Yadllie Plate 야들리애플래이트 (兆萬中心)

-很久沒有吃韓國炸雞，在旺角的話Yadllie Plate 當然是首選吧～而且餐廳環境很舒服，很喜歡日光曬進來的氛圍，吃炸雞首推大蔥絲炸雞和蜜味乳酪炸雞，嫰嫰的雞肉外皮炸得香口惹味，咸香十足又Juicy,新鮮十足的蔥絲帶天然微微辣度，加上蜜味乳酪粉加持，個人好喜歡這兩種味道的炸雞。---當日另外也叫了八爪魚煎餅和八爪魚沙律，煎餅外皮煎得燶邊，餡料滿滿，點點醬汁更加好吃。後者八爪魚沙律還要原隻上，八爪魚勁爽勁新鮮，配上秘製韓式辣汁的沙律，吃得超滿足。-不夠飽的話十分建議再加添辣豬肉拌飯，-醬汁帶辣度勁惹味，撈飯吃完全無得輸。

專程請假去旺角買傢俬，順便享受一個陽光午餐，朋友鍾意食炸雞，提議到 兆萬中心，Yadllie Plate 食正宗韓式炸雞，除咗出品高質素之外，Lunch 時間去食仲要有折扣優惠，Discount 30% Off！CP值咁高點可以放過。海賊王的寶物Pirates Platter海賊王的寶物成個拼盤都好有驚喜！炸蝦、炸魚、洋蔥圈、八爪魚，全部新鮮即炸，香噴噴熱辣辣，酥脆可口。原隻炸八爪魚超大隻，剪開食非常彈牙，超級有水準！炸蝦、炸魚滿滿的海鮮味，魚肉嫩滑，蝦肉薄薄的脆漿，食落去非常鬆脆。洋蔥圈蔬菜類增添點健康。半半炸雞見到餐牌炸雞樣樣我都想試，我哋叫咗半半炸雞，賣相好吸引，可以自選兩款口味，揀左 蔥蔥蔥 + 蜜味乳酪粉。勁多新鮮爽口的大蔥絲，炸雞外脆內嫩，咬落去又爆汁感覺，醬油味配以蔥絲，好夾！蜜味乳酪粉特別惹味，另外仲有啲番薯條，甜甜地幾好食。莫索里拉芝士排骨韓式排骨特別好味，以莫索里拉芝士捲着排骨，侍應小鮮肉好靚仔，細心幫我哋捲好咗排骨，仲提我哋要趁熱食，香口唔油膩，勁鍾意芝士味道濃郁，比想像中好食。排骨烤得脆口，而入面既肉質仍然保持到肉汁，熟度剛剛好，上有一大堆芝士，可以連排骨一齊

今日中午，我又拉朋友陪我吃炸雞，六點前結帳全單七折，除了炸雞，還可叫多幾款韓式料理，大滿足。.香港眾多烤雞、炸雞店，有韓式、台式、美式，甚至港式。當中我覺得Yadllie Plate的炸雞最好味，因為它是「韓雞」空運到港，肉質鮮嫩。粉漿薄，每件炸雞都用人手撲上一層薄薄乾粉，令炸雞外皮又薄又脆，同時不會吸收油份，食落更健康。而且味道好，醃製入味，口感鮮嫩，一試難忘。🏅半半炸雞（原味+大邱辣醬）我最愛原味，朋友說要挑戰3隻辣椒，於是叫了半半炸雞，滿足兩種口味。我試了一件大邱辣醬炸雞，並不辣啊。🏅芝士蟹子蛋捲超多蟹子和芝士，蟹子在口中爆裂，好過癒。🏅芝士牛肉煎餅同樣是超多芝士，除了牛肉餡，還有不少蔬菜。口感比較軟身。🏅辣豬肉拌飯辣！但非常好味。單是辣醬配珍珠米飯已得好吃。豬肉是火鍋肉片，加蔥絲同吃，口感和味道都一流。🏅烤牛肉水冷麵三片牛肉烤得完美，腍滑多汁。冷麵爽口清涼。🏅柚子米酒很濃厚的柚子味，口感柔和，令你一口愛上它。🏅草莓乳酸梳打酸甜清爽。🏅朱古力雪冰我麻麻地，如果你愛黑朱古力的會喜歡，因為雪冰和中間的brownie都比較苦澀。

好耐之前食過一次，今日再黎試下.食物：我地重點係想食炸雞，入到就點左半半炸雞，一個蜜糖乳酪味，一個原味。我食個兩舊就有啲乾身，但朋友話佢地個啲係ok的，同埋乳酪味粉係好食的！我地四人分，每人兩塊，唔夠喉，所以⋯.又嗌左乳酪味無骨雞今次我都覺得係嫩滑，所以食左好多🤰🏻.紫菜手抓飯，香麻油味，可以自己動手整下，都幾過癮！（ps手套、小垃圾桶就係旁邊，方便企理）.青瓜蝶豆花梳打，食炸雞飲梳打爽啲😀同埋係好清新，不過就唔係好睇得出有蝶豆花.仲有叫左蛋捲同魚介湯鍋，個人覺得正常發揮！.因為係同舊朋友聚會，坐左都相當耐😂😂😂都冇比人趕，坐得舒服開心🥳

Yadllie Plate 야들리애플래이트 (兆萬中心)地址: 旺角西洋菜南街1N號兆萬中心11樓今日帶朋友嚟咗一間我好鍾意嘅韓國餐廳食晚飯，餐廳喺兆萬中心11樓。平日過嚟餐廳都好受歡迎，大家記得book位！Yadllie Plate 食物選擇豐富，有炸雞、年糕、仲有牛扒添，啱晒一大班朋友一齊過嚟食。蜜味乳酪粉無骨雞 $128我哋嗌咗份小份嘅炸雞。炸雞即叫即炸，非常香脆，雞肉又滑又Juicy。面頭佈滿咗芝士粉，甜甜地，好惹味。除咗炸雞之外，底下仲有大量蕃薯條，蕃薯條好脆好甜，比一般薯條冇咁膩。八爪魚煎餅 $128煎餅必叫，每次嚟我都一定會食。煎餅啱啱煎完外表好脆，而且好香。煎餅裏面有好多八爪魚粒，非常足料，仲有唔少香蔥，所以食落特別香。另外仲有兩款醬，分別係韓式醬油同埋韓式辣醬，點埋一齊食味道更加豐富。玫瑰牛肉炒年糕 $128依款年糕一啲都唔辣，反而比較Creamy，同出邊食嘅唔同。醬汁好Creamy，有濃濃嘅芝士味，表面仲有一層芝士碎，所以有拉絲效果！年糕有條狀同片狀嘅，兩款都好煙靭。另外，牛肉份量都好多，調味好好。海鹽焦糖沙冰 $68沙冰超大杯，好爽，飲得出有啲鹹味！而且面頭也會

🤪Bookmark左呢間好耐，長期處於openrice 排行榜前10位😲佢午餐時段仲做緊7折🤩🤩6pm前埋單就7折‼️咁fafafoodie緊係揀lunch黎食🤭#半半炸雞 🐥可以自選兩款味，揀左大邱辣醬同大蔥絲味😋炸雞外脆內嫩，帶有醬油味配埋大蔥絲就有淡淡蔥味😚大邱辣醬望落唔似好辣，但食落其實都辣辣地(fafafoodie食開10小辣)🤪係惹味嘅辣味🫢仲有啲番薯條，可以中和下啲辣味😛HKD208#海賊王的寶物 🐙🦐🍤🧅❣️有炸蝦、炸魚柳、炸八爪魚、洋蔥圈，全部新鮮炸熱辣辣，大大隻八爪魚，原隻炸，所以提供鉸剪for剪八爪魚😉炸得啱啱好🤩好容易咬開，又有少少彈牙❣️水準之作👍🏻推推‼️炸蝦/魚柳炸漿做得勁鬆脆，魚肉仲keep到好嫩滑😍洋蔥圈就相對偏油少少lu🙈整體成個拼盤都好有驚喜😋HKD238#八爪魚煎餅 🐙❣️淨係睇個樣都知佢煎得好靚仔🤤脆口唔油膩👍🏻 勁鍾意佢嘅蒜頭辣椒醋😆解膩一流HKD128#玫瑰牛肉炒年糕 🌹🐮🧀用石鍋上熱辣辣，芝士可以拉絲🤪玫瑰醬加入牛奶忌廉，所以比一般韓式辣醬冇咁辣，甜甜辣辣😉年糕有兩種形狀，扁身年糕軟糯，長形年糕煙韌，牛肉就比較碎😲可能方便撈匀食？仲有魚糕片同椰菜添

兆萬中心除咗食放題之外，仲開咗間食傳統道地韓式炸雞嘅舖頭，肥雞梗係要去試吓啦。炸雞方面，肥雞試咗兩款口味，第一款係大邱辣醬，第二係蜜糖乳酪炸雞，想講佢嘅辣醬炸雞真係幾辣，唔似以往為咗符合香港人口味嘅甜辣醬，肥雞覺得幾有驚喜。佢嘅八爪魚煎餅，非常之足料，啲八爪魚落得好重手，個餅底亦都煎到非常香脆，真心唔錯。佢嘅芝士蟹籽蛋卷，入面嘅芝士係可以拉絲，配埋脆卜卜嘅蟹籽，食落口嘅感覺好正。天氣凍，梗係食多個部隊鍋，肥雞嗌咗玫瑰牛肉部隊鍋，佢嘅牛肉係偏牛肉碎，但係牛味幾重，入邊有好多料，有年糕，蔥絲，午餐肉，腸仔，肥雞仲加多咗個麵，食完呢餐真係捧住個肚走。

餐廳員工態度勁差，個個都西口西面直頭想你食完即刻走。趕到一個點！最尾食完埋單想走人。信用卡都未拎返就叫我哋走。環境好嘈，播歌聲音勁大。 完全傾唔到偈。雞唔好食。全部嘢都好鹹。

雖然係兆萬但係幾多好評所以黎食，點知好難食，價錢高但係食物水準完全唔掂，同區有更多選擇，服務幾好👍🏻卡邦民年糕 3/5幾好食，份量都okay👎🏻夏威夷阿努哈 1/5 有炸蝦、粟米、洋蔥圈&炸雞，炸蝦好油膩，粟米得1粒亦唔甜，洋蔥圈幾好，炸雞好似冇調味過咁，勁乾👎🏻芝士排骨 0/5未食過咁難食既排骨，乾到好似煲完湯既肉渣咁，一咬就知中伏，仲要唔係平，真係俾錢買難受草莓梳打 藥水味👎🏻👎🏻蜜瓜沙冰 okay藍橙荔枝梳打 okay

今日過咗嚟兆萬食韓國嘢，呢間餐廳裝修新淨而且幾靚，座位闊落，坐得好舒服，最重要係侍應嘅服務態度都好殷勤有禮有笑容，不錯的一次用餐經驗👍🏻呢度嘅價錢個人認為合理👌🏻本人鍾意食部隊鍋，點咗個八爪魚部隊鍋。鍋底足料，湯底鮮甜，嗰隻八爪魚好大隻！莫索里拉斯芝士排骨如果你鍾意食拉斯芝士㗎呢就必點！佢嗰個芝士口感非常之好，啲芝士拉極都唔斷，店員會將啲芝士一直捲着件燒排骨！10分惹味。八爪魚煎餅煎餅有好多八爪魚，好足料，外脆，咬落去有軟糯嘅口感👍🏻

今日去咗旺角兆萬中心同朋友食韓國嘢，餐廳用QR code自行落單，不過都有餐牌睇，比較方便，可以慢慢睇完餐牌啲圖畫再用手機落單。我是下午茶時間去的，沒有太多人，下午6:00前會有折扣優惠，比較抵食。枱上面有齊所需要嘅嘢：手套，乾濕紙巾，牙籤，好周到。地方同枱面都好乾淨，枱凳又夠大，坐得舒服。食咗個滷水五花腩，店員會用一個爐蒸住啲五花腩，等佢唔會凍，另外仲會有一大碟生菜拼盤，用來包肉食，所以雖然係五花腩，但係感覺好健康，有菜又有肉，而且冇咩油膩感。另外叫咗個驚喜二重奏，其實係牛扒同埋炸雞雙拼，牛扒係會放響一個石燒上面，可以自己控制生熟程度，炸雞就正常發揮，份量頗大。甜品主要有幾款刨冰，我哋就試咗個蜜瓜味，一上枱都幾有驚喜，頂頭插住一支蜜瓜雪條，造型一流，支蜜瓜雪條好Creamy，刨冰唔會太甜，不過啲冰真係好凍！

呢間過江龍相信大家都唔陌生，喺韓國🇰🇷有30幾間分店～ 整體都好食有驚喜🤤，而雞係左粒自韓國🇰🇷土產雞🐥，由配料、醃料到烹調方法都充滿韓式地道風味～ 裝修幾時尚，用淺色木系🪵同黑色交錯，有幅cartoon韓國🇰🇷地圖🗺️標示左唔同特色景點，仲有唔同韓式🇰🇷美食既海報同埋 k-pop 音樂🎵，坐得幾舒服😌 平時lunch仲有7折tim, 幾抵食👍🏻(5 😍 係滿分，🤩係半分） 士多啤梨雪冰 🍓🍧 - $88 (好味指數：😍😍😍😍🤩)喺韓國🇰🇷餐廳🍴又點可以唔食韓冰🍧呢🤤 所以我就叫左出名既士多啤梨雪花冰🍓🍧，成個外形都好適合打卡📷，上面鋪滿左士多啤梨片🍓，淋滿左士多啤梨醬🍓，味道酸酸甜甜，有天然馥郁既果香，而中間有一球芳香幼滑既雲呢拿雪糕🍦，下面就係香滑幼細既牛奶雪花冰🥛❄️，入口唔會有冰粒🧊，感覺幼滑，有啲似雪葩🍧咁，整體味道香甜好食😋莫索里拉芝士排骨 🧀🍖 - $138 (好味指數：😍😍😍😍🤩)要叫呢個既朋友要注意辣度🌶️，真係幾辣🌶️，不過小編忍住辣咁食晒，因為真係幾好食😋 上枱既時候店員會喺你面前煮芝士🧀，跟住細心咁幫你將芝士🧀卷好排骨🍖，幾好服務～ 因為有時自己卷會唔均勻，所以佢地專業

朋友話，好耐好耐冇食韓國炸雞啦，叫我陪她食，我唯有捨命陪君子。坐低掃code先來個驚喜二重奏，上枱唔單止賣相靚， 食材更誇張地奢華。頂級肉眼牛扒切成條狀，方便客人食用，牛味特出，而且牛扒放係石板上自己可以控制生熟度，咬落軟淋！另一半有炸雞及沙律，炸雞醃製入味而且即叫即炸，入口熱辣辣，肉質嫩滑，微辣帶汁。至於芝士牛肉煎餅，面頭鋪滿好多芝士，入口外脆內裡煙煙韌韌，非常滋味。火🔥炙牛肉上枱之後， 由職員幫忙火炙，將牛肉嘅脂肪逼出，食落特別濃郁，而且油脂感重，底部放上左洋蔥同埋蒜頭，建議大家都可以包住嚟食！夏威夷阿努哈聽個名就已經覺得特別精彩，特別繽紛，特別絢麗！除咗油炸魷魚圈之外、更加有炸蝦、粟米、炸雞腿，咬落去特別香口，但係唔會太過油膩，可以點上旁邊嘅茄汁或者芥末醬芒果雪冰最啱用嚟解一解油膩，雪冰打得好幼碎，芒果果肉香甜今餐真係食得非常之飽，所以亦都把握下午嘅時間，喺旺角行咗轉街！

之前食過荃灣店，覺得地方同食物份量夠大份，適合一班朋友聚餐食物適合多人share，同埋無時間壓力，見旺角有分店，所以揀咗呢度聖誕聚餐。呢排天氣特別凍，叫「魚介湯鍋」好適合，一大盤又有咁多種類，有蛋，年糕，魚蛋，魚肉串，金菇，菜等等，滿足哂唔同人嘅口味，自己揀唔洗煩。另外可以加錢有飯，辛辣麵，午餐肉或烏冬，如果男士要澱粉質飽肚d。湯底可能鮮味十足，讓食材更加美味。除咗魚介湯鍋，驚喜二量奏（牛扒，炸雞）」又係另一個主打，差唔多每一枱都必點呢個菜，滿足哂食肉獸，牛扒高質，炸雞肉質細嫩，外皮酥脆。「火灸牛」係我呢個牛魔王嘅favourite，帶有煙燻的風味，這樣的烹調方式讓牛肉保持了鮮嫩的質地，即叫即整。另外，職員很好，芝士牛肉餅為我走洋蔥/韮菜等。飲品叫咗巨鋒提子梳打，同荔枝梳打，兩杯都各有特色，好飲，清新解渴，推介。

❤️半半炸雞($208)可以揀有骨或者無骨嘅雞肉。我哋揀左半半炸雞，分別係蜜味乳酪粉同大邱辣醬，每種都有4塊雞肉，仲有炸蕃薯條做配菜。蜜味乳酪粉甜甜嘅，大邱辣醬辣辣嘅，兩種口味都好惹味，同炸雞嘅鬆脆相襯。炸蕃薯條亦都炸得金黃，好好味！💚紫菜手抓飯 ($88)呢個係我嘅必點小食，雖然只係用紫菜、蟹籽、麻油等簡單嘅材料，但係好有趣又好味！紫菜同蟹籽都唔吝嗇，香氣撲鼻，將佢哋混合埋一齊，捏成一粒粒嘅飯團，每一啖都好滿足！💛卡邦尼年糕 ($108)如果你鍾意食年糕，又想試下新鮮嘅口味，你一定要試下卡邦尼年糕。濃郁嘅奶香同鹹香，同年糕嘅彈牙相映成趣，好好食。🧡芒果菠蘿Liquor ($168)好啱想飲少少酒，但係又唔係好接受到酒精味嘅人，因為佢水果味比較重，落口好正！