俺流塩らーめん (新都會廣場)

營業中

休息中

黑蒜油熟成濃湯拉麵份量比x蘭更少 肉得一塊 係細塊湯底一般辛辣熟成濃湯拉麵無辣味 味精湯底肉質係普通 但得一塊加咗粒蛋 正常無特別唔會再食 仲有更多更好嘅選擇完全唔值得排隊食

天氣凍咗，好想食熱嘅野同朋友行完葵涌廣場好想食拉麵🍜就試吓呢間拉麵店黑蒜油拉麵🍜湯底香濃嘅黑蒜味叉燒份量有啲少得一塊但味道不錯，拉麵麵質都OK另外嗌多咗個糖心蛋同埋烏龍茶買單$125 價錢都OK但係食一次就夠

今日同朋友去左葵廣行街，行到攰攰地就過番黎新都會食dinner。我地搭緊電梯落黎既時候聞到好香既拉麵味，覺得好吸引，就諗住試下。好彩我地都算早到，未係好多人，等左十零分鐘就有枱。我地食飽走既時候，見到已經大排長龍，好多人等緊枱。- - - - - -<俺流熟成濃湯拉麵><辛辣熟成濃湯拉麵>拉都既湯底都幾濃郁。而舊係厚切既，食落都幾淋又唔會太膩。不過可能搭電梯既時候聞到咁香，對啲拉麵太大期望啦，食完覺得其實都無乜特別

今次為大家介紹埸這間葵芳是機緣巧合之下前往的，在附近工作完又不想到葵廣企着吃午膳，誰不知到了新都會廣場，卻十分多人在等不同餐廳，眼看這間排隊人數較少，就等了5分鐘進去。日本當地也有這間拉麵，絕對是過江龍。這間的圖文都十分吻合，跟餐牌很貼近不是一般圖片只供參考。我選了俺流男盛拉麵$89，吃拉麵一般怕麵較硬，有炸雞及叉燒👍🏻炸雞十分香口，炸粉不會過多，這間拉麵舖更是全隻溏心蛋，而不是半隻，所以吃起來非常滋味，還有叉燒也算是厚切的吃起來不算油膩，整體而言不錯。朋友選的俺流柚子拉麵，送上來已經柚子味撲鼻清香，令人倍感食慾，賣相相對就少了一些顏色，不過湯底不錯。份量比男盛少但只需$73午飯時間飲品沒有加配略嫌失色。

新都會廣場其實食店都有好多，有好多選擇，今次想試拉麵，係電梯底有間都好唔錯，等位都快。今次點了一碗豚肉合盛拉麵，肉份量超多，有兩大塊厚切叉燒、一大件燒豬腩肉、幾片薄豚肉；又有一隻玉子、菠菜。其實成碗拉麵才料好豐富，加上麵嘅份量都好足，所以都食唔哂！而白湯底都係好濃嘅豬骨湯，幸好唔算太油膩。加上其實台面仲有3款醬料比客人加，有黑蒜醬、柚子醬等，個人都係食得濃味，所以都加左黑蒜醬，一開蓋已經好濃蒜香味，加左入湯底都令個豬骨湯味昇華!

昨天一家四口去新都會廣場行街，太太及女兒表示希望食拉麵，上openrice搵到呢間，咁順理成章就喺呢間食啦。我哋四人各點了熟成拉麵，辛辣熟成拉麵和兩個豚肉拉麵！上菜後，我和女兒發現豚角發酸變質，廚房竟然矇然不知！雖然反映後，場內有位待應表示可換俾我哋，但我哋都婉拒了。食後四人全肚痛，三人肚痾，其中一個係6歲小朋友！即係唔關豚角事，係四碗麵都有問題。場內空氣極不流通，食到大汗淋漓。以後都咪攪，莫講話新都會廣場呢間，其他分店都唔會再去。

今日小編喺葵涌商場嗰度行街，行行吓覺得攰就開始搵晚餐食啦，葵涌商場入邊嘅選擇並唔多，所以就行咗去對面嘅新都會廣場。新都會廣場其實有好多唔同嘅美食，點解小編會揀呢一間食，原因就係呢一間唔需要排好耐嘅隊，人流去得快一啲。由於係晚市嘅情況，所以小編都大概等咗半小時左右，一日到咗就開始自行點餐，點餐後大概10分鐘左右拉麵就到啦，小編今次揀咗鮮味蛤蜊濃湯拉麵同埋黑蒜油熟成濃湯拉麵。兩個拉麵來講嘅話我覺得黑蒜油熟成濃湯拉麵會較為惹味，相反蛤蜊濃湯拉麵就比較淡一點，而蛤蜊既份量都多既。不過我覺得呢間店既拉麵都無俾到我一個好surprises 既感覺，所以下次未必會再食。

Hello 大家好，又係我地Hkfunlife小編分享餐廳既時間啦 今日下晏想食拉麵，見到呢間店好似長期坐爆，好奇之下就決定入去試下！呢間拉麵店位於葵芳興芳路223號新都會廣場1樓117號舖，叫俺流塩らーめん。店鋪位於電梯下面，所以坐位會比較散亂，但算闊落光猛。我地到達餐廳後，係門外量度體溫，等10分鐘左右便入座嚕。埋到枱見到枱面清潔、無任何污漬，衛生情況令人滿意。坐低之後，店員提供餐牌，大型嘅餐牌，方便客人點餸及追加。我地好快揀好拉麵就點餐了。今次我地就叫左呢個辛辣熟成濃湯拉麵試下，湯底幾好味，辣度適中，所以就算唔太食得辣既朋友都可以試下。

每次到這間食店都見到門口大排長龍，但我就冇諗過去食因為食店位於商場扶手電梯樓下，由於疫情關係，感覺沒有那麼安全和衛生。但由於今日有人想食拉麵，終於的起心肝試一試，其中一個叫咗人氣之選‘俺流鹽湯拉麵’🍜，麵的軟硬度選了‘適中’，食後軟硬度果然適中，湯底濃度剛剛好，有點像其他日本出名麵舘的味道；另一個就揀唐揚炸雞飯🍲，🐔雞炸得脆卜卜，醬汁剛剛好，最難得係價錢優惠，請參考登出的餐牌價錢，加上食物質素不錯，就明白點解咁多人排隊啦！

見咁多人排隊就嚟試吓，中晒伏。個menu 唔解釋係咩黎既，邊會知咩係熟成咩係男盛，英文又係日文黎，睇唔明要特登問。😓😓😓😓😓😓😓😓😓😓叫咗 俺流男盛熟成拉麵舊炸雞塊皮淋嘅，入面仲粉粉地生嘅，食入口又冇味嘅。粒溏心蛋就變咗做流心蛋，又係生嘅，流晒入個湯到，條菜就青嘅，又污染咗個湯。另一碗 黑蒜油熟成濃湯拉麵碗湯上枱係冇黑蒜油，叫黑蒜油冇黑蒜油，要叫佢加返，加完之後個湯就就得個咸字，味道又無層次。

見啲間拉麵店甘多人排隊，一心嘗試食下睇下有幾好味點知真係好驚喜……但只係失望個種驚喜…..成碗拉麵白雪雪，有啲圖文不符🙂Never mind …食左先講….點知.豚肉盛盒拉麵🍜 - 拉麵有鹼水味，已經扣哂分…..豚肉一啲軟林，一啲口感偏硬😅個湯都有少少豬骨湯味….俺流男盛拉麵🍜 - 基本上同豚肉盛盒拉麵無異，唯一有驚喜嘅係雞肉味道都可以，口感ok🙂.雖然拉麵店係商場，但店內位置唔通風，成餐飯都算係焗住甘食🙃如果想試啲間拉麵店嘅朋友仔，建議坐近外邊位置比較好🙂

Looking for a ramen place in Kwai Chung? Check out Oreryu Shio-Ramen! Located in the hearts of the Metroplaza, this might be the only available ramen place in the mall 🙈 Personally, I thought the soup base was quite salty but I love the consistency of the noodles. Also, comes in the a great portion for its price so it’s nice place to go if your craving for some ramen and is around the area ☺️🍜

今日吾想去葵廣掃街想坐定定食野，就去新都會廣場發掘美食，見到電梯底位置開左日本🇯🇵拉麵🍜店而有頗長的人龍咁就諗「好野係要等」咁就去試下。等左大約十分鐘到都有位，呢個有10多款拉麵可選，配合不同湯底及配料，而且有得簡麵的軟硬度、有冇蔥同埋有冇筍。我叫咗俺流芝士辛辣濃湯拉麵🍜，食拉麵最緊要個湯底，飲落好重蒜香🧄味，因為有大量香脆帶點焦香的蒜片，飲落吾會好咸，反而落左芝士粉，粉遇到湯變左一堆芝士，有點點拉絲效果，豚肉味道不錯，有咬口，入口軟糯，濃頭整體不算濃，可以更濃，玉子流心蛋就正常質素。追加明太子芝士餃子🥟（HKD 39)六舊餃子🥟變左一團，夾起黎黐住晒，一堆明太子放上餃子🥟表面，同半溶芝士成一團，外表不討好，食落就無咩特別，普通菜肉餃咁。總結：好平凡的拉麵🍜 可以不試

難得晚市無人排就去試下！揀左個豬骨雞骨煲成既湯底。蔥同荀可選要唔要。麵身我揀左普通。湯真係好濃！但未算油到入唔到口！飲完都唔會口乾，唔算好咸。麵身普通但偏硬，味道唔錯！份量都多！食唔晒一碗麵。我個碗就左一塊比較厚同肥嘅叉燒，另加就$13一片喇，不過叉燒無咩特別！係夠淋嘅但就唔夠入味！蔥，荀同菠菜比好多！唔驚無咩配料食～另外仲點個大阪燒餃子，就係煎餃加啲大阪燒醬，可以唔洗試～無咩驚喜。餃子皮同餡都係普通味。

⁑📌 俺流塩らーめん葵芳興芳路223號新都會廣場1樓117號舖•雖然呢一間主打係拉麵，冇咩人留意佢嘅飯🍚但係其實佢啲飯都好出色架😚比起拉麵嚟講，亦都係一個更實惠嘅選擇！•俺流叉燒飯💰45呢碗飯有兩種燒叉燒，第一種就係經常喺拉麵見到圓形嗰隻，而另一款呢就係切到細細粒好似燒腩仔咁嘅。兩款都係新鮮燒好嘅，面頭有焦香，仲有啲脆邊添😳而叉燒嘅脂肪，燒到入口即溶，啲油香味會持續係口腔徘徊😈你可能會擔心啲叉燒咁肥會唔會好快膩㗎👀？唔會！🙋🏻‍♀️因為佢碗飯仲搭配咗生嘅大蒜、蔥，同埋有少少脆口嘅辣蝦米醬添🦐，冇咁漏。呢個配搭亦都好和諧，因為佢哋各自嘅味道適中，唔會有一個搶晒戲，所以呢一碗飯我係大推嘅👍🏽 哈哈，不過因為啲蔥同蒜，食完個口會有少少臭😂🎏推薦指數: 9.5/10•唐揚炸雞飯💰45炸雞嚟講🍗，我覺得十分不錯。首先，佢嘅分量十足，雖然得三至四舊炸雞，但係佢啲炸雞係大嚿都足以遮住成碗飯😲第二，炸雞炸得非常香脆，調味亦都好足，同沙律醬好match!😋 呢碗飯同樣都有搭配到大蒜、蔥同埋辣嘅蝦米醬，不過，唯一失色嘅地方係啲炸雞實在太重口味啦，食完會好想飲水🚰🎏推薦指數: 8/10•🧮有加一服務費哦