檀島咖啡餅店 (Closed)

與同事到檀島食lunch,一時多到達,可幸仲有位. 他們的set lunch與常餐價錢都OK;我很快便決定叫焗叉燒飯,而同事則點了個甚麼雞湯飯(忘記了名字).餐湯有中西兩款選擇;羅宋湯算不錯,大大碗且有很多"渣",不會似那些溝水的湯. 中湯同樣有很多"渣",同事說味道都不俗.焗叉燒飯賣相幾好,叉燒夠腍,不過有幾舊肥了點. 味道雖然不錯,但其實只得幾舊叉燒,幸好多汁可以撈飯.同事說湯飯都不錯,雖則賣相一般但都算大碗,一定夠飽.要彈的反而是地方. 本來裝修後的檀島環境確是不俗;但店內實在太熱. 我們已坐在冷氣機下,但仍然一邊吃一邊流汗... 同事說行到內裡埋單的時候感覺到裡面很涼快,所以有可能是開門的時候流走了很多冷氣?? 無論如何他們都要諗諗辦法,因為夏天已經來臨,這麼熱的環境實在很趕客.

尋日同新同事去食lunch,因為搵唔到我想去嗰間,沿住洗衣街行見到呢間裝修四正,午餐價錢ok,而且趕時間所以費事再搵.當時係14:15左右,無乜人,我要豬扒意粉,同事要揚州炒飯.等咗兩三個字,有位男客人催單,幾大聲下,個伙記話"個餸整好,但d飯未熟."????唔係呀嘩,無飯唔通知聲等到幾時呀,點知你d飯要煮幾耐架?,個男人都話佢哋"你講聲吖嘛."跟住要改食其他餐.我個同事已經話"無飯?咁我個揚州炒飯咪凍過水?"過幾分鐘有侍應埋唻話,因為無飯所以無揚州炒飯.好無奈,落單時又唔講,結果我同事改要豬扒意粉.同我一樣.又等,等到2點8,9個字,一份意粉到咗,我好趕時間所以要食先.有另一份送緊過唻,同事以為俾佢,但竟然拎去隔離檯(但我哋到先架喎?!),隔離檯見咁情況就話"你睇清楚先啦.",個侍應走去出菜位同廚師及其他侍應對質,講完又送過唻俾同事食,唉,無奈呀.我好急咁食,食食下發覺我都係唔可能用5分鐘(我3點要開工)食完呢兜意粉,於是都係食番慢d,並且決定以後都唔會再唻.同事都話要black list佢.我在等待期間係有諗過去一去郵局寄嘢再番唻食,反正去郵局來回唔使20分鐘,但我响度等咗半個鐘.

今天外出跟同事食個早飯, 十一點半, 好似剛開鋪, 因為坐後覺得很熱, 同事話坐一陣應該會涼啲, 唯有係咁啦!原本想叫小菜, 原來晚市才供應, 唯有各自精彩! 同事叫了豬扒飯, $35, 豉椒排骨飯, $34, 咖哩雞飯, $40, 賣相不差, 羅宋湯亦足料, 碟頭大, 但味道好似一般! 我就叫咗常餐, $28 + $3, 炒蛋配多士, 一般, 多士原本叫免烘, 黎到就算啦...薄薄一片...., 炒蛋無咩特別! 叉燒蛋通另加羅宋湯底....濃濃的湯底...我鍾意, 叉燒幾腍, 隻蛋俾咗同事, (其他同事以為我常來....好似好好食, 錯了, 我也是第一次試食, 只是將自己喜愛的組合在一起)! 茶走 (少甜), 茶味夠...但有點苦澀! 我地食到一點....人都幾多, 我走時係流住汗...因為冷氣唔夠, 仲有侍應唔太熟手....走後生路線, 我比較鍾意灣仔總店, 因為有十字包, 麵包...奶茶都好飲啲!

由旺角鬧市走到太子, 旺中帶靜的洗衣街來到這裡. 與灣仔總店分別是裝修格局比年輕化, 連侍應招呼也不會感覺到像茶餐廳般, 櫥窗內的蛋糕也是平時總店沒有的, 可能每間歷史文化及食客對象有所不同而迎合大家需求.以往路過灣仔總店, 下午茶檀島必點的是酥皮蛋撻, 今晚晚餐卻沒有, 簡單的換來是東南亞式貌似海南雞飯般及海鮮喇沙再加杯熱奶茶 (我的指定動作) 作晚餐哩!雞肉飯配料薑蔥及辣汁果然惹味, 配合得天衣無縫, 另外蝦喇沙被外表深深吸引著, 蝦蝦雖然多, 但味道剛剛唱反調.......

昨晚得一個人晚飯，所以到旺角行街看東西，回程時看到這間食店，想起這裡的咖啡幾好(在灣仔店)，唔知奶茶又如何呢？可能時間還早，只得幾個客人，看完餐牌後便選擇了楊州炒飯及熱奶茶。楊州炒飯 - 飯炒得夠乾身，又唔會太硬，香得來又夠口感，雖然材料唔多，但大部份都算對版，蝦都算彈牙，很久沒有食到這樣吸引的炒飯了。熱奶茶 - 奶茶就真係唔得，茶味唔夠(一看便知道)，奶味也唔夠，就像一杯沖到好淡口的奶水；看來下次還是叫咖啡好了。侍應最攪笑，看了幾次都寫錯價錢，最後還要再改單，可能真係剛剛入行吧！

星期六的晚上, 上堂前來了這裡晚餐. 遠看還以為有兩層, 原來只有一層. 環境係非常的擠逼, 堂食的位置不多, 加上同揀麵包的地方擺埋一齊, 感覺上係不太舒適. 不過衛生程度就可以.原則上係自己買完飛, 然後有人送餐來. 半自助式的.焗忌廉雞王飯$30: 8分, 要了個特色焗飯, 意想不到的係這裡的焗飯原來係即焗的, 都要等十分鐘先有得食, 有誠意. 炒飯底炒得香口, 夠鑊氣, 忌廉汁入味, 幾好撈飯, 係不太喜歡太多辣椒, 好像跟個汁不太匹配.南瓜蒸排骨$28: 7分, 又要了個健康蒸飯套餐, $23, 加$5再送湯同咖啡/茶. 這個蒸飯套餐就係一早蒸好, 結果排骨係有點老了, 實了點, 蒸南瓜清清地, 而且係南瓜比排骨為多, 加上碟青菜, 成個餐基本上都係比較清的.奶茶: 8分, 天氣熱都係要了杯熱奶茶, 飲落口係相當滑, 又好香濃.蛋撻: 8分, 雖然也幾飽, 也要了個蛋撻做飯後甜品, 由於已經唔係出爐時間, 蛋撻當然不太熱, 但始終這裡的酥皮蛋撻係招牌, 蛋撻皮好鬆化, 蛋味濃郁, 水準依然好高.當然熱辣辣的蛋撻係吸引得多.平平地吃過快餐, 這裡都算係不錯的選擇.

相信是老店想走年青化, 由裝修至格局, 都"後生"左唔少. 新裝修, 黃色好搶眼, 眼光好足, 唔似得舊分店那種暗暗殘殘的感覺. 以快餐店形式, 先到收錢處付款, 再拎牌, 再搵位, d 野食整好會有侍應拎埋黎既.好可惜, 位唔多, 幾迫. 收銀既得一個counter, 幾亂幾慢, 寧願佢好似舊店用茶餐廳形式好過.馳名蛋撻, 味道一般, 酥皮淋左, 唔夠鬆化, 可能係凍左, 果撻唔暖, 唔夠新鮮既關係. 蛋黃底似有層薄薄的"蓮蓉", 幾甜.奶茶, 呢個就保持到水準, 夠香夠滑.奶油花生醬厚多士, 有下午茶供應, 所以叫左鴛鴦厚多士餐$16, 厚多士唔夠踎 , 奶油同花生醬係各搽半塊, 無撈埋既, 而且醬唔多, 變得味道普通, 口感麻麻.燒味, 好似舊店咁, 其實都有好多款午餐, 燒味, 焗飯等供應, 試左油雞鵝, 都一致覺得味道一般.老實講, 係有點失望呢.

對小弟嚟講，呢間老牌茶記有三件寶--- 咖啡、蛋撻及為人所忽略嘅义燒包....記得從前响青衣住，每逢放工返屋企前都會去買個新鮮出爐嘅义包食。包本身雖並不特別出色，但勝在新鮮滾熱辣之餘，用料亦夠真材實料(真係俾你食到一嚿嚿义燒)。可惜搬走咗之後已冇乜機會食，且青衣分店已執笠，惆悵...知道佢哋响旺角再開cafe，好懷念個义包，趁有早去幫襯一下...地方挺小，只得幾張四人圓枱，人多時坐得頗迫...有午飯套餐之餘仲有燒味。對我嚟講，cafe始終係cafe，叫乜嘢勞什子燒味呢....咖啡、蛋撻及义燒包，再加碗餐腿一丁，食物盛宴...蛋撻依舊不俗，酥皮頗鬆化，蛋漿冇落香精，感覺幾"清"，不愧係招牌貨，冇食咁耐依然不錯...小弟摯愛嘅义包就差得遠。始終食嘅呢round並唔係出爐貨，好生失望...新舖運作總係會有D問題。叫杯咖啡，最後嚟杯奶茶。澀味十足，絕對係水準以下....一丁反而不俗--- 餐肉有煎過，有誠意；火腿切成絲，份量頗足；一丁淥得嘅時間剛好，質感頗彈牙，有過冷河，再次係有誠意嘅表現...一次過...只能滿足兩個願望....唉....

前幾天到檀島食tea，好平，一個餐有好多野食。唔記個餐叫咩名，但內容包括：蘑菇焗薯：很軟滑，唔乾，上面有沙律醬，有ok 多mushroom，食完成個已半飽...豉油雞翼：兩隻全翼，很夠味，但食後不會頸渴，唔錯雜果沙律：ok大"pat"，新鮮飲品咁多樣野都只係$22，抵啦！食完飽到唔洗食supper 添！

麵包鋪焗薯蓉好食，芝土蛋糕好食,依家好似有折頭

今天吃了這裡的早餐, $20 有牛排出前一丁, 牛排是即叫即煎, 還有他們的招牌咖啡, 十分滿足, 一定會再來.