莆田 (PopCorn 2)

營業中

休息中

又到海蠣節，今次係第一次食莆田海蠣節嘅產品，估唔到蠔仔都可以做到咁多菜式 ，今次揀咗好幾款莆田名菜，保持到一向水準👍海蠣節美食經典撈汁海蠣（$128）係海蠣節嘅新菜式，酸辣汁撈海蠣，配頭水紫菜，爽口開胃，酸酸辣辣撈汁加埋蒜味，海蠣食落鮮甜一啲都唔腥，但味道偏辣農家海蠣湯（$128）都係海蠣節新菜式，海蠣煮湯，好多海蠣好滿足，海蠣鮮味一啲都唔腥福建特色海蠣煎（$128）💕海蠣煎係福建名菜，類似煎蠔餅，煎得好香口福州風味紅糟雞（例）（$98）紅糟都係傳統福建名菜，紅糟係釀造紅麴酒的副產品，色澤鮮紅同帶有酒香，紅糟雞上枱時香味撲鼻，雖然係煲仔菜但雞肉仍然嫩滑鐵鍋包菜飯（例）（$118）💕包菜飯係莆田人嘅家常燜飯，配料有包菜、滷肉、蝦米、香菇，非常足料，米飯充滿配料嘅香味，加上鍋底荷葉的味道，非常惹味用鐵鍋裝住，天氣凍嘅時候食非常暖胃

👧🏻😋👅🍽✨蟶子迷必到☺️-🥢 又到莆田哆頭蟶節, 8種食法一次點倆只需$219🤓 百零蚊就有一碟靚蟶子, 仲要做法特別, 份量又多🥢 當然唔少得其他特色福建菜, 成個餐牌都好吸引; 連小食脆脆紫菜同杞子菊花茶都一絲不苟好出色!-🐚 8種吃法 一次點倆 $219💯鐵板鹽焗蟶係連續7年銷量冠軍, 蟶子排排坐打完卡有專人剝殼, 食落啖啖肉, 除左蟶子鮮甜仲有淡淡鹽香💯紅菇蟶湯用熱鍋上, 可以裝滿3-4碗, 仲有肥美蟶子肉; 紅菇可行氣活血, 福建人會用黎做月子餐, 清新爽甜更突出蟶子鮮味-🦆 芋香鴨 $98✨薄薄一層甜甜芋蓉包住鹹香既無骨鴨肉, 外層炸得金黃酥脆, 入口即溶🤤-🐑 白切羊肉 $158💯冷盤羊肉鮮甜唔羶! 羊皮彈牙似燻蹄質感, 肉質唔會太腍有咬口而唔柴, 點酸汁好清新-🍲興化炒米粉 $118✨海鮮配料多過粉😂 有蜆, 蝦, 蟶子, 仲有肉絲, 興化米粉本身輕盈柔軟, 多款配料豐富左口感, 亦增加左鮮甜味道

收工同老公去撐枱腳，莆田係其中一間我百吃不厭嘅餐廳之一，的確從店面裝修到侍應嘅服務均非常滿意，餐廳不時為主菜單添加新菜式，最近亦按季節推出以蟶子製作的時令美食～鐵板鹽焗蟶子將新鮮飽滿嘅蟶子一個個放進已加熱並鋪滿鹽嘅鐵板上，做出嚟嘅蟶子一啲都唔會乾，特別鮮嫩，將蟶子嘅鮮甜激發得淋漓盡致～蟶炒金黃蛋煎蛋夠香口，蟶子肥美，啖啖肉，送飯一流～鹹香黃花魚 煎至雙面金黄，放上蔥花，鹹鮮香味，外焦里嫩，口感十足～脆皮蒜香雞整過外皮相當脆，且肉質多汁軟嫩，蒜香入味，很不錯👍🏻閩南花生湯湯色乳白，濃濃的花生香味，花生口感軟濡，加入紅棗，滋補美味～白果芋泥芋泥細緻香滑，白果煙靭，唔會太甜～

莆田菜式豐富又有營，今期做緊蟶子節，$219 便有兩款美味蟶子，一於約埋老友食番餐☺️。蟶子於4月至8月最當造，味甘性温，有補益虛損的作用，呢個時候食就最好不過。蒜蓉蒸海蟶，蒜蓉增加香味，隻隻都蒸到肥嘟嘟，入口鮮甜多汁，爽脆滑嫩好滋味！莆田做緊母親節套餐7折優惠，見2人餐甚豐富抵食，便點左佢啊。家鄉炆筍乾，醃製入味，筍軟淋爽口，開胃的前菜。海參一品煲， 食材豐富味道鮮美，具有補腎益精、增強體質的海參，配搭西蘭花🥦、冬菇、燒肉、蔥段，味道調製得很美味，我哋好快就清左佢了。鮮貝燴絲瓜，絲瓜低熱量，含有豐富的維生素C和膳食纖維，可促進腸道健康，簡單又好吃。竹笙蟹肉魚鰾羹，竹笙有益健康，魚鰾含有豐富膠原蛋白，對皮膚有益，加添蟹肉味道更加可口。媽祖平安麵，食材有蟶子、大蜆、鮮蝦🍤、咸香豬肉同埋荷蘭豆，麵條細長的很爽口，湯味香濃極有風味。建蓮雪耳湯凍，糖水內有蓮子、紅棗及雪耳，清甜滋潤。紅團, 是福建最有特色，傳統喜慶節日的美食，食過都會甜甜蜜蜜、團團圓圓，味道亦唔錯啊！

蟶子兩味 $219莆田一向出名食時令海鮮兩味今期係做蟶子😍揀左一個濕一個乾既做法椒鹽哆頭蟶/蒜蓉蒸海蟶😌兩款既蟶子都好Juicy如果鐘意惹味就可以揀椒鹽😉-椒鹽豬手 $48佢個豬手亦係必點！椒鹽做法外皮勁脆而入味豬手既軟糯好多骨膠原😋-莆田扁肉湯 $32扁肉湯都係佢出名湯品其實入味係小雲吞而個湯帶酸好開胃😉-芋泥香酥鴨 $98香酥鴨完全冇骨啖啖肉！芋泥都好足料軟綿綿口感👍-福建海鮮滷麵 $118之前食過興化米粉已經覺得好好味今次試新野！滷麵個口感係比較糊狀但麵條唔會林到一夾就爛😉入面仲有蝦/蜆/蠔仔/腩肉等等好足料👍

今日同媽媽喺將軍澳行完街，搵到呢間源自新加坡的福建菜餐廳，無論係食物質素同埋店員嘅服務都非常滿意！蒜蓉蒸蟶子今期做緊蟶子推廣，有八種食法，$219 有兩款菜式。呢款哆頭蟶子同我哋食開嘅聖子有啲唔一樣，蟶子比較短身，不過肉質非常肥美。濃濃蒜蓉鋪滿鮮嫩蟶子，再淋上熱油，味道鮮甜！鐵板鹽焗蟶子蟶子用鹽焗方式鎖住左鮮味，周邊仲帶有少少焦香，啖啖都食到鹽焗味道既鮮味!冰鎮南日鮑 @$68第一次用刀叉食鮑魚😂 食天然海藻長大的鮑魚，Q彈十足，好食！酒香竹筒蝦 @$48竹同蝦大大隻，用上當歸老酒煨活蝦，蝦肉入口嫩彈，湯底大鮮甜帶酒香。石鍋滑豆腐 $98玉子豆腐外層煎到焦香，入口滑溜，用滑石鍋上枱，保持溫度熱辣辣，送飯一流！砂鍋黃花魚湯 $138原條黃花魚，加上蜂巢豆腐，燉出奶白色的魚湯，特別鮮甜！

又係食蟶子好時機，一年得一季，淨係入夏☀️嗰幾月先食到咁肥美又有營養既蟶子，知道～莆田PUTIEN～推出期間限定8款蟶菜式，專程黎食。8款蟶子菜式，219蚊揀兩款，菜式有蒸、煮、炒、焗、炸，仲有湯添。揀左蟶炒金黃蛋同蔥薑炒海蟶，啲蟶子真係好飽滿，新鮮Juicy。第一次食蟶子炒雞蛋🥚，佢地好夾，而且蟶子肉又唔少，啖啖蟶子鮮甜同蛋香。薑蔥蒜炒，少少辣咪，突出到蟶子既鮮甜。咸香黄花魚🐟，外層煎到脆卜卜，骨都可以食埋，超香口。莆田荔枝肉，外脆肉軟腍juicy，汁醬甜甜酸酸，好開胃，粒荔枝肉好鮮甜😆。芋泥香酥鴨🦆，外層酥脆，一層芋泥再到香嫩多汁既鴨胸肉，口感超豐富，鴨肉又唔會乾爭爭。👍馬來風光炒通菜，通菜鮮嫩，炒得香口惹味。鐘意呢度好多菜都有大細份揀，揀例牌可以試多幾個餸。同埋呢度幾好，點餐時會問你有咩唔食，如果唔食洋蔥，蔥唔啲可以同佢講，佢會幫你走。👍

每逢莆田海蠣節都會忍唔住去食當造嘅蟶子🤤香港可以食到正宗閩南菜🤎蟶子$219/2道總共有8款選擇，點咗蒜蓉蒸同鐵板兩款做法，兩款都好食🤤蟶子鮮甜無沙🤎百秒黃花魚魚肉勁嫩滑鮮甜，魚湯都好好飲🐟煮得啱啱好唔會老，難怪咁出名🤎冰浸苦瓜冰鎮苦瓜配蜂蜜，蜂蜜嘅清甜可以中和苦瓜嘅苦澀味，擺盤精緻🤎閩南姜母鴨店員推薦呢度嘅鴨好出名🦆鴨肉厚實充滿特色🤎莆田扁肉湯必點！有啲似迷你雲吞嘅扁肉，味道唔錯，一人份量8粒啱啱好，湯係酸酸地咁好開胃🤎桂花陳皮燉雪梨叫咗個甜品滋潤一下，非常潤喉😌🤎紅毛榴槤汁果味香濃清新🦥莆田 (PopCorn 2) (將軍澳)將軍澳唐俊街9號PopCorn 2 1樓F94號舖

早排地鐵廣告成日見到呢個莆田鮮海蠣，越吃越厲害，我一路都想講，其實海蠣同厲害並唔係押韻，我心中有啲接受唔到呢個形式既標語，但卻因為呢種唔協調而俾佢深刻於我腦海中，於是今日就黎嚐一嚐佢既厲害。首先佢既海蠣煎，都OK，不過不失，又未到好厲害，但第二道菜香酥芋泥鴨就真係幾厲害，表面炸到酥脆，裡面芋泥吸收曬鴨油既香，好食！最後仲有個興化炒米粉，米粉帶有與別不同既口感，鬆化到好似棉花咁，啲海鮮材料又多，令人食得非常滿足！被海蠣吸引進去，出來卻是在讚嘆海蠣以外的厲害。

一家人去將軍澳Popcorn睇戲，之後阿女話去附近嘅莆田食晚飯，餐廳裝修富有星加坡風格，主打中菜八大菜系的閩菜，店員待客態度殷勤有禮。莆田在不同季節會推出最新時令新鮮食材，做出不同美味菜式，今期莆田推出海蠣節，有7種食法。福建特色海蠣煎，海蠣屬於蠔的一種，雖然個頭小，但肉質飽滿，異常鮮美。海蠣煎既保留了海蠣的嫩滑，也有雞蛋的香酥，鮮美可口。大白菜燉軟豆腐：奶白色的湯頭味道醇厚鮮美、清甜回甘，莆田自家製的豆腐嫩軟，大白菜林甜。莆田扁肉湯：扁肉皮包著的豬肉，一小顆煮好放在加了白醋的雞清湯中，肉香中帶酸爽，是一道湯品與肉餃並重，吃來清爽不膩的菜式。莆田荔枝肉：荔枝酸甜馥郁、肉質皮脆肉嫩，可謂色香味俱全！芋泥香酥鴨外表酥脆，淡淡的芋泥香味包裹著鮮香的香酥芋泥鴨，口感驚喜豐富！福建海鮮滷麵：招牌菜之一的滷麵，豬骨及雞熬出來的湯濃郁鮮甜，再加上煮製時各式海鮮賦予的味道，幾乎是每枱必點的菜式。

🌟整體評分: 8/10🌟❤️味道：8/10🧡環境：8/10🩵服務：9/10💚性價比：8/10💗小朋友喜愛度：8/10新年一年大食開年飯既好去處，多款過年必備意頭菜，仲有「撈起」食添！酸酸甜甜 小朋友老人家都好歡喜！海鮮類有少少失色，叫左個炒蜆，但蜆肉好細粒，可能過年無返貨😅所以唔太推介。扁肉湯，百秒黃魚，炒芋芯水準一樣咁好👍🏻當然唔可以忘記最佳配角：蒲田既辣椒醬！真係點咩都好食，仲可以買返屋企添！

🐚Oyster Season🐚 又到莆田海蠣節🥢..又到海蠣節的季節💫 當然要到莆田吃海蠣名菜喔！款款都有家鄉的味道，卻不失特色風味🖤，肉質新鮮飽滿，期間限定推出既數款菜式都好吸引，$228 優惠價就可以吃到2款，不能錯過呢！🔸黑松露海蠣燒豆麵 $148(New) Black Truffle Oyster Noodle濃郁鮮香的山海雙珍，燜至豆麵爽滑煙韌入味。骨湯熬製，雲南野生黑松露，不能錯過的新品！🔸福建特色海蠣煎 $128(莆田十醉）吃過海蠔煎，才算吃過福建菜！搭配餐廳自家製「有蝦醬的辣椒醬」 絕！材料豐富。🔸莆田荔枝肉 $98(莆田十醉）福建傳統名菜，酸酸甜甜人人愛，真的有荔枝喔！🔸砂鍋黃花魚湯 $138(湯鮮）燉出奶白色，才是魚湯！濃郁鮮甜。🔸黃金荷葉包 $38 each $72(醬香）噴香肉絲條，夾入酥脆荷葉包。🔸芋泥香酥鴨 $98(酥而不膩）酥炸芋泥夾着厚切滷鴨肉，酥糯鹹香！🔸建蓮雪耳湯 $48 each(褔建傳統甜點）福建建寧蓮子，入口即溶。最後吃個糖水，香甜滋潤又養顏，完美！滿滿家鄉風味💕，下次再來喔！..×××××ש將軍澳唐俊街9號PopCorn 2 1樓F94號舖

👍🏻 九層塔香燜海蠣一直認為九層塔嘅香氣好迷人 原來同海蠣係咁夾 炸過嘅海蠣好香脆 入面juicy 而且份量都好大 好啱同朋友屋企人share☺️👍🏻 黑松露海蠣燒豆麵呢個組合都幾特別 黑松露味道好香 同海蠣鮮味好配合 豆麵好滑 幾有驚喜🙌🏻👍🏻 閔南薑母鴨新菜式 打開蓋一刻 空氣已瀰漫着薑嘅香氣 鴨肉仲係嫩滑 又吸收到薑嘅味道 偏重口味👍🏻 莆田荔枝肉酸酸甜甜嘅味道 搭配埋荔枝好清新✅豬肉炸得剛好 入面仲保留到肉汁👍🏻 興化炒米粉我哋係炒米粉嘅忠實fans 興化米粉較幼身 好容易吸收其他材料嘅鮮味 每一啖都好滿足❤️👍🏻 白果芋泥新推出第一次嘗試 個造型幾可愛 芋泥質感細膩 好滑好重芋頭味道🥰唔會太甜 正！

{正宗福健菜 - $554}雖然我唔係福健人，但超喜歡食福健菜，聽人講呢間啲福健菜好正宗，一定要試下，咁岩佢地做緊「海蠣節」，唔同煮法嘅海蠣都係$228兩款！真係花多眼亂！♦️福建特色海蠣煎真心好味，圍邊煎到香脆，中間海蠣香濃又啖啖肉，真係如店員講「食過海蠣煎才算食過福健菜」♦️九層塔香燜海蠣先將海蠣快炸，再加入九層塔用特製醬汁燜製，燜完嘅海蠣仍然脆口，配合九層塔嘅香味真心正！♦️芋泥香酥鴨熱愛炸物嘅麻甩見到呢個就流口水，用滷鴨肉加埋芋泥，外層炸到極香脆，食落又脆又香口，我個人食半碟！♦️鹽焗大黃花魚將大大條黃花魚切到好似開花咁，再用大鍋熱辣辣咁焗到剛剛熟，又香噴噴又滑滑，太令人回味！♦️有蝦醬的辣椒醬去食嘢真係好少大讚個辣醬，但呢個真係令人食到停唔到口，好食到我臨走問店員可唔可以買走😂結果買咗一樽！又食又拎！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍📍 #莆田 (PopCorn 2) (將軍澳)將軍澳唐俊街9號PopCorn 2 1樓F94號舖

趁放假黎將軍澳popcorn逛逛街，順便食埋個飯，莆田座位舒服好座，食物又好吃，就進入開餐囉。海蠣節菜品優惠～$228可任選2款，超抵食，就點左2款不同口味黎品嘗下囉。黑松露海蠣燒豆麵，黑松露味香湯底濃稠，海蠣飽滿肥美，豆麵爽口滑滑的，味道剛好。莆田濃民鹽漬海蠣🦪，細細粒客易食，每粒都肥美鮮甜，咸香味道重，送碗粥亦唔錯。一品醉蚶，有香蒜、辣椒粒鋪滿在醉蚶上，入口有微酸辣感，醉蚶鮮甜好味，爽口有彈性。紅燒豬蹄鮑魚煲，鮑魚、豬蹄都煮到入晒味，豬蹄滿滿的骨膠原，不會過淋或過硬，入口有Q彈感，鮑魚易咬有煙韌感， 整體很唔錯。