果子｜海南雞飯·喇沙摻摻 外賣專門店

營業中

休息中

今日去左位於富榮花園既果子，係一間專做喇沙既外賣店。 今次就叫咗兩個餐，分別係湯水套餐同喇沙餐。湯水套餐就有紅棗百合杞子花膠雞湯併無骨海南雞飯。海南雞就幾嫩滑，再加埋醬料都幾開胃。油飯飯粒分明，唔會痴埋一舊。至於花膠雞湯就非常出色。首先份量都幾多下，我估有2-3碗咁多，亦非常足料，有豬骨、花膠同雞腳。豬骨就幾入味，同埋煮到幾淋下。湯底因為加左杞子同紅棗，所以都甜甜地，又唔會太膩，好岩打工仔lunch time飲補一補身體。最緊要湯唔係味精湯，唔會飲到好渴。 至於喇沙套餐都有不少選擇，麵就統一係摻摻，主食可以係牛、豬扒、海鮮、帆立貝等等，再送小食或者加$4有串燒。而我就叫左帆立貝摻摻拼沙嗲牛肉串燒。摻摻份量都幾多下，除左有帆立貝之外，亦有蜆。帆立具大大粒鮮甜有口感；蜆就無沙。加埋湯底唔算太辣，食落唔完heavy。串燒沙嗲醬就幾香沙嗲味，惹味之餘，又唔會好似出面既沙嗲咁油膩，值得加$4選購

今日去開大角咀，咁啱見到有果子外賣店，仲有有湯水可以外賣，即刻去幫襯下😆今日叫左1湯水1飯套餐，盛惠$86。無骨海南雞飯，雞肉嫩滑，配埋三隻醬料好送飯🤣呢個餐仲有紅棗百合杞子花膠雞湯，非常足料同濃郁，有成幾件雞、兩隻雞腳同大大件花膠👍🏼👍🏼啱曬鐘意飲湯嘅我😋今日追加多兩串沙嗲雞肉串，$20兩串真係好抵食無骨白雲酸辣鳳爪$16，有成6隻大鳳爪，酸酸辣辣好開胃。果子真係性價比高，👍🏼價錢平民化，但係質素高，又十分足料😋😋

其實我都頗喜歡吃海南雞飯，來到這間果子專做外賣的店，喜歡海南雞配以各種調味料，味道多變，讓人一試難忘。雞肉份量都算蠻多的，配上油飯的油香，非常香口。油飯不會太乾，帶點水份濕潤，配上醬汁，令人更開胃。另外還點了一個豬頸肉撈油麵，豬頸肉調味恰到好處，煎香後非常好吃，還加了豆卜和青瓜絲，不會油膩，油麵爽身，沒煮過頭之後還點了兩款小食，一個是馬鈴薯炸蝦，一個是沙嗲串燒，沙嗲味非常香濃，淡淡花生沙嗲醬，真的好吃😋

屋企人呢排去旅行，自己一個冇飯開，成日買外賣，朋友介紹我食呢間「果子海南雞飯喇沙摻摻」佢話好足料，同埋成日都有新款式，值得試下喎～😝店員好熱情款待，會介紹最新餐單一於試下佢介紹既「紅棗百合杞子花膠雞湯」配「果子無骨海南雞飯」 一湯一飯，加埋都係$86好抵丫！紅棗百合杞子花膠雞湯係超足料有三舊勁入味既花膠同兩氣雞腳，配合埋紅棗同埋杞子，成碗湯超滋補，超正🧡果子無骨海南雞飯個黃飯好香，海南雞都好滑，相信係呢間店既招牌菜式😋另外再叫左個帆立貝喇沙摻摻 ($65)麵同湯分開上，夠細心一碗有晒麵同米粉，口感豐富開頭擔心叫帆立貝既外賣，拎到屋企凍左會唔好食，但居然都仲好軟，唔會老到咬唔開好有驚喜呢😝最後再加左個香煎豬頸肉 ($28)估唔到呢個價錢可以食到咁大份豬頸肉同埋係好Juicy！油脂好正🥳食左買四樣野，四樣都比想像中有驚喜，好值得encore 的外賣店呢！💓

朋友住喺大角嘴，聽佢講有間抵食嘅新加坡/馬來西亞菜的食店，但只有外賣。今日我專登走去試吓先，雖然只有外賣，但食物種類有好多，麵類不單止有喇沙，仲有湯麵同撈麵。飯就諗到既都有，海南雞、肉骨茶、牛腩、雞扒、南乳雞翼、香茅豬扒……我就揀咗朋友推介嘅海鮮喇沙摻摻、南乳雞翼拼香茅豬扒飯、小食就有香煎豬頸肉、雞肉串燒。海鮮喇沙摻摻用料十足，材料有蝦、魚蛋、蜆肉、豆卜、芽菜、油麵加米粉，喇沙湯底有香濃椰奶味，帶少少辣味，十分之香口，值得一讚係店員將湯、麵和餸分開放，d麵就唔怕會浸淋。南乳雞冀拼香茅豬扒飯，飯面仲有一隻煎蛋，豬扒肉質鮮嫩👍🏻，雞肉串燒配沙爹醬，非常之惹味。總括來說，以親民價錢就可以食到有質素嘅食物，真係抵👍🏻

週末同朋友做街童，路經呢間專門外賣既店，被門口喇沙poster吸引左。於是決定一試了海鮮喇沙摻摻$54呢碗摻摻性價比唔錯，湯底惹味，唔會太辣，同埋有啖啖椰香～沙嗲牛肉串燒（$20/兩串）呢款我最鍾意，牛肉肉質易咬，沙嗲醬份量一足，有好多花生粒粒係醬入面，咬落同牛肉好夾呀果子海南雞油飯跟雞湯$40飯可選白飯或油飯，不過食得海南雞，咁當然要食油飯啦！呢個飯性價比好高，仲會配埋雞湯架😀雞肉肉味鮮、同埋雞皮入口唔會油膩、搭飯真係好一流👍🏻咖哩油酥餅（$24/8塊）呢個又係性價比好高既小食呀！咖哩汁唔辣，係甜甜的味道，油酥餅唔會過油，咬落唔會油膩但又食到有層次架，配埋甜甜咖哩汁好好味，就算我地食左摻摻同海南雞飯都仲食得哂呀！份量亦剛好，兩啖就食哂一塊😆呢間外賣店真係性價比好高，推薦👍🏻👏🏻

Happy Friday 揍完仔放學回家途中，懶人指數爆燈，靈機一觸買外賣回家開餐，於是就在富榮花園(果子) 買外賣，這裏食物款式種類很多，價錢也大眾化，店舖裝潢乾淨企理，主要做外賣生意。溫馨提示長者及學生有九折優惠🔯海鮮喇沙-摻摻~有大隻海蝦，蜆肉，雞蛋，荳卜和魚香味魚蛋，有兩款麵(油麵/米粉)口感爽口軟綿，喇沙湯底濃郁帶椰香味，有少少微辣非常惹味🔯果子海南雞飯跟冬瓜雞湯~海南雞皮薄肉嫩，肉質鮮嫩有獨特的雞香味，油飯粒粒分明帶點有油亮感，入口油而不膩🔯 香煎豬頸肉~頸肉呈現金黃色好吸引，肉質爽滑彈牙，不會太油膩🔯沙爹牛肉串燒~牛肉嫩滑配入濃郁沙爹醬很惹味😋😋

📍果子外賣店　海南雞飯喇沙摻摻親民外賣之選！懶人必食！周末放假唔想煮飯，二話不說叫外賣😀果子無骨海南雞飯皮爽肉嫩不特止，食落口唔會成口油淋淋；三色醬都好夾飯雞👍🏻🐓香煎雞扒喇沙摻摻塊雞扒大大塊又厚肉！性價比勁高！最欣賞嘅地方莫過於個喇沙湯底，超級惹味又唔會辣到嗆口，同時亦都唔會好鹹。而右面加米粉嘅配搭，亦都幾新奇得意，一次過試咗兩種唔同嘅口感。🐟香辣魚餅魚餅煙韌彈牙，配埋泰式甜酸醬冇得彈 ！魚餅入邊嘅香蔥超級香，味道幾有層次！🦑粟米墨魚餅墨魚餅就更加彈牙，咬落去仲會有粟米粒，口感豐富！

星期日唔想自己煮，買外賣就最方便，呢間位於奧運站附近既星馬外賣小店，款式多樣化，即叫即整。食物方面：慢煮咖哩牛坑腩飯：以慢煮方式烹調，牛坑腩及薯仔炆得特別腍同入味；咖哩很香濃、辣度適中。海南雞喇沙-摻摻：星馬菜又點少得海南雞，啖啖雞肉好嫩滑，仲去晒骨，配埋甜豉油、薑蓉和白醋，令味道更上一層樓。喇沙個汁面層有橙黃辣油，椰香味重，豆卜同魚蛋吸收晒個汁既精華，仲有半隻烚蛋，夠晒飽肚。呢度既摻摻係混合左油麵和米粉，好正宗。小店仲好貼心將湯同麵分開上，抵讚。沙嗲牛肉串燒：燒得恰到好處，牛肉有咬口，沙嗲醬好惹味，仲有淡淡花生醬香氣。白雲酸辣鳳爪：無骨、口感爽脆，酸酸辣辣，好食到唔停得口。總結，食物美味，效率高，價錢合理，下次經過都會再幫襯。

大角咀都不失為一個隱世美食深藏地方簡唔中就會搵到唔錯既小店果子位於大角咀民居之間，地理位置非常方便街坊街里黎買個外賣果子無骨海南雞飯（油飯） $40滑嫩既海南雞飯有齊三色醬汁，最香係黑醬油👍🏻油飯係香噴噴既香油, 絕對唔係黃薑粉飯跟飯有配冬瓜薏米湯，雞湯味非常濃郁店主應該用左整雞飯既雞殼煲呢個湯雞飯配雞湯好正呀海鮮喇沙摻掺 $54材料豐富既海鮮喇沙摻摻，有好多蜆同大蝦椰汁味較重既喇沙湯底摻摻有米線又有油麵，一次過有兩種感受可惜係大蝦無去腸, 蜆都有沙絲網春卷(2件） $12香辣魚餅（2件）$12位於民居確實係方便，平時黎買個lunch或者收工買個dinner都係又快又簡單又好味大角咀既街坊不防黎試下

新發現屋企附近嘅抵食之選經過成日都覺得啲飯好平 40幾起 啱曬我呢啲懶得煮晚飯嘅懶人🤩食後感：抵食大份 味道都唔錯👍🏻.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆.▪️南乳雞翼拼香茅豬排飯 $45▫️帆立貝喇沙摻摻 $65▪️香辣魚餅 $12▫️沙嗲串燒(牛) $20.雙拼但係香茅豬排有7-8舊+2隻雞翼 份量好足 味道都好入味 唔會好鞋😋.喇沙摻摻配料有3舊帆立貝、3粒魚蛋、豆卜、蜆等 有米粉同油麵 材料豐富 味道香濃.另外沙嗲都好有驚喜 好惹味可口 啲肉大大舊🤤.📍果子｜海南雞飯·喇沙摻摻 外賣專門店🐾大角咀海庭道16號富榮花園二期4座地下E號舖💸$142/2people.❝ ☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎ ❞

呢間叫果子嘅海南雞飯舖，比佢嘅價錢吸引！全日都係40元，晚餐食勁抵，有埋湯，同白飯或油飯選擇，我揀左油雞，海南雞冇骨，而且好嫩滑，好味道，3種醬汁都好好，真係抵食又好味！另外點左香茅豬扒喇沙摻摻，好好食啊！！佢嘅喇沙湯底好好食，摻摻即係油面同米粉，吸晒d汁好食，仲有隻蛋嘅，香茅豬扒好入味，配埋喇沙食一流，雖然呢個比海南雞飯貴，不過都好好食，係用心同，多料嘅！點多份豬頸肉，大大份，配埋酸辣醬，更加惹味！整體滿足，服務都好，感覺又乾淨衛生，價錢最吸引！味道當然都好好，吾錯！！

午餐時間都不停有人黎落order 就知道呢間餐廳唔會令我失望叫咗兩個主食同兩個小食落單到攞餐時間都只不過係大約8分鐘左右 好有效率🥳抵讚👍🏻👍🏻海鮮喇沙摻摻$54叻沙湯底唔係好creamy嗰隻 但都夠椰汁味食食下碗湯都覺得幾辣🤣nice!啲餸就有鮮蝦 硯 魚蛋 豆卜 芽菜 同半隻烚蛋啲蝦食得出係新鮮蝦 所以凍咗就唔好味啦🙈仲保存左正宗嘅喇沙湯麵有粗幼面幾大碗 好飽肚 好正😋👍🏻果子無骨海南雞飯+$5轉油飯要去大大碗油飯 海南雞份量幾多每塊都保證有雞皮🤣 仲配返晒三個海南雞飯嘅醬跟飯仲有個冬瓜湯 個湯好入味 好好飲🥰超抵食👐🏻👍🏻香煎豬頸肉$28呢個價錢買到既小食 本來以為會得好少 估唔到份量又幾多😻👍🏻沙嗲牛肉串燒兩串 $20沙嗲醬幾多料 牛肉幾煙韌如果牛肉味再出 啲就會好啲啦🤣

現在疫情，多了點外賣，今天也不例外。今天在位於旺角富榮花園的小店—-果子買外賣，回家跟老公一起享用。餐牌果子海南雞飯海南雞的份量適中，雞件的質地嫩滑，有雞味。雞皮又不會太肥，沾上特製的海南雞醬汁，很有風味。而油飯亦很香噴噴，這個價錢有這個質素的海南雞飯吃，的確超值。豬頸肉喇沙喇沙湯底味道濃郁，陣陣椰香，配上半油麵和半米粉，口感層次更豐富。豬頸肉亦很新鮮，肉質彈牙，值得推介。酸辣鳳瓜泰式鳳爪夠晒酸辣，很開胃的，又入味，一份有六隻，吃得非常滿足！粟米墨魚餅 墨魚餅煎得很香口，墨魚質地彈牙，亦很新鮮，沒有腥味，配上粒粒粟米粒，令口感層次更豐富，鹹中帶甜。下次可以再encore ！

上星期六上完堂行過大角咀呢間外賣小店，見價錢幾抵咁，又不斷有人叫外賣，所以我都趁熱鬧去買少少野食返🐢做午餐。個飯既送既湯都幾大碗，我怕倒瀉，所以飲左先返🐢 。個湯好夠熱，無死咸，飲完都無中味精毒，不錯。12蚊兩件粟米墨魚餅，賣相不錯，又係熱辣辣。帶到返🐢食，凍左都唔難食，粟米幾清甜，又有粒粒墨魚增加口感。16蚊6件白雲酸辣鳳爪，酸辣度適中，d軟骨夠軟，可以成舊吞落肚。無骨海南文昌雞飯好大盒，夠兩個女仔食，文昌雞雞味真係重d，不過就無一般海南雞咁滑，但都唔算鞋口，只係肉質較結實，無骨食得好方便，啖啖肉。個油飯有淡淡雞油香，但唔會話好油膩。雖然小店不大，但都有幾多選擇，而且效率好高，唔洗10分鐘就有外賣拎。