果子｜海南雞飯·喇沙摻摻 外賣專門店

營業中

休息中

在奧運站放工，肚子餓想起附近有間外賣海南雞很有名，於是慕名而去。去到已經有不少人叫外賣，見到店名打正旗號叫見海南雞和喇沙摻摻，毫無懸念毫就點了海南雞和喇沙，還點了小食和湯。無骨海南走地雞飯- 海南雞一定要配油飯的，雞滑份量不少，有基本三款醬點，油飯軟硬適中，粒粒分明爽口，果然冇選錯帆立貝喇沙摻摻- 湯底超濃郁，油麵米粉份量十足，除左帆立貝，仲有蜆、魚蛋、豆卜、雞蛋，餸之豐富幾乎與摻摻一樣多。香辣魚餅，馬鈴薯炸蝦- 魚餅唔算好辣，味道惹味- 炸蝦香脆彈牙，私心推介冬瓜雞湯- 清甜不口乾，好飲整體味道意料之外，價錢很高，外賣等候10分鐘內，很有效率。推薦

緣分... 原來呢啲就係緣份！海南雞飯三隻字並唔簡單首先，係雞既層次上面滑！ 佢係我食過海南雞飯之中對最滑舊雞一放入口，直接由喉嚨sir入大腸!但雞味唔夠濃，依度差dd其次，飯方面油飯乾左少少！😮‍💨同少左少少香味，建議可以加少少蒜落去飯度煲，但整體唔錯～最後講返個湯海南雞飯個湯絕對唔可以係普通例湯😤依度個湯冇令我失望，仲有dd小清新👯‍♂️佢加咗薏米🤏總結，呢度嘅海南雞飯40蚊質素黎講我會話佢係全港 top 4最後想問大家海南雞飯係咪喺海南島發明？

朋友介喺喺奧海城附近呢間外賣店好得😀今日夾岩時間就去買兩個外賣番屋企慢慢嘆😄😄去到見到食物好抵食，買埋$30餐券，為起三十幾蚊就有一個主食，仲有麵有飯揀，真係超級抵食😄😄 最衰我唔係成日去奧運呢頭，如果唔係我都會考慮買套票呀🫠🫠我今日就咁買兩個套餐食😀😀揀咗一個咖哩牛坑腩飯和一個海南雞喇沙摻摻，仲加多兩個小食，分別係香辣魚餅和沙嗲牛肉串燒。咖哩牛坑腩飯- 賣相好得😁😁😁 色香味俱全😆 咖哩味濃，牛坑腩脂肪和肉份量比利佳！一個字- 正！😊😊海南雞喇沙摻摻- 店名有海南雞，既然主打海南雞，就叫咗個海南雞喇沙摻摻試試🙂🙂 店主好用心！湯和麵條分開放，番到屋企都無浸淋！ 喇沙湯底味道正宗，又唔會太口渴☺️岩哂我口味呀😆😆😆香辣魚餅- 有兩件，燒得岩岩好！配埋甜酸醬無得挑剔🤭🤭沙嗲牛肉串燒- 都係有兩串，同朋友一人一串剛剛好，🤓🤓肉質唔錯！唔會太肥太瘦搞到太鞋🤣🤣果子｜海南雞飯·喇沙摻摻 外賣專門店 (大角咀)大角咀海庭道16號富榮花園二期4座地下E號

今日個friend經過富榮花園，見到一間專賣海.南雞飯及喇沙嘅專門店，佢知我鐘意食喇沙😍，見又未試過呢間店，專登買個lunch返屋企試下。香煎豬頸肉飯 $43.-豬頸肉份量多，煎得焦香，肉味香又帶油香，加上一隻煎蛋及蔥油，簡簡單單嘅配搭，就已經好好食。帆立貝喇沙慘慘 $65.-喇沙湯底味道香濃，椰香味偏重又夠辣，材料有帆立貝、蜆、魚蛋、豆卜及半隻熟蛋，食帆立貝大粒厚身，蜆無沙帶鮮味，魚蛋爽口彈牙，油麵及米粉煮得啱啱好，全部食材吸收湯汁後，食起上嚟更加鮮香味美。馬鈴薯炸蝦卷 (2件) $16.-外層炸得麵條香脆，裡面包在薯蓉及蝦，外脆內軟又帶蝦味。香辣魚餅 (2件) $12.-魚餅質感彈牙，香香辣辣非常惹味。街坊小店，街坊價錢，估唔到食物質素咁好，值得一試😋。

大角嘴簡直係一個比較親民的美食天堂，選擇多又唔貴～係附近返工真係好多選擇～今晚放學買外賣返屋企同老公食，見到果子店價錢幾親民～而且店鋪仲有推出優惠卡，今時今日你係比較罕有，值得一讚👍店舖生推馬來西亞菜式，海南雞，喇吵摻摻～海南雞係冇骨，選用文昌雞，雞味唔錯，肉質滑～性價比高😆香茅豬扒喇吵摻慘，好正宗，有驚喜😃麵底由油麵同米粉組成～材料豐富，配菜有豆卜，白魚蛋，芽菜😃味道唔錯，喇沙湯底香濃，唔會太辣😁買主菜之餘仲可以優惠價加小食，可以試多啲野😃

大角嘴果子係一個好受歡迎嘅外賣店攤位，呢度嘅食物質素好，價錢相對平實，今日叫左2個主食同小食。海南雞飯係呢度嘅招牌菜式，雞肉滑嫩，而且好多舊。佢仲送左個雞湯，湯味道剛剛好，飲落無味精感。油飯調味適中，粒粒分明，配埋佢送嘅3款醬汁，好食！個人最鍾意撈泰式酸辣汁仲有海鮮喇沙摻摻，啲海鮮鮮甜好味，湯底亦都好香濃，除左蝦，clam仲有魚蛋，雞蛋。摻摻係油麵同米粉mix埋，吸曬d喇沙湯勁惹味，唔會過鹹或者好似平時d湯咁死甜。佢椰奶都落得相對比較少，適合我呢d鍾意食得健康d嘅人去食！沙爹豬串燒同酸辣鳳爪都好出色，沙爹醬汁香濃，鳳爪肉質鮮嫩，醬汁酸辣開胃，有6隻。除咗呢啲菜式之外，大角嘴果子仲有好多唔同嘅小食選擇，例如蝦餅、炸春卷等等。

呢間果子外賣店位於大角咀海達邨附近，相信平日都有唔少中學或者大專學生幫襯。海南雞飯單買都係40，相當抵食。呢日12:30嚟到，等咗大約10分鐘就拎得。今次試咗佢嘅一人套餐分別有海南雞飯、春卷、生菜同埋一碗冬瓜湯。海南雞都幾滑，雞皮亦唔會好多毛。油雞偏乾，仲適合鍾意食硬飯嘅朋友冬瓜湯加入薏米煮，味道有層次亦消暑。春卷咬落鬆脆，層皮唔會太厚，甜酸醬正常。生菜份量都幾多。見到佢有一張折扣咭，買咗之後每次點餐都會有相應折扣，熟客可以考慮。

質素意外地高，這家在大埔有開店的果子海南雞專門店，外賣🥡專營，價格非常便宜！店長服務超友善，主動為我介紹那款食品推介😋點了兩款主食海南雞叻沙摻摻$60海南雞意外地嫩滑又無骨，叻沙摻摻非常正宗，椰汁🥥超濃，creamy又香甜，輕輕的辣味，好吃！鹹味不會太濃郁，口味偏甜，不會口渴碟豆花飯 三餸$63串燒（豬肉）香煎雞扒 咖哩牛坑腩超炫目的碟豆花飯帶著淡淡的椰香，三餸味道均非常濃郁當中咖哩牛坑腩非常稔軟，入口即化香煎雞扒肉量夠串燒（豬肉）非常惹味超抵食的！森巴通菜+$20通菜份量不少，口味不會油膩，也不會太鹹， 走比較健康的路線，對家庭客來說，不俗呀細碗肉骨茶+$12份量不大但足料，淡淡的藥材香，鹹味不出，不會口渴

第一次用OpenRice app 落單，快靚正👍🏼。外賣店-份量夠☺️我點左香茅豬扒撈麵+白雲酸辣鳳爪。特別想讚下份小食，我唔食得辣，但係都覺得白雲酸辣鳳爪唔錯，因為它的甜酸度適中唔，只有少少辣。我很喜歡😘

今日去左朋友屋企玩要叫外賣食，咁岩近期都比較想食番啲東南亞風味嘅野，就揀咗呢一間果子|海南雞飯•喇沙摻摻。其實最主要係見到佢個藍蝶花椰漿飯嘅顏色而吸引左。我係叫自選三餸再加藍蝶花椰漿飯，呢一個飯同普通嘅飯嘅味道有所不同，滲透著淡淡的椰漿味，單獨咁食都已經好好味。三餸我分別揀咗鮮蝦，炸雞同牛肉串燒。而我最鍾意食係佢嘅牛肉串燒，佢個牛肉燒到岩岩好彈牙嘅口感再加埋個沙爹醬，勁入味，超惹味。啲朋友叫嘅海鮮喇沙摻摻，喇沙湯底嘅味道一流，唔會好油膩，味道濃郁加埋摻摻面底都好好食。加上你一間外賣嘅價錢都好合理，食物嘅份量都足夠，非常值得推薦。

呢間價錢親民嘅外賣店係海南雞飯同摻摻麵嘅專門店😌😌小編同朋友一人各試一款主食+小食，必叫無骨海南雞飯+沙嗲雞肉串燒同叫左香煎豬頸肉喇沙摻摻麵+白雲酸辣鳳爪由叫餐到拎得都只係5至10分鐘嘅事，快到可以係舖頭望一望格仔舖賣嘅小朋友野～無骨海南雞飯+沙嗲雞肉串燒雞肉唔係好肥 但食落又唔鞋 係個飯乾身左少少 如果可以油身啲啲就會好啲😎😎沙嗲雞肉串燒肉質岩岩好 個沙嗲醬汁食到細細粒花生粒 唔會太咸👍👍摻摻係指油麵加米粉，第一次食 兩款麵一齊食好特別 粗幼度唔同 所以個飽肚感好似double up左咁🤣🤣豬頸肉煎得岩岩好～唔會乾身 仲可以食到有少少油香味😆😆湯底仲會有兩粒魚蛋 豆卜嘅配菜～完全吸哂喇沙嘅味道🤩🤩白雲酸辣鳳爪係出色嘅 酸辣味有種家鄉菜味 唔會偏重於太酸或太辣 而且細細一兜都6隻性價比黎講呢間真係唔錯👍🥰

今日收工經開大角嘴，決定買晚餐番去食，呢間外賣店係大角咀，買左2人份既野食😎招牌無骨海南雞飯，真係一級好食！雞肉好滑好嫩，啲飯又香又軟，醬汁仲好正，真係一啖就鍾意！紅棗花膠雞湯都幾唔錯，花膠滑同爽口，湯都有紅棗既清甜，而且湯裏面有幾隻雞腳喇沙喺香港嘅餐廳中已經好普遍啦，但呢間外賣店嘅叻沙真係幾好！醬汁濃郁，辣椒同埋椰漿嘅味道平衡，唔會太濃又唔會太淡。沙爹醬汁仲加咗啲香料，令啲味道更加豐富。三巴通菜，葉幾脆，啲味道同埋口感都好豐富。三巴醬汁令啲味道更加香辣，口感更加豐富。通菜同啲三巴醬汁嘅配搭不錯，令人一試難忘！總括嚟講，果子外賣店真係不錯，嘢食好味又平，值得一試！

同屋企人行行下街，經過見到呢間外賣店，人龍好長好似好吸引咁，去排隊試下。價錢唔貴，好啱朋友仔經過去試。慢煮咖喱牛坑腩飯$50:飯量很多，完全足夠一個大食的朋友食。牛坑腩起碼有四塊，配埋咖喱汁的味道好適合香港人的口味，但牛坑腩比較煙靭，如果可以煮得更淋就perfect🍽️🤤🤤香煎豬頸肉湯米$44:豬頸肉的味道比想像中麻麻，如果可以煎耐少少，味道以及口感會更加正，個米粉比較碎，需要配合匙羹，不建議選擇呢個湯米小食方面：沙嗲豬肉串燒（2串）$20:沙嗲汁好好食，夠晒沙嗲味，豬亦都唔會太淋或者太硬，軟硬程度剛剛好！ 配合埋豬肉簡直一流，冇得頂！🔥🔥🔥沙嗲雞肉串燒（2串）$20:同樣沙嗲汁一流，雞肉同樣冇得彈！個人建議可以試試無骨海南雞飯，排隊時見到有好多人都揀，亦可以建議試試牛坑腩飯，但香煎豬頸肉湯米就不會再試～🔥推薦指數： 8/10🔥🔥🔥🔥

放工要買外賣返屋企食今日去開大角咀見佢門口個餐牌都幾吸引😃就try try二人份量👧🏻👦🏻⭐️果子無骨海南雞飯無骨真係超好，食落好方便，配埋三色醬，味道唔錯，份量足夠，我最鍾意薑個果醬，配海南雞一流🥳⭐️香煎豬頸肉喇沙滲滲佢好特別，係有兩個面底，分別係米粉同麵，喇沙味好出，開頭好驚好辣，但係辣味恰到好處😊豬頸肉好食，煙煙韌韌⭐️森巴通菜份量比我想像中多，果醬好入味，食完喇沙，再食通菜，個感覺都幾match😆⭐️紅棗百合杞子花膠雞湯真係堅有花膠，仲要係有幾嚿，超有誠意，個湯好入味😋，堅係老火湯，飲完個湯仲有啲雞肉可以食⭐️飲品罐裝焦糖拉茶，喺香港好少見呢個牌子，好好飲， 甜甜地，個人幾鍾意呢個口味😍見佢仲有咖啡口味，下次試下依餐堅滿足$150有咁多嘢食真係要多啲支持小店❤️店員好好禮貌等外賣嘅時間都好快唔使10分鐘值得再encore 🙆🏻‍♀️

這家外賣店提供多款美食，比附近商場性價比高很多🤩有一湯一飯的套餐😋紅棗百合杞子花膠雞湯材料很豐富，有三四件無骨雞件，就算煲了湯肉質還很嫩，另外還有杞子、百合和花膠，真材實料，飲落很滋補🥰🥰果子無骨海南雞飯雞肉有約7、8塊，夠嫩滑，配搭香噴噴又飽滿的油雞飯，惹味😋香煎豬頸肉湯米豬頸肉煎得微微焦香，配搭魚蛋和豆卜，米粉吸索了湯汁夠入味😛南乳雞翼南乳醬汁味道濃郁，配上炸至金黃的雞翼，口感極佳，很開胃的小食