俺流塩らーめん (新都會廣場)

營業中

休息中

俺流塩らーめん (新都會廣場) Oreryu Shio Ramen (Metroplaza)地址:葵芳興芳路223號新都會廣場1樓117號舖#yauyau_葵芳呢間舖頭喺好多地方都有開分店，佢哋好鍾意播住Beatles嘅歌，服務質素就每一間都唔同，價錢都唔平，但係啲拉麵呢就認真麻麻啦。🍜🍜辛辣熟成濃湯拉麵 $73啲配料啊，都係啲青蔥啲菠菜仲有一塊肉，湯底食落都夠辣，而且都幾香可以冚得住個拉麵底浸鹼水味，叉燒咬落去香口鬆化，可惜就係得一片。🍲🍖豚肉盛盒拉麵 $93成碗嘢除咗肉之外，都係肉。啱晒啲食肉獸嚟食，佢有兩塊叉燒，一大舊五花腩，仲有啲豬肉片，最尾有件糖心蛋。伴菜都係啲蟲草花竹筍同菠菜。湯底冇乜特別都係豬骨湯，但係個拉面嘅鹼水味真係好勁，冚都撳唔住。呢間鋪應該冇下次啦。味道: 3/5服務: 3.5/5環境: 3.5/5番兜: 3/5#葵芳美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #葵芳日本菜 #日本菜

好少寫食評，食完呢間拉麵充滿力量去寫下。明白要食好食拉麵都係去日本食，食左碗柚子豚肉拉麵，湯底極淡，豚肉勁鞋。食完都唔覺得食左碗日本拉麵。埋單要$91！真係覺得係香港出街食嘢，質素愈來愈差，價錢愈來愈貴！成碗拉麵最過得去係隻鹵蛋，如果唔係我覺得同食碗火腿通粉無咩分別。$91可能去對面葵廣仲食得開心。😖😖😖😖😖😖😖😖😖😖😖😖😖😖😖😖😖😖😖😖😖😖😖😖😖😖

見好多人留言話抵食，黎試吓CP值有幾高星期六朝早嚟到，撞正岩岩開門，唔需要等位就入得。環境可以，檯面夠大今次叫咗「黑蒜熟成濃湯拉麵」價錢係$83+10%，即$91.3香港正常拉麵價錢外表唔算特別吸引麵彈牙，湯算濃味，有陣陣柚子香叉燒比以往拉麵店食嘅少只有一片中等厚度叉燒呢個係令人最失望嘅地方，亦因此覺得絕對稱唔上「抵食」，平時食拉麵一般有兩片或以上當然可以另加錢再加的總結CP值普通，味道可以，唔會再試

我今天在吃了黑蒜油熟成濃湯拉麵，一碗麵有一隻蛋，但竟然只有一塊肉，而且湯底只有油味，食唔出黑蒜味，份量很少。我認為呢間拉麵舖CP值低，不推介進食，我亦不會再試。

葵芳比較少拉麵店呢一間喺商場入邊所以比較方便炸雞比較大嚿同埋唔會鞋拉麵就同普通拉麵店唔一樣比較清淡唔會好油膩 唔會太濃郁如果鍾意重口味嘅人士就未必適合不過葵芳就比較少選擇有時想食拉麵都會選擇呢一間

1. 鮮味蛤蜊濃湯拉麵 $922. 豚肉盛合拉麵$89一般一般真的一般，就是很一般的連鎖式拉麵店本來有一點少期待，試過以後還有一點失望。。。。對蛤蜊湯有一種清甜（像台灣那種蛤蜊湯）的期待，可是湯浮滿油，湯有很濃的豬骨（味精）的味道 ：P蛤蜊也煮有點太久，沒有什麼味道。可以一讚的是麵質的軟韌度控制的很好。估計這種連鎖店，食材都是總公司控制的，但至少廚師也盡力把麵煮好～ 豚肉盛合的湯跟蛤蜊的一樣 哈哈哈～ （不意外）然後豬肉片有點硬。。。總的來說，就如標題說的，就是一般的連鎖拉麵店，沒有期待沒有失望。

晚餐時間行葵芳，諗起呢間平時間中食既拉麵店。揀左02. 辛辣熟成濃湯拉麵 $69。唔太肚餓，只叫個碗拉麵。拉麵揀左軟身，有蔥有筍。個湯小小微辣，有柚子皮絲放在拉麵搭配住食，都幾清新既。價格唔算太貴，味道都唔錯。

係葵廣食得多 諗吾到食咩好😗 所以就去左葵芳新都會廣場搵野食🤣 係最底個層行左個圈 最後見到有間拉麵鋪好多人排隊 連中學生都有排🫣 應該係好食所以先咁多人 所以就簡左依間食lunch😛黑蒜油熟成濃湯拉麵🍜麵可以選擇軟麵 普通 或者硬麵😍 可以簡鐘意嘅口感😜 蔥同荀都係比客人簡要吾要 咁就可以更加符合客人嘅口味 同埋吾洗浪費食物👍🏽 咁碗麵就包左隻蛋🥚 但做吾到好流心嘅效過🫠 叉燒得一塊 同埋吾夠淋 味道都夠嘅🫣 湯底味道吾錯 係鹹左少少🤏 總括黎講 不過不失 有興趣嘅人都可以試下嘅😗

難食到第一次要寫食評！嗌咗個鮮味蛤蜊濃湯拉麵，理論上海鮮類係好難整得難食，不過呢間做到第一個湯底淡如清水，蜆無鮮味，話佢係淡奶溝水做湯底係形容得好貼切咁既質素收92蚊再加一永無下次。因為第一次嚟，另外再嗌咗個黑蒜油，因為似係佢招牌雖然比個蜆清水湯底好些少，不過無論色水定味道都係唔合格，舊豚肉同蛋就ok ge最後個蜆拉麵，要搬晒去黑蒜油湯底先食得落，極度懷疑究竟係咪師傅趕收工，未食個咁難食仲要清水咁款既拉麵係世一難食😡大家想試伏極度歡迎試下😊

今日下午茶諗住去食個沾麵同拉麵，不過好食個啲，都有落場時間，咁唯有喺屋企附近有間拉麵店都未試過，就諗住幫襯下啦，點知中伏……叫咗一份餃子，好似喺屋企丁丁嗰啲咁，跟住我叫左俺流鹽湯拉麵，湯係暖嘅，唔熱朋友叫左個俺流特製撈麵，好似中式口味，所以應該唔會再幫襯，啲侍應講嘢太細聲，同冇咩禮貌，冇熱誠😌

之前食過唔錯，今日番焯，叫左2碗，一辣一唔辣，完全唔掂，因為嗰湯係唔熱，點解可以有咁嘅問題，未試過一間嗰湯唔熱嘅拉面，以後唔會再食。。。環境，張枱有好似未抹過咁，超級失望。。。仲有嗰辣湯，一啲都唔辣，枱面得啲唔香唔辣嘅辣椒油同胡椒，除左失望，還是失望。。。叫個侍應俾只匙羹我，竟然係有污跡，大佬呀，枱已經無抹得好，匙羹碗都洗得唔乾淨，唔係咁好喎，失敗中嘅失敗。。。。最後，奉勸大家想食拉面，去第二間好過。。。

成日經過呢間拉麵都好多人排隊，見今次時間尚早，無咩人排，即刻嗱嗱臨去排隊，我地不嬲有鋪排隊嘅癮🤣一人一碗拉麵，賣相唔錯，聞落去都好夠香，側邊有啲調味可以加，但我地今次就無加了😋我要左碗俺流熟成濃湯拉麵，個湯食落無咩味精，但都夠味。拉麵可以自選硬度，本身鍾意硬啲嘅麵，煮左出嚟都的確啱口味👍🏻 叉燒就得一塊，味道一般另一碗係黑蒜油熟成濃湯拉麵，聞落好香，但食落去相對無咁重味。男朋友平時好大食，驚唔飽叫左大盛，但最後飽到佢上心口🤪

啲座位好多都好飯堂feel，得一張大枱成十張凳，一係就坐高凳，圍住吧枱坐，哈比人、自己諗。兩種枱同樣難免有搭枱感受。望嚟望去得一張四人枱，坐咗唯一一張二人枱，喺最邊緣，塊隔板只係擋住向餐廳入面嗰邊，變相商場路人甲乙隨便一望就見到你食相。嗌咗碗「墨汁魷魚豚角拉麵」，即係五花腩粒同吊桶切圈。唔滿意係魷魚明顯仲有雪藏味，仲要丁點魷魚味都冇，以為食緊冇調味嘅齋。五花腩粒真係略嫌少，得五小粒。伴麵嘅芫荽係小棵上，唔嫌陣荽徐係可以當菜食。唯一撈番啲價值係個湯底，有陣豆乳奶香，亦有種墨魚汁鮮味，當湯飲亦唔會鹹到上喉嚨頂。

住咗葵芳咁耐都冇食過呢一間拉麵，但係平時見到好多人，今次同朋友一齊諗住打算試吓，點知極為失望四個人都覺得味精非常重，不停飲水都唔夠解渴，味精重又不好吃，失望失望失望。

葵芳｜俺流塩らーめん🍜平時夜晚都好多人排隊，難得晏就唔洗等就入去試下🤪🍜拉麵種類都幾多元化，芝士辛辣、墨汁、柚子、紫蘇梅子、蛤利濃湯etc.🧂餐桌上有 黑蒜油、柚子、梅子，三款醬汁～————————————————————————- 湯底重肉味，唔會好清好水🤤👍🏻👍🏻- 幼麵 (硬度普通)- 叉燒有少少厚度，但煮唔夠淋仲有啲硬🥲- 好多京蔥，同少少柚子皮～玉子 = 溫泉蛋大板燒 = 汁 + 木魚碎唔會唔好食，只可以話同想像中有出入囉🥹🔺有加一服務費整體而言▪️味道4 / 5▪️環境 3.5 / 5▪️抵食 4 / 5📍葵芳葵興路223號新都會廣場1樓117號鋪