去完海洋公園玩後怎可能錯過去近魚市場嘅鴨脷洲食海鮮!地鐵直達非常方便,個人都食過好幾次!而且一間餐廳已有中式、泰式及潮州菜,選擇起碼過二百款之多🤩碟碟大份,樣樣有獲氣又惹味!當中招牌大肉蟹🦀更是必點菜式✨回味無窮~難怪次次去都全場滿,環境與氣氛都非常適合親朋戚友熱鬧飯局~ 🔸避風塘炒辣蟹($648) 炒蟹好足料,重成一斤半!蟹鉗有如拳頭般大,蟹肉鮮味十足,既帶鮮甜,而且入口彈牙.加上避風塘椒鹽配料,香口而不辣,食到個個大滿足! 🔸鐵板黑椒牛仔骨($128) 鐵板上吱吱聲,熱辣辣~ 牛仔骨件件多肉無根,惹味好送飯. 🔸滷水掌翼($88) 🔸泰式炸蝦餅($88) 🔸芒果沙冰($39) 除中式菜亦點咗潮州及泰式菜,完全合乎多心嘅我哋.滷水掌翼份量多,更細心切開單骨,方便進食.滷水味香濃但不過鹹.炸蝦餅肥肥厚厚,新鮮彈牙再配上芒果沙冰更是透心涼~ 💖蟹點與海洋公園合作,進行「食本地鮮」行動!!凡惠顧「食本地鮮」菜品,更可獲贈送蟹點餐飲優惠券!!非常著數~

1️⃣台南焢肉飯 好大嚿豬腩肉🥰 抵食！豬皮刮得好乾淨冇豬毛，食焢肉我最怕食到好硬嘅豬毛，「吉」到條脷口感會扣分。😵‍💫 2️⃣車仔麵 好大碗，湯底清甜，湯底係店家自家製清雞湯，冇落味精🫶🏻 每份餸都好足料👍🏻 3️⃣生炸雞翼（五隻） 好食！肉嫩多汁，又入味，連骨都入曬味，但唔會覺得好鹹。Very nice✨ 外皮炸得幾脆。 4️⃣炸燒賣 啱啱炸起熱辣辣魚肉燒賣，燒賣皮炸幾好，咬落唔會覺得韌，正常發揮。 5️⃣炸玉子豆腐 食嘅時候要小心，裏面高溫😂 外脆內嫩，炸皮上面撒椒鹽粉。玉子豆腐比豆腐口感實D，有少少甜蛋嘅香味，幾好食！

今日約朋友去康怡廣場北座三樓一喜.涮涮鍋吃火鍋放題。 我們揀左特選美國牛肩胛肉放題，$248一位再加一。 肉類方面可以任食特選美國CHOICE牛肩肉，特選美國CAB牛肩胛肉，精選美國牛五花，美國豚肉，美國䐁五花肉和特選美國雞腿肉。肉類質素不錯，我們encore了美味的牛肩胛肉和牛肩肉多次，值回票價。 湯底有9款，我們選了要加$10的椰子雞白湯，這湯底清甜滋潤，真材實料。 自助的蔬菜和火鍋料選擇多，我尤其欣賞新鮮的蔬菜，今晚吃了超過十種蔬菜，菇類和根莖類，好滿足。朋友就吃了多種丸子和炸物。 甜品飲品都多選擇，我特別欣賞豆腐和奶茶味雪糕，朋友就推介海鹽味雪糕。 店員有禮效率佳，自助落單後火鍋料好快送上，90分鐘有足夠時間吃夠。 我們都覺得滿意。下次帶爸媽來試下，凡出示長者咭/樂悠咭可享長者優惠價。

申子居酒屋- 經常喺社交平台度見到的餐廳名字， 今日有緣經過，梗係要入去朝聖一下啦😄

午市套餐免費送一款丼飯， 即等同買一送一，正常午餐份量，沒有因為免費贈送而偷工減料🤭

點了壽喜燒定食， 送了鰻魚玉子丼飯🥰，兩款都有配搭前菜、米飯和面豉湯， 壽喜燒可揀牛或豬，豬肉嘅肉質細嫩 非常高質，加埋雞蛋更加滑溜， 仲有隻大冬菇🍄索曬啲湯夠曬入味；鰻魚大條到舖滿了飯碗面， 加埋甜甜地嘅醬汁，好味！

另外點了一份兩件的燒豆腐 2人share，味道正常，幾香幾滑。

飲品方面，餐廳有提供熱茶，職員不時會幫我地加添，非常細心和有禮貌，整體用餐體驗非常好，值得推薦！

平時不覺得位於APM的這間pan de pain有下午茶餐，但今午來到時發現有下午茶餐，決定進內試試。餐廳環境優美，周圍比草包圍住，乾淨企理，感覺清新。坐卡位時有花花cusion。 梳乎厘製作精美，非常厚身同滑溜，蛋味又香又濃郁，口感都夠綿密，再淋上糖漿和搽忌廉真是非常好食，下午茶兩塊梳乎厘已經非常飽肚。 奄列多士賣相很吸引，幾有心思。麵包食入口超級香牛油味，外脆內軟，口感有點似麵包布甸，而且甜味適中，蛋皮煎得香脆，內裏嫩滑，火腿份量多，奄列與多士一起吃口感超正。 Iced tea味道像新鮮水果，iced latte攪拌後飲起來雖然略帶苦澀，但咖啡味出色！ 食物用心製作，睇得又食得，未食過的朋友值得來試試。而且佢第二個Pancake有半價

「Cupping Room」屯門店開了一段時間，今天終於有機會和好友食個tea。 據悉鹹可麗餅系列是屯門店的獨有menu，筆者也是第一次試鹹可麗餅。可麗餅很薄，入口有微微麥香味。上面舖有水波蛋、手撕豬腩肉和菠菜，切開水波蛋，蛋汁如泉湧出。混合可麗餅皮、軟腍的豬腩肉等同吃，味道很香，口感又豐富。 隨餐附送一杯$40內的飲品。 3吋大的巴斯克芝士蛋糕，一人獨享也不會太過份！蛋糕表面烤至少許漆黑，口感順滑之餘，又帶點焦香味道。吃完整個也不會有很膩的感覺。 另一款甜品就點了tiramisu，加入了cupping room咖啡元素在內。Tiramisu入口質感柔滑，咖啡味的確香濃。但它的cream cheese層似是混入了類似燕麥的東西，覺得有點奇怪。

10/5當日為同事慶生，因為我既同事都好咀叼，所以我地特意揀左呢間餐廳，因為我地都認為呢間餐廳口碑一流，環境既一絕（望到海景），價錢亦好合理 前菜 - 我地都揀左香煎魷魚配西班牙肉腸，煎香左既魷魚仔並無腥味，肉質彈牙，相當新鮮 主菜 - 我地揀左Fish of the day, 但我已經唔記得左係咩魚喇魚皮煎得甘香，肉質鮮嫩，伴菜既薯蓉亦相當出色，好香滑，同事喜出望外話：「唔係用粉開既薯蓉，好食！」佢話有d餐廳係用粉開。而另一同事揀左燒春雞，佢表示：肉質唔錯，好食！ 到上甜品既一刻，lemon tart 上點了蠟燭，碟邊寫上：Happy Birthday, 最估唔到既係—播放生日歌非常感謝waiter既安排，令同事有個開心既生日lunch講返個lemon tart先，酸酸甜甜好開胃，令食到飽飽既我地能解一解膩

餃撚店 📍土瓜灣馬頭圍道187號地下2及4號舖 同事知我鍾意食餃子，叫我一定要試「餃撚店」，個店名好特別好易記，同事講過１次，已經記住左，咁啱今日黎開土瓜灣傾野，就去試一下。 如果套餐啱食的話，自選一人餐好抵食！我地２人點左２個套餐，餐廳採用QＲ落單，上菜好快。 今日品嚐了東北京蔥孜然羊肉餃和超級芫茜豬肉餃２款餃子，蔥孜然羊肉餃的外皮煎得金黃酥脆，一咬下去，每一口都能感受到羊肉的鮮嫩多汁，絕對是羊肉愛好者的最愛。超級芫茜豬肉餃既皮薄而富有彈性，豬肉餡料味道鮮美濃郁，搭配上豐富的芫茜，帶來了一種清新的口感。 上湯蒜子浸菜芯苗既湯頭好鮮美，蒜子的香氣與菜芯苗既甜完美結合，令人胃口大開。秘制脆青瓜清爽爽口，絕對是一道解膩的好選擇。 升級加配都好抵食，加$28有原味小籠包和加$34既小心爆汁牛肉煎餅，兩者都非常出色。原味小籠包的皮薄餡多，一口咬下去，湯汁四溢，充滿了濃郁的鮮肉香味。小心爆汁牛肉煎餅外酥內嫩，非常美味。 甜點方面，桂花太白拉糕的口感綿密細膩，食到淡淡桂花的清香。豆漿濃稠滑順，杞子龍眼菊花蜜微甜滋潤，是一個美味又健康的選擇。 這間餃子店除了食品非常出色，服務員的服務也很親切主動。如果你也是餃子愛好者，絕對不能錯過這家餃子店！

今日要去到銅鑼灣出差， 心血來潮想食個韓式Lunch. 於是就去左登龍街喜來稀肉食啦。 之前黎過應該未裝修， 而家裝修完， 光猛左， 乾淨左， 感覺好好多。 Lunch 可以揀燒肉同定食， 一條友當然簡單定食就算。 揀左牛排骨湯同柚子汽水。 牛排骨湯會配飯的， 送到黎重係滾緊， 食嘅時候真係要小心d，唔係燙傷個咀就唔好啦。牛排骨份量多， 牛味香濃， 肉質有筋膜， 非常好食。 牛排骨亦都煮到好軟， 有入口即化感覺。 柚子汽水-超多柚子肉， 食完個熱辣辣湯飯， 配一杯冰凍飲品， 食完就要繼續返工啦。

今天晚上跟媽媽及其姐妹們補祝母親節，來到佐敦的懷舊中菜小館「神燈海鮮酒家」，酒家裝潢富中國風；提供多款前菜、小菜、海鮮及燉湯等；餐前奉上前菜琥珀核桃 - 手拍青瓜 $68 青瓜新鮮爽脆，調味適中，鎮江醋及蒜蓉味道容易接受 - 淮杞螺頭燉翅群 $298 稱其為足料靚湯不為過，加入大量螺頭、雞腳及瘦肉等；湯品非常濃郁鮮甜但不感油膩，配料豐富令湯品味道帶層次感 - 黑松露玻璃燒鵝 1/4 隻 $238 燒鵝皮薄富鵝油及黑松露香；鵝肉緊實，鵝香豐富，脂肪比例不高 - 南非鮑魚啫啫雞 $538 南非鮑魚大隻厚身，鮮爽嫩滑，煮的時間剛好；啫啫雞份量充足，雞肉緊緻嫩滑又入味 - 蜜汁脆燒鱔 $278 附上檸檬，燒鱔不負其名做到脆口效果，油脂豐腴，鱔香豐富，蜜汁美味，加一點檸檬汁更能解膩 - 薑蔥龍蝦銀絲煲 $588 龍蝦厚肉而鮮爽香甜；粉絲份量充足，煮得爽滑輕韌，加入香口薑蔥更顯滋味 - 餐後奉上牛奶布甸，質地軟滑細緻，奶香適中沒有羶味，甜度低 - 端午節快到，「神燈」推出獨創懷舊燒鴨火腿糭及鮮肉紅豆糭，更是 100% 香港製造，現提供限定早鳥優惠：$108 一份 (原價：$136)，我都把握優惠購買一份

渡亭 位於灣仔同銅鑼灣交界的串燒小店😁 營業到凌晨～宵夜好選擇 串燒由店主一家親自調味🥢 加入特製蜜糖醬、孜然、香辣烤粉醃制 好喜歡佢地串燒味道👅唔會太重口味 食完唔會覺得口渴😋而且多款口味選擇 印尼沙嗲、泰式酸辣、港式麻辣都有 串燒即叫即烤～口感同烤香程序拿捏得好 由於即叫即燒～如果多單等候時間會比較耐 我即時叫左燒賣魚蛋食住等❤️😋 配試秘制辣油好香👏🏻 串燒好多款款式～豬、牛、雞、蔬菜都有 味道👅1️⃣0️⃣0️⃣🏻💗 豬肉🐷串燒豬頸肉 牛肉🐮肥牛包春蔥卷、串燒牛柳粒 雞肉🐔串燒雞中翼、串燒雞肉粒 蔬菜🫑串燒韭菜、串燒冬菇 腸、丸類🍢串燒魚片、串燒墨魚丸、燒司華力腸 除左招牌串燒🥢更有來自長洲📍慶發記糖水 我食左皇牌燉桃膠～都系無添加糖🫶🏻健康又好味 渡亭 (灣仔) 📍灣仔軒尼詩道375號利威商業大廈地下A號鋪

今日午餐去咗位於荃灣廣場既燒肉801度食晏。 我地去到就叫咗lunch set 801同802，我地仲升級做紫菜飯，最估唔到係個飯入面仲有個生蛋黃，撈埋啲紫菜同飯簡係好味。 802個餐有牛小排、黑毛豬同雞腿肉，可以一口氣食到唔同既肉，各有特式。 牛小排食到啖啖牛香，點埋個燒肉汁，食落好惹味，雞腿肉點上蔥鹽味就一絕。 今餐主角一定係801既黑毛和牛肩胛肉！塊和牛啲雪花分布得好均勻，食到好香牛脂味，燒完之後撈埋生蛋黃，入口即溶，食落更加嫩滑！ 我地仲叫咗平日出面少見既日本忌廉汽水同日本蜜瓜汽水都好好飲！

祥仔旗下的餐廳全都食過了，全部都是誠意之作，沒有馬虎了事，這間餐廳前後都食左4次，每次都沒有令人失望，合理價錢之內，港式茶餐廳的菜單款式，但食物品質是高水準的，紅湯是必點的，千萬別小看它，不是一般例湯. 註=圖中套餐本身只配飯或薯菜，但我查問職員後可轉配意粉。

茶舍其實我已經食過好多次，但係每次經過都會忍唔住買自己焗飯，今次亦都係一樣。貪佢夠新鮮，即叫即焗同埋多料👍🏻👍🏻👍🏻 咖喱牛腩焗飯 牛腩經過悶煮後變得軟嫩多汁，與濃郁的咖喱醬完美融合。焗飯上有芝士增添了濃郁的口感和香氣。最欣賞佢嘅咖喱汁，有香料味得來，但係又唔會太過搶味！ 菠蘿鮮茄三層焗豬扒飯： 豬扒煎至金黃酥脆，搭配上鮮甜的菠蘿，形成了豐富的層次感。豬肉的鮮嫩，每一口都充滿了驚喜和滿足感，炒飯底亦都夠乾身，正 咖喱雞焗飯： 基本上同咖喱牛腩一樣都係非常好食，咖喱雞明顯地有煎過，所以多咗一層香味，而且冇乜用鬆肉粉，食得又放心！

約一位成日遲到嘅朋友晚膳，次次遲到理由一係塞車，一係就唔方便，總係理由多多，所以今次特登約位於調景嶺站上蓋嘅「牛摩」食火鍋放題，一出站幾步路就到，咁就冇遲到理由了吧。 食店幾簡潔乾淨，安排坐的卡位幾舒服，食物方面，有幾個 level 選擇，我們選了 LV3「阿古梅豚肉」，除咗可以食到LV1及LV2嘅食物，仲可以食到LV3嘅墨魚滑、章魚燒、芝士牛肉貢丸、一口芝士等等，連埋出面bar枱嘅都好夠食。掃QR code落order，既方便又方便查record，減少漏單，而且亦可即時知道邊啲要加錢追加食物。 飲品櫃夠多選擇，除咗汽水仲有沙冰，可以飲幾款唔駛傷腦筋。 整體嚟講肉類新鮮， 放在滾湯勺一陣就可以拿來吃，不需要放太久，免得過嚡。其他有我喜愛嘅迷你甜糖薯， 那種甜非一般砂糖可的甜， 肉質軟綿綿， 不錯。 出面bar枱亦甜點，種類不多， 不過係幾好食。反而食店有爆谷供應，平時都只係睇戲先會食，所以係驚喜。 整體嚟講，環境同一個價錢無限量食嘢，對於間唔中放肆一下，係幾划算同開懷嘅事情。