柏園茶餐廳 (已結業)

住這邊十多年，順其自然地幫襯了很多年，來食的幾乎都是街坊。有時懶得煮，都會和男友來整兩個小菜食，方便又抵食小茶款式超多，總有啱心水，有特價小菜餐也有一般小菜，加8蚊一律變餐，會配埋白飯和例湯。非常喜歡食魚的我，多數蒸返條來食。通常有烏頭，倉魚和鯇魚選擇，今晚揀了豉汁蒸倉魚~也來個京蔥炒牛柳絲好了，偶爾也會想喝啖湯水的我，也點了粟米豆腐魚肚羹來喝。先來的京蔥炒牛柳絲賣相幾好，色彩繽紛，有京蔥，洋蔥，青椒和黄椒同煮，食落好夠味，牛柳絲和三色椒味道好夾。湯羹也非常足料，超多豆腐啖啖魚肚還有滿滿的粟米和蛋花，魚肚又完全唔腥，豆腐多滑，好耐無飲過咁好飲的魚肚羹。倉魚比上次食細條左，不過老實說是上次大誇張大條，今晚其實算正常！魚身飽滿肉質肥美，不過今次有小小蒸過了，以至無上次食的咁滑，不過也還算可以了！不過衛生就有待改善，今晚竟然見到侍應阿姐端上來的筷子有殘菜在，食欲立刻下降了囉還好阿姐也客氣的賠不是並立刻更換了，也遞上水來洗洗。

晚上9點，收到一位朋友電話，問我可否半個鐘後見面有野傾，佢駕車來在佢車傾幾句，我話ok。嚟到，點知話佢未食飯。。。所以帶左佢去附近茶餐廳食。佢就叫左星州炒米，佢話三十幾蚊有碟炒野仲有杯野飲好抵食！佢話我就咁睇住佢食好尷尬，一定要我食，我就叫奶油豬啦。呢度奶油豬係用長法飽唔係出面一個個法包仔咁。喜歡它的練奶是一絲絲的拉在平平的牛油面上，一點都不求其，亂搽一pat pat牛油同練奶，一邊多一邊少一邊無咁！又無烘燶喎！晚上食雖然邪恶，但係食完好滿足喔！

第一次為左太難食的餐廳開post!我嘗試一碗泰式牛腩金邊粉，牛腩除了肥，還是可以的，但那碗金邊粉是我人生食過最難食的，多一啖都再食唔落。老公叫了日式豬排拉麵，不嬲老公對食無咩要求，但佢一食塊豬排，話好似食鞋底一樣，仲有點酸酸的，真想叫廚師試試自己的手勢。我再肚餓都食唔落了，以後不再來。

今天下午剛好經過長沙灣順寧道的柏園茶餐廳，肚子有點餓打算進去吃個下午茶。一坐下就看餐牌點了一個乾炒豬頸肉河粉，不一會兒侍應就拿了一碟黑懵懵的河粉過來，整碟河粉都是黑色一粒粒的鑊灰，豬頸肉咬下去跟豬肉一樣，賣相就像吃剩的食物，就算再餓的我也吃不下一口，只好算自己不好彩埋單走人，去對面的食肆再吃過。😩我從來都沒有寫食評，但不想其他人重蹈覆轍，所以開了個帳號寫下這一生第一次不愉快的經歷。😫

搵食搵到長沙灣，這裏好多住宅，食肆林立，選擇都算十分多，看見此茶餐廳光燦燦，幾多食客，應該不錯吧。第一次幫襯，在餐牌上就亂點了，潮式沙茶牛肉炒芥蘭，薑蔥霸王雞，生炒骨 ，價錢不貴潮式沙茶牛肉炒芥蘭，意想不到好味，有鑊氣，潮式沙茶醬十分濃郁，好好吃。推薦比個讚薑蔥霸王雞，不過不失，雞肉算唔錯 ，味道及製作亦佳，可惜欠缺了些熱騰騰，如果再熱些就好了生炒骨， 算很不錯，豬肉算大小適中，調味幾好但洗碗清潔麻麻，侍應拿碗來時，幾隻碗都有污漬，飯粒洗不清，要換過，大家來試，要睇真下

下晝兩點三，兩口子其實不太餓，但總不能空肚，入柏園去吃 late lunch，處於尷尬時間，午餐套餐供應至兩點半；下午茶餐又要兩點半才可落單!男友先叫D餐兩點半，我再叫下午茶餐；先來中湯『眉豆雞腳豬骨湯』，味道一般！凍檸檬茶，合格水準。凍鴛鴦，味道不過不失。米粉爽口，不會過腍，茄子及炸醬入味；莞茜加紅，青椒伴碟，賣相不俗！愛甜的我，必加糖漿。西多剛炸起，外脆內軟，塗勻牛油及糖漿，口感香滑，軟綿綿，甜絲絲！埋單才$76，都算抵食！

周五的下午，忙裏偷閒，外出吃個下午茶，為自己加加油！柏園的下午茶餐款式選擇多，擺盤精緻，味道不俗。服務方面，人手充足，出餐速度理想。雖然場地甚大，食客者眾，但不算太嘈吵，三五知已同事吃個下午茶，仍是同區明智的選擇！惟一要彈的是，份量比以前細了，感覺三十多元一個茶餐，性價比不算太高！約40元的餐，連飲品，擺盤非常精緻吸引，多士卜卜脆，塗上牛油烘熱再加煙三文魚粒，有點貴婦下午茶的格調！33元的雞髀薯條餐，薯條又粗又長，炸得乾身又香脆，沾茄汁是吃不停口的！雞髀略乾了一點，吃不到雞味是必然的了，可幸滷水汁濃郁搭夠，挽回分數！奶茶份量細了很多，但濃滑可口，好快飲光一杯！總體而言，價錢不便宜，但是一個不俗的選擇，會再光顧！

今日一行6人去食下午茶好耐之前都食過下柏園嫁啦其實不過價錢比同區貴少少所以相對比較少幫襯叫左一個奶油豬餐等左大慨10分鐘到就有都算幾快呀個奶油豬真係幾脆下咁當然就緊係冇翠華果d咁好啦不過咁既價錢尼講都算係咁啦我覺得我本身好鐘意食煉奶所以一食呢個奶油豬既時候就好開心哈哈如果長期都可以keep到水準既都應該會唔錯xd

大熱天時, 冷氣夠唔夠真係好重要, 因為環境都影響進食的心情!而今次和同事來到柏園, 最主要的原因係佢o既冷氣! 至於食物, 味道和一般茶餐廳的水準差不多, 較為欣賞的是餸菜擺放有心思, 不像其他的「亂七八糟」!所以這裡也是一個不錯的選擇!

今天來了柏園吃我的例牌晚餐, 柏園我之前也吃過很多次, 水準算是穩定, 還記得很久前柏園還有日本壽司吃, 不過由於品質過份普通和價錢略貴, 所以現今的柏園已經移除了日本壽司的那一part, 在這兒, 除了有中式的小菜, 粥粉麵飯, 西式的西餐, 牛扒, 豬扒, 雞扒, 還有越式的朦粉, 春卷等等, 算是一間比較多元化的餐廳.今次我在柏園吃了一個北菰班片炒麵我已經在這兒吃過數次這個北菰班片炒麵的了, 水準每次也很好, 所以每次一個人來都比較喜歡叫這個, 所以暫時還未能介紹另一些給大家, 不過我偶爾會和朋友來這兒吃小菜, 曾經試過叫蝦仁炒蛋和黑椒牛肉粉絲煲, 也是值得一讚, 蝦仁很大粒, 沒有蝦米咁細的, 還有粉絲煲的粉絲也很多, 味道也很好.這兒服務也算不錯, 最低限度服務員不會視若無睹, 可能因為老闆每天也在的關係吧, 呵呵~總括來說 : 食物種類多選擇, 食物味道不錯, 坐得也很舒服, 又有電視看, 在這兒家常便飯, 吹水聊天, 是一個不錯的選擇.

早幾年的食物的確普通得很, 近兩年確有明顯改善, 本人推薦椒魚頭, 味道我最鍾意, 是附近食店所無, 價錢雖稍貴, 勝在魚頭新鮮, 配料一流, 值得一試。還有一個石頭飯, 都OK 啦! 奶茶仍然keep 到夠香, 今次抵讚佢

Wholly speaking, it is NICE!The environment is bright enough to see everything clearly, it gives me the feeling of hygene. Seats are big enough and that's why we could sit comfortably for a little bit longer.Regarding the food, there are hundreds of choices. Everytime I sit in, I have to spend at least 10 mins to make up my mind before ordering food. There are different styles of Chinese, western, thai (GOOD!), vietnamese, Japanese, Korean....and othersOther than the standard menu, there are lot

每次去茶餐廳，都會不其然咁叫茶餐或常餐或特餐吃。今次去到柏園見到有撈公仔麵，就即刻放棄了什麼咩餐咩餐，要了什菌牛肉撈公。冇耐，公仔麵就送到，以茶餐廳來說，賣相係好好。什菌只係冬菇絲和磨菇，不過就幾爽口。牛肉亦好淋好好味，醬汁份量都適中。

踢完波四條友食飯,叫四個套飯,有椒鹽魷魚,魚香茄子,腰果肉丁同仿鮑片西蘭花.D"食送"分量較小,四個人每人夾一舊都冇左半碟,而且冇乜鑊氣,碟碟"食送"都係暖o既.味道方面,椒鹽魷魚D魷魚為新鮮貨色,但椒鹽味不足,所以味道比較淡.腰果肉丁唔錯,材料豐富,有紅蘿蔔,西芹,青椒等.魚香茄子亦好足料,鹹魚成分相當多,所以個"食送"比較鹹,而茄子亦吸到D汁,唔錯.仿鮑片西蘭花就比較一般,西蘭花較硬身,仿鮑片不值一談.整體尼講水準一般,始終鑊氣不足,尤如家常小菜.

朋友說這裡食物貴建議我不要去，不過我都是親身試一次看是不是物有所值。見到d價錢的確和附近的店比起來較貴，食物都有好多款，不過都是罐頭款合併而成的食物，所見特色食物都是罐頭，可以叫這做罐頭茶餐廳了...我們來時食的是下午茶，都接近三十元一人，份量又不見多，唔多抵食。煮起的食物不夠熱，來得又慢，我幾位朋友都等了二十多分鐘先有得食，但是都是罐頭食品而已朋友的確講得不錯，這兒不是一個好選擇。