影片
港鐵荔枝角站 A 出口, 步行約1分鐘
繼續閱讀
電話號碼
35800836
營業時間
今日營業
全日休息
星期一至六
12:00 - 22:00
星期日
全日休息
以上資料只供參考, 請與餐廳確認詳情
有關獎賞計劃
好耐冇去長沙灣搵食，原來而家長沙灣廣場 3樓啲食肆裝修到好靚！見到呢間居酒居環境唔錯，出面果邊勁似小清風嘅cafe，而餐廳另一邊就比較燈光昏暗，充滿日式居酒屋嘅氣氛，仲有得飲埋特調Cocktail，就決心要同朋友食下呢間居酒屋啦～前菜有好心思，有食落去好清爽嘅柚子蘿蔔同埋走咗辣味嘅麻辣枝豆，味道好味得來又夠哂獨特～三文魚腩串(一串)💰HK$38三文魚腩燒到外層好香脆，呢到仲好窩心，特登配搭咗柚子醋比客人點 ，大大減低三文魚腩嘅油膩感～雞胸軟骨串(兩串)💰HK$48呢個雞軟骨係選用咗雞胸附近嘅軟骨，所以燒完出來會更香脆，一咬落去真係啖啖都sha sha聲，而且仲連住少少雞胸肉，成個口感更豐富～燒年糕(一串)💰HK$28用咗自家制嘅醬油來調味嘅燒年糕，醬油味道唔會偏甜，年糕口感軟糯，好味～醬油漬糖心蛋鴨湯拉麵💰HK$88鴨胸肉質軟腍，拉麵麵質彈牙！超中意呢個好清甜嘅醬油湯底，但又帶有陣陣鴨香味，真係令人忍唔住想飲哂成碗湯～古法制南蠻雞💰HK$128原本以為南蠻雞係炸嘅，但係原來古法製作嘅南蠻雞係香煎嘅，店員話呢道菜係呢到No.1嘅招牌菜！佢地特意選用雞上髀肉，用薑汁去醃再拎去香煎！鮮嫩多汁嘅雞肉再加埋蛋沙律同埋淋喺面嘅黑醋汁一齊食，估唔到個味道係咁夾，不愧為全店嘅No.1招牌菜～Cocktail (青) 💰HK$98貪得意叫咗呢杯有wasabi嘅Cocktail，原來呢款亦係最多人叫嘅Cocktail之一！一飲落去個前調真係有少少wasabi味 ，之係迎來嘅就係青蘋果汁同埋菠蘿汁嘅酸酸甜甜，隻味有啲似飲緊乳酸，成件事好清新好有驚喜，呢款Cocktail用來配壽司刺身就最好不過啦～甜品就係花生酥，充滿香濃嘅花生味，入口酥脆，食埋呢塊花生酥剛剛好滿足哂～
繼續閱讀
今日同朋友去了長沙灣看電影, 看完了後, 朋友說想吃日本菜. 走著走著, 剛巧看到這間餐廳, 很像很吸引, 便決定進去吃午餐.餐廳有提供開胃前菜, 都幾好食.芝士甲羅燒蟹肉意粉 $168: 芝士非常香口, 然後甲羅燒蟹肉真係好正, 好多蟹膏, 真係超正! 蟹膏, 蟹肉份量都好多, 好豐富, 好鮮味, 幾好食.吉烈豚肉小町米飯 ($98) : 吉烈豚肉炸得好好食, 好香口. 係真係好香脆, 好好味, 豚肉個口感又好她, 不錯.另外小町米飯的日本米真的是很香, 個質感好好, 食到米飯果種香.我真的很喜歡日本菜, 是喜歡那種對細節的用心, 那種精細, 連細節也不會忽略, 絕不馬虎.在這餐廳裡我也是吃得出這種感覺, 即使是米飯也是很講究, 用優質的日本米.Apple Mojito ($48) :Apple, mint, lemom, soda好好飲, 甜度適中, 不會太甜, 個味好清新, 幾好飲.甜品 : 花生酥 :非常好吃!!!好軟熟, 非常香的花生味, 又不會太甜, 好好食, 有特色.洋甘菊茶: 用這種精緻的日式茶壺去沖茶, 特別有風味, 洋甘菊都好香, 不錯.
繼續閱讀
🇯🇵媲美日本 味道驚艷 誠意小店🫡其實呢一間係一年前有個朋友同我講佢哋嘅日本fusion菜好出色，但一直都未試，於是今日朋友生日，決定試試佢。重點係性價比極高，味道係家鄉般既驚艷！星期一平日嚟講，都好旺場。師傅仲會同你講解每日都食物嘅做法，係用心既交流！欣賞欣賞！牛蒡山 $68⭐️⭐️⭐️⭐️⭐️同我喺日本福岡食既真係不相伯仲！調味啱啱好，炸得香脆可口，但冇膩感，佐酒一流！同廚師交流之後，發現原來師傅係同marcopolo 西川先生取經！唔記得有冇記錯個名🤣腐乳豬豚兩串 $88⭐️⭐️⭐️⭐️腐乳味道唔會太濃重，能夠突出豚肉嘅脂香，肉質鮮嫩又Juicy！牛舌味噌煮 $88⭐️⭐️⭐️⭐️⭐️我會稱呢一個係牛舌天花板！雖然師傅同我推薦下次要食炸雞，但我驚我都係忍唔住會叫返呢一味餸。四個鐘頭慢煮厚切牛舌，肉質軟腩腍，啖啖肉，配搭香蔥既清新，味道更昇華。鱈魚片 $68⭐️⭐️⭐️⭐️⭐️咪睇佢平平無奇，點知食落勁有驚喜！平時鱈魚片食得多，但係呢一度香脆得黎，脆薄嘅口感有別於一般居酒屋帶點拉扯性嘅魚乾片。火焰右口魚丼 $168⭐️⭐️⭐️⭐️⭐️右口魚即係鰈魚，油脂比例會較高，係肥㗎啦，但好值得！個飯調味都啱啱好，珍珠米香 ，口感煙韌，配埋紫菜同新鮮嘅Wasabi薑片，我成碗清晒！Wasabi cocktail $98⭐️⭐️⭐️⭐️⭐️This is unbelievably tasty! 係想像唔到出乎意料地夾！強烈推薦！Wasabi青蘋果同菠蘿竟然有咁神奇嘅化學作用！Lychee cocktail $98⭐️⭐️⭐️⭐️平時我好怕嗌荔枝味嘅酒，因為好容易會好似藥水，但同師傅交流完之後，我都有啲信心去試，結果都真係唔錯！不過相對之下，Wasabi實在太出色啦！🍴 Mata Japanese Cuisine (荔枝角)📍荔枝角長沙灣道833號長沙灣廣場3樓308號舖回頭率🤡🤡🤡🤡🤡性價比🤰🏻🤰🏻🤰🏻🤰🏻🤰🏻
繼續閱讀
同朋友去荔枝角睇戲前食個飯，誤打誤撞發現長沙灣廣場3樓有好多餐廳，平日好少上呢個商場，發現原來都有幾多選擇餐廳有少少開放式，座位闊落，坐得舒服叫咗幾款唔同嘅食物，食物質素好高，超出預期，睇得出製作非常認真特別出色：南蠻雞- 外面炸得香脆，裏面肉質仍然Juicy，調味亦很好，加埋蛋黃醬，配搭非常出色炸番薯薯條- 香脆又有甜甜的番薯味，配埋蛋黃醬，好食明太子翠玉瓜- 經典配搭，清新黑胡麻醬有機沙律- 自家製黑胡麻醬，有黑芝麻嘅甜味，同埋芝麻嘅香味，配埋新鮮沙律，一啲都唔單調咖啡Cocktail - 有volka 同埋Bailey嘅香味, 唔算太重酒味，但有淡淡嘅奶香最後餐廳送咗花生酥，鬆脆有驚喜，而且花生味超級濃，正！
繼續閱讀
又嚟到令人好難受嘅星期三，梗係要食返啲好嘢啦😆今日嚟到荔枝角，聽聞長沙灣廣場開咗間新嘅日式居酒屋，梗係要嚟試吓啦。入到嚟有啲口渴，所以就叫咗兩杯飲品先第一個係有酒精嘅藍（菠蘿荔枝同埋vodka), 另外仲有一杯蘋果mojito mocktail😙佢係用咗sake杯，見到都覺得好靚😊因為都有啲肚餓，所以叫咗唔同嘅食物，覺得幾經驗嘅就係明太子翠玉瓜，明太子醬放咗喺翠玉瓜上邊味道非常之夾，又唔會太漏，所以幾好食。另外就係三色燒蠔當中包括XO醬明太子同埋鹽燒😁，我哋覺得XO醬最好味，因為可以釣到當中嘅鮮味🫶🏻另外串燒梗係要叫大蔥雞肉🙏🏻雞雞非常之善緣燒得剛剛好，另外就係雞皮薯片，佢都非常之脆同埋送酒一流🥰另外就係好特別嘅叉燒醬和牛串燒，甜甜地味道都好有趣，同埋和牛都非常之腍主菜方面就有芝士夾螺燒蟹肉意粉，都係非常之足料同埋好大個蟹殼入邊有好多蟹膏，都好鮮甜同埋都有唔少嘅蟹肉🦀🦀🦀最後就係個甜品啦，係佢哋自家製嘅花生酥，簡直係今晚嘅重點😙入口即溶
繼續閱讀