔帶有甜甜的柚子味，開胃又解膩。《冬瓜檸檬茶》（$18） 自助水吧 （免費）冬瓜檸檬茶酸甜適中，陳皮茶味道像鹹柑桔茶，兩者都正好解渴又解膩。
繼續閱讀
一直以來都好中意臺灣菜，呢次特登來到銅鑼灣呢間餐廳打卡。兩個人嗌咗一個臺灣地道嘉義砂鍋魚set搭配白飯，私房菜揀咗臺味滷肉西蘭花，涼菜系蒜拌雲耳，飲料系臺式冬瓜檸檬。首先砂鍋魚分量十足，細份已經完全夠兩個人食了，鍋底系濃香嘅沙茶醬，鱸魚系先炸完再繼續同醬汁一起燜嘅，整個煲食材豐富，有腐竹，金菇，粉條……我中意粉條，裹上醬汁，QQ嘚好好味！涼菜都幾好水準，十分推介呢個嘉義砂鍋魚！下次再來試下其他煲！
繼續閱讀
川式酸菜魚經常食，台式酸菜魚真係第一次試。 呢間餐廳既裝修風格、佈置、同埋餐具都玩味十足，充滿創意同漫畫元素。比較驚喜嘅係餐廳嘅自助水吧，提供咗洛神花以及陳皮蜜，可以俾客人無限添飲暢飲。總長酸菜魚 - 小(1-2人份）$148 平時嘅酸菜魚多數都係好大一盆，要好多人一齊share，但呢度嘅酸菜魚份量適中，可以一個人食都冇問題。 有別於川式酸菜魚，台式酸菜魚味道較溫和，酸味辣味具備，但清爽不油膩。魚肉份量都幾多，完全冇骨幾滑嫩，麵條索晒啲汁好入味。 極道明太子奶香魚 - 小（1-2人份） $178 呢個好有驚喜，明太子湯底非常濃郁濃稠，湯汁超級Creamy，最驚喜係佢裏面有好多海鮮，有四五隻大大隻嘅青口，仲有蜆肉、蝦等等，份量十足，魚肉幼嫩但不易夾爛，奶油香味十足。麵條滲透晒明太子湯汁，簡直好似食緊明太子pasta咁，非常掛汁。椒鹽雞軟骨（$28）$28大大碟雞軟骨，好抵食。佢雖然話係椒鹽雞軟骨，但我覺得佢比較似台式嘅鹽酥雞軟骨，鹽酥味突出，雞軟骨爽脆。炸裂酥魚皮（$35）即叫即炸，魚皮非常大塊，外皮炸得非常香口香脆，可以就咁食，亦可以浸落湯底食，各有特色。暴走波奶茶（$22）好正宗嘅台式味道，奶滑茶香，配上波霸彈牙又咬口，味道絕對唔輸蝕出面嘅台式飲料店。冬瓜檸檬茶（$18）呢度嘅嘢飲都好大杯好抵飲，冬瓜清甜，配上檸檬，解暑解膩又開胃。芒果奶凍（$28）奶凍質地細滑，配有爆珠，一咬開會有果汁爆出嚟，口感幾得意，美中不足係我唔太鍾意配有碎冰。
繼續閱讀