影片
以上資料只供參考, 請與餐廳確認詳情
招牌菜
食評 (13)
步入呢間店就見到10枱佔8枱都係叫火鍋.而且聞到好香.我覺得30幾度高溫.吃火鍋太熱.而鍋實在份量太勁.有機會要叫多一人才試.服務同樣冷淡.加上有少少自助.自己搬椅.自己叫店員落單.店員無論如何也沉默回應.?相反我覺得老閭娘雖則有點串.幾坦白.均真.例如我向店員提出漏了汽水.店員想加單..老閭娘反應:你落左單..同客人傾談時.將店內食物.租金成本.一一告知.生炒骨.:個醬味道做得恰到好處.豬肉也新鮮.雖則醬酸酸.也不失肉的鮮味.肉質入口也香脆好食.蒸魚雲:汁亦不算鹹,魚亦入味.不過我喜愛吃蒸魚啖啖肉,可以試出控制時間同肉鮮味.魚雲只食骨.什麼味道也比濃濃調味蓋過.只要唔腥已算合格.埋單加2個飯亦只是137元...主要是吃火鍋.小菜選擇少,味道的確不俗.價錢合理.客似雲來.總有原因.
繼續閱讀
今晚有人提議想打邊爐, 本來想去平時食開任食嘅地方, 但因為今時今日百厭仔已經快高長大, 啱啱一米多啲, 任食嘅百厭仔都要收錢, 但佢食得又唔多, 變相唔係好抵. 所以寧願幫襯逐碟叫嘅. 當然事前先上OPENRICE SEARCH一下啦, 搵到呢間只有笑評無喊評嘅飯店, 梗係要試啦.一行三大一細 (兩個大胃男人) 去到17:50, 店內已有兩枱食客. 即時有人奉上茶及碗筷, 但禮貌地講明落單就要等同事食完飯先, 望望之前兩枱食客都係咁等. 況且我哋又唔趕時間, 咪睇住電視等. 到18:10, 店員食完飯開始落單. 上湯豬骨湯底 $65.00--一啲都唔欺場, 有兩大件豬骨. 事後老公清晒, 佢顱豬骨非常入味, 正! 手打墨魚丸 $48.00--一碟有十幾粒, 抵! 彈牙鮮味, 正! 手打鯪魚球 $30.00--一樣係十幾粒, 純魚肉無蔥無香茜, 啱晒我. 鮮蝦雲吞 $35.00--OK 鮮滑牛 $30.00--有牛味, 一啲都唔韌, 掂! 生蠔 (時價, 今晚係$88.00)--一碟十零隻, 新鮮! 細手切肥牛 $78.00-- 唔知係牛嘅邊個部份呢? 食落爽口. 好味! 大美國肥牛 $78.00--唔太肥, OK 鯇魚片 $30.00--新鮮, 美中不足嘅係有些少幼骨.加一罐可樂 $8.00 埋單$490.00. 價錢唔貴, 食材新鮮, 份量又足. 簡直係平靚正, 超抵!今次無食粉麵都好飽, 超滿足!
繼續閱讀
今次第二次光臨三興, 本想約一大班朋友仔來品嘗這裏出名的豬骨煲, 但可惜人多會很易出現時間不夾的情況, 所以我同相公先賭為快~~~~因上之已經很想吃但實在太大盆了所以放棄, 今次只吃豬骨煲放棄了其他美味的食物.指天椒很辣啊~相公必吃的白飯.這個煲大得像洗面盆一樣很大條的鯇魚不是完全熟透的, 所以要用少許時間, 幸好原來魚的另一面是已起了肉, 即是不足一整條的, 否則我們真是要連盆打包了~開始動手啦~~~~~~~~~~~除了有主角豬筒骨, 鯇魚, 雞腳外還有很多配料, 包括紅蘿蔔, 白蘿蔔, 粟米, 芹菜, 大荳芽, 支竹, 鹹酸菜. 份量真是多得很, 配料越吃越好吃, 因為放湯已有一段時間吸了很多精華, 尤其是白蘿蔔, 鹹酸菜味道適中不會過鹹. 只是覺得湯底本身味道不太夠, 如果胡椒味重一點會更好吃. 鯇魚尾部, 很滑, 魚味十足~雞腳有五, 六隻, 但已變為配角的配角了~豬筒骨大得像碗一樣, 我明白為何三興的碗是比一般的飯店為大, 我想原因是方便用來盛著豬筒骨五舊大豬筒骨給我們擊敗後, 一齊來排隊合照, 其實除了吃骨髓外, 周邊少許的肉都不要錯過, 味道鹹鹹香香的. 我們已經吃到發呆了, 決定放棄~~~~~~~~~~~二人實在是不能完全吃清的, 我想加多一位壯男就沒有問題. 雖然已到了頂點, 但都不禁來一回豬骨魚湯...美味~~~~~~~~~~~~~~~~經過上次坐室內太多人太多煙太焗的情況下, 今次本想坐室外但室外太多煙民又要搬到室內去, 幸好今次沒有上次那麼多人可能當日又開始有點回暖所以人流沒有上次那麼多, 待應服務態度好好我們考慮室內還室外到我們由室外搬到室內都沒有什麼說話廳到和面色給我們看, 還十分有禮貌和友善, 真是一般的飯店, 大排檔都很少見. 雖然我們浪費了一點食物但對著這個洗面盆真是抵檔不住一定要試一試. 下次會一大班朋友一吃再來決戰洗面盆~值得一題, 這個洗面盆只是$178, 我覺得十分抵, 現在內地物價高漲我相信這個煲可能三興還要比內地抵吃~
繼續閱讀
入冬之後根本凡係出街開飯，九成九都係打邊爐﹗今晚亦唔例外，去元朗食雞煲再打邊爐﹗地點是元朗的三興飯店。地鋪，裝修簡單陳舊，店內座位不多，食客多坐露天街邊位置﹗是日星期四，未及七點鋪前鋪後街邊座位已擺滿整條大街，廿幾三十張枱迫爆真可說是萬人空巷，咁早都要等去到竟然要等位﹗一行七人，元朗友人話來呢度食飯，係貪佢平靚正﹗這兒出名的是食煲，見有雞煲、魚頭煲、蟹煲、水魚煲、牛腩煲等，最出名好似係豬骨魚頭煲，食完再用煲既汁加水打邊爐﹗點了太平雞煲﹗$168一隻雞，都幾大煲，雞肉醃得入味，微辣中帶酒甜香﹗七個人一人三幾件，唔洗十分鐘已掃哂﹗這兒食物價錢平之餘仲相當大碟，手打墨魚丸一碟十幾粒﹗咬落有墨魚粒，香口，$40咁大碟真抵食﹗手切肥牛大碟$98﹗牛肉色水殷紅新鮮，可惜的是牛味偏淡﹗手打鯪魚球﹗這個不可不試，又是$40有10幾粒，淥起後腍身卻煙韌彈牙，魚味濃吃得出自家打得用心，好味﹗大家也很滿意，最後點了兩碟也一陣便清哂呢﹗手切牛吃得不暢快，再點多個美國肥牛，這個$78大碟，反而有驚喜﹗唔會煙肉似的肥得作吐，油脂紋理平均，牛味濃，雖然質地偏韌，但比手切肥牛好吃呢﹗大魚頭當然無我份，不過友人啜到合哂眼，吃完一件又一件，大叫又滑又香，應該好好味﹗這兒的椒鹽也很不錯，椒鹽雙魷蒜味濃，香脆惹味，送啤酒是無敵﹗加多幾個菜籃，最後七個人飲左成廿支籃妹，埋單位位只係$180，真係抵食﹗怪不得高朋滿座﹗元朗區抵食推介﹗
繼續閱讀
晚餐本來想去加勒比, 滿座, 再轉去咖喱, 又滿座, 經過三興飯店, 見到加台至整條街, 超多食客, 又見火鍋很特別, 有整條的魚鍋, 老闆娘說只等一張台, OK就得一下, 就點隔離台的魚鍋, OH...老闆娘還有良心的說真的很大鍋, 我們只2個人可能太多, 聽取意見, 改要半隻醉雞鍋, 湯底很香藥材的味道, 雞更很現今香港菜館都好難吃到, 彈牙, 沒有一層啫喱肥膏, 好合格, 可能是新鮮雞? 還加了滑牛, 魚腩, 菜, 一雙藍妹, $247, 不算便宜, 不過吃得津津有味很開心侍應比較COOL, 沒甚笑容, 不過一招手也很快有人應你, 而且點啤酒也很快速送上, 在這種類似大棚檔的菜飯, 合格的了一定要再去吃魚鍋
繼續閱讀