影片
營業時間
今日營業
07:00 - 20:30
星期一至五
07:00 - 20:30
星期六
08:00 - 19:30
星期日
10:00 - 19:30
公眾假期
10:00 - 19:30
以上資料只供參考, 請與餐廳確認詳情
相關文章
相信大家都聽過享樂烘焙或者已經食過,不過我都照介紹吓先啦😆我自己已經幫襯過好多次,次次一買都買幾百蚊🤭主要都係幫襯九龍灣嗰間,所以麵包都係以呢間作評價🙈《明太子法國 $22》明太子法包好多明太子醬,明太子味好香,又唔會太鹹,法包係外脆內軟,有驚喜👍🏻《特濃抹茶焦糖三角 $18》表面有少少糖霜,甜甜地,抹茶味幾香,但食落係麵包質地,感覺普通啲,較為厚實🫢《小山園抹茶麻糬牛角包 $26》抹茶麻糬牛角包好酥脆,麻糬好軟糯,抹茶醬都好濃郁,推薦👍🏻《菠蘿肉鬆 $14》肉鬆包味道係唔錯,但呢款比較普通冇咩特別🫢《肉桂焦糖脆脆酥 $16》肉桂味幾香,糖霜唔會太甜,配咖啡一流☕️《德式/抹茶/伯爵茶流心朱古力布丁撻 $20/24/24》原味幾有蛋香味,幾多餡,撻皮幾薄,又唔會好漏,食多個都仲得😂抹茶係流心架,伯爵茶朱古力都係,好邪惡,推薦!!《開心果吉士酥皮冰心 $32》開心果控必試!!好香開心果味,表層酥脆,呢個入面麻糬相對硬少少,可能因為雪過,但都唔係好硬個種,都軟熟既,買完記得即日食🙈《日本焙茶麻糬貝果/湯種野生藍莓乳酪貝果/ 湯種手工芋泥貝果 $18》《湯種特濃抹茶麻糬貝果/湯種紫菜肉鬆手工貝果/湯種伯爵麻糬奶茶貝果 $20》《開心果麻糬貝果 $24》Bagel好軟熟,餡料都算多,但抹茶味冇咁突出,麻糬都有少少🤏🏻焙茶味就麻麻地,冇咩焙茶香,伯爵茶麻糬反而伯爵茶味幾出,就咁聞都已經聞到,佢個麻糬係有啲似黑糖麻糬,呢個好食啲👍🏻開心果味好多奶酥好正😎芋泥同藍莓乳酪都幾好,唔太甜!咸味既話紫菜肉鬆係幾正😆不過整體Bagel啲餡料有啲就比較乾身啲,可能因為奶酥🫢《牛奶手撕吐司 $30》千層吐司🍞好軟熟,幾濕潤又有牛油香,不過會有啲啲油,真係可以一層層塵咁撕出嚟幾好挽,食到咁上下就咁咬又得,幾有層次感,好好食!《小黑喵千層吐司 $38》貓吐司同樣好軟熟,朱古力味又唔會太甜,好食👍🏻《台灣紫薯麻糬包 $14》《南瓜麻糬包 $20》紫薯同南瓜麻糬包好足料,啲餡好多,南瓜包幾香南瓜味🎃整體感覺享樂烘焙啲抹茶產品做得幾好,本身個抹茶粉唔錯,而啲麵包都好軟熟,幾有特色,款式選擇又多,日日食都唔厭😂之前仲食過佢啲scones啊蜜瓜包,不過唔係太突出就唔特別介紹🙈享樂烘焙九龍灣常悅道21號The Eastmark地下3號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️⭐️
繼續閱讀
Bagel選擇好多 全部都好有特色唔係淨係原味bagel 有連麻糬肉鬆芝士等 真係好值得試仲要價錢好抵 平均都係$20-25/1今次我買咗個抹茶麻糬bagel黎食我買完隔咗一日整返熱黎食 都無變硬仲係非常鬆軟 唔係好實嘅麵包🥯入面都有空氣好有口感未咬已經聞到好香茶味🍃咬入面都仲有好多抹茶餡同麻糬 非常煙靭同好夾另外叫咗個抹茶撻 但係因為唔係新鮮出爐已經凍咗所以味道一般 皮薄易碎 蛋醬多都係足料 都會想等佢新鮮出爐再食多一次
繼續閱讀
一直都特別鍾意食布丁撻，就係鍾意佢香噴噴熱辣辣咁，聽好多人講呢間烘焙店好出名，今日經過就買咗兩個嚟試吓😚🩵甜品：德式布丁撻$20原味布丁撻聞落香噴噴，好香布丁既蛋味，內餡好似布丁咁細滑軟綿，外面用左牛油撻皮，做甜品好正😋🩵甜品：小山園抹茶撻$24中間仲有抹茶流心醬，抹茶控一定要試試😍
繼續閱讀
🍴手撕牛奶吐司 $30 (8/10)第一次食手撕吐司！外皮比較偏硬，有少少似牛角包嘅質感？入邊嘅吐司非常軟熟，有牛油香味！🍴焙茶合桃司康 $28 2個 (8.5/10)焗返熱嚟食外脆，內裏好濕潤紮實，非常香濃焙茶味，入邊有合桃增加咗口感！🍴抹茶拿鐵麻薯吐司 $35 (8/10)吐司好大條，一個人可以食2-3日😂質感鬆軟，抹茶味幾香，麻薯煙銀，都係一如以往咁好食😜推薦指數: 8/10盲選都唔會伏😝
繼續閱讀
建議：布丁撻如果要打卡，最好買2️⃣件，因為會2️⃣件先有盒裝，單個入袋比較易爛。#布丁菠蘿酥 記得要新鮮食，只係隔咗個晏晝麵包位已經淋咗少少😆 不過食落都唔錯嘅。今次試左：▫️小山園布丁撻 HKD24布丁撻有3️⃣款口味，就甘睇外型幾吸引。食落不論撻皮定內餡抹茶味都好夠出，但蛋味欠奉，口感完全唔布丁😆 反而似未全熟嘅流心撻。實在太軟身嘅關係，店員入袋後撻面已經爆咗，比完錢拎上手直頭分開咗兩半，就算想打卡先都已經嚟唔切🙈 如果真係想影相，影底出爐盤可能仲靚😌▪️焦糖布丁菠蘿酥 HKD28分開布丁同菠蘿酥嚟講味道唔錯，布丁蛋味夠，無動L效果，但夠撐身所以口感幾好👍🏻 就算夾落包嘅中間都無變樣🍮 焦糖面亦唔算好甜。一開始以為菠蘿酥姐係菠蘿包皮嘅泡芙，但開蓋後發現其實係麵包😆 一貫享樂水準，麵包夠口感唔會空氣。如果唔鍾意食布丁，不妨考慮佢地嘅#日式菠蘿包 😌
繼續閱讀