許榮記飲食專家

營業中

休息中

呢間野我由幾歲開始已經食緊果陣鋪位係而家錢大媽果個位，記得果陣時佢最出名既係魚皮，每次等待既係佢個魚皮😂，近排知佢有其他youtuber介紹過。我大佬睇完都想去試，所以就去左試首先叫左個牛腩牛丸米，可能本身又生意唔差再加有youtuber介紹下，魚片果啲無晒🫠🫠，但佢牛腩其實真心唔錯，有牛味又唔痴牙有少少肥膏，一絕🥰之後叫左個叉燒炒蛋飯，可能係煎蛋飯我唔記得😂，如果炒蛋就點睇都唔似，正常野囉無特別小食叫左個雞翼，呢個真心有驚喜，勁入味啲雞翼又唔係細細隻，但如果麻麻濃味野既可以考慮叫唔叫，因為都真心幾濃味但我就覺得好食😗😗都係果句，一定會再返黎食😀😀下次要食魚皮！！！！！

今日經過旺角，試咗呢間旺角小店的魚蛋牛腩粉，真的比較失望！！！ 牛腩肉質比較硬，小朋友唔係好咬到….魚蛋味道還可以，只是不太夠魚味，亦唔夠彈牙….叫咗炸魚皮（大），但魚皮完全唔脆，又有些 ‘溢’ 味….其實如果擺得太耐就唔應該拿出嚟賣呀，其中一位大嬸服務員和收銀阿伯態度差，完全無禮貌，唔理會食客的意見，覺得自己完全冇問題，可能是家族生意，所以唔在意食客的意見，自己做自己，希望佢一直生意興隆，我哋都就真的無下次！

近期要去廣華醫院做啲嘢，就喺附近搵啲粉麵食吓，入咗呢間許榮記我哋兩個人每人叫咗一個牛腩河，我就叫咗牛肚牛筋米粉，一碗淨魚片魚蛋，一碟腐乳通菜牛肚入味但牛筋我嫌佢唔夠淋，如果再腍啲就更加好食😬😬個人口味😆魚片同腐乳通菜正常，味道同一般懷舊式嘅粉面譜冇分別，但座位間隔有卡位都舒適都好坐其實佢牛嘅部位有好多款選擇，不過我就鍾意食牛肚同牛筋，下次經開呢度做嘢，我就會試吓佢啲牛腩同雲吞😬😬同埋其實佢叫一碗粉麵都可以有嘢飲跟套餐都幾好

很少經開旺角這個位置，剛巧友人話不如試試這間，我都覺得ok, 便決定入座。本來想點一個牛筋扎肉湯河，但職員話賣晒。之後職員推薦我們不如叫一碗「淨潮汕扎肉」，另外叫一碗牛筋河粉。我都ok! 友人便加$10，由牛筋牛腩飯升級做「牛坑腩」。加再一碟菜心！我想講個牛筋好入味。好腍，好好👍🏻食！ 個牛坑腩都同樣出色，好味道！菜心都是腍甜，不錯👍🏻！可是，唯一最失敗是職員推薦的新產品「潮汕扎肉」，口感其實沒問題，但最不好是太多肥豬肉混入在肉內，令人食到覺得好肥膩，食了兩件都不想再食下去。當然，我哋都不想浪費食物。於是乎，我便倒左一些「醋」，用來沾個肉，盡量減低肥膩嘅感覺。

端午節到油麻地吃飯，一直想試試這家豬手，本以為是大排檔茶記，結果飯店環境還挺寬鬆！其實我更喜歡大排檔，不過夏天這樣的環境更舒服！服務很好，有耐心。豬手膠原蛋白滿滿，一口西多士很好吃，如果再多點煉乳就更好了！咖哩豬排相比較面稍微遜色，但是這家價格真的很平！！

許榮記粉麵專家大家行開旺角東附近，係郵局對面，不妨行去試下一間粉麵鋪～可能有驚喜～🤤🤤豬手飯叫之前乳豬係度諗，粉麵專家整豬手飯唔知會唔會麻麻地呢～答案係唔會既，首先好食既，豬手份量多，唔會只有骨無肉，咬落去都啖肉，飯都好多，可以為一眾上班族注入滿滿能量🤣🤣🤣乳豬推介指數：🐷🐷🐷🐷🐷🐷牛筋腩麵重點係呢度既牛腩同外面唔同係佢用係瘦腩，同一般食牛腩飯用既牛腩完全唔一樣，好似食既豬咁，但有濃濃牛肉味，牛筋好滑，有𡁻口，麵量比一般麵家多。乳豬推介指數：🐷🐷🐷🐷🐷🐷

豬手牛腩飯 ～因為揀唔到一送why not both??有揸車 返到去 都重暖既係飯粒比較硬身牛腩汁豬手香滑唔算太肥 牛腩 忟得 剛好 可以一絲絲夾開肉味香 汁夠濃 好好味可以 再食！

當我一个人时就特别喜欢试新野，好食或不好食都可以介绍或告诉比朋友们！今天行過見到这間幾多人就入去試試，點左雪菜肉絲面配餐肉煎蛋多士😌- 咖啡☕️超唔掂，勁多奶又無咖啡味，一放低已經唔熱(暖都唔太暖)🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️係連放糖都唔多溶到果隻……- 碗麵🍜又係唔熱😌个野已经唔大，我又已经坐向廚房門口了🤦🏻‍♀️一出来就直接到我張枱但碗面似放左好耐，D面又鬼咁淋👎🏻👎🏻👎🏻👎🏻👎🏻👎🏻所以我多數不會再幫襯了，除非忘记左……😅机会好微因我一定会向openrice refresh my memory🤣

細個住廣華街，許榮記對面，佢一開就嚟食，果陣時廣華街大部份都係模型舖/玩具店/首辨舖，同而家好唔同，許榮記好似係唯一既食店（潮州粉麵）。以前開係郵局隔離個舖位。以前既牛雜牛腩，牛筋丸牛肉丸亦比現在既不同。而家見到好似豬手同牛腩係主打。魚蛋魚片亦非常高質素。今日去食，因為想試下牛雜牛丸而家係咩味道，牛雜飯跟碗鹵水汁，幾有誠意，自己鐘意落幾多汁都得，又可點番d牛雜唔會乾左唔好食，牛雜味道一般，夠味唔太過咸，牛肚牛腸軟淋適中，不過件牛磅唔多淋唔粉，所以覺得唔好食。牛丸就咬開彈牙有汁，味道60分。個骨湯底好普通唔濃，唔算好味。杯凍啡50分。以前靠魚蛋粉牛雜粉麵開始做既時候，沈係粉麵上面既蔥都有誠意d 有唐芹粒炸蒜冬菜碎，而家就冇喇。可能除住競爭同環境轉變，許榮記亦都變為全茶餐廳，找不到半點從前既味道。如果再經過，我估都係食個豬手飯算喇……

放工成日9行旺角油麻地，都行到好鬼悶。行下行下就嚟左煙廠街嗰邊，依邊比起西洋菜街/波鞋街嗰邊靜，就算6點零鐘間餐廳都唔係咁多人，而且嘢食啲價錢都大街平多10蚊8蚊。依間鋪頭唔知係咪新開，但門面都幾光猛，座位都幾舒服。今次我叫左個秘制豬手飯+凍檸茶走甜 $48碟飯一上到枱，我心入面「嘩」左一聲，洗唔洗咁大份。有成3隻豬手，仲要大隻嘅豬手。咁當然，好多嘢都唔淨係睇大嘅，豬手要大得黎夠入味，入味得黎，要夠淋，淋得黎又要帶啲肥，肥得黎又要啲汁夠濃帶返起隻豬手嘅肉味。依度嘅豬手大隻，少肥，淋，膠。你食完之後會成口漿住晒，正。啲汁濃得黎唔咸，真係好難得。總之，整豬手唔係咁易；再簡單啲黎講，就算要自己係屋企整，都要花唔少功夫心機時間。依度，$48就搞掂。痴線，點做生意㗎，點為皮？🥲再諗返起前日係和順記食嘅半塊豬扒面都要收我$40，真係👹用心做嘅野，我相信一定有人會欣賞，加油！堅持！Mcmug綜合評分：8.5/10，性價比高得過份，豬手質素好高，將會繼續翻兜支持！

叫左牛腩西洋菜餃米線+熱奶茶 & 叉燒煎蛋飯+熱鴦鴛，總數$102。價錢夠平民化米線麵質唔錯，唔會太淋。湯底都好入味，加上少少葱同熟蒜，味道更加濃郁💯菜餃有兩隻，脹卜卜，真材實料牛腩真係重點，有六嚿，足足舖滿左半碗麵。肥瘦比例啱啱好值得encore至於叉燒蛋飯就好一般，蛋皮蓋住成個飯，賣相一流但蛋皮太熟、太乾，叉燒切到一粒粒，食落口感真係麻麻。但係配甜鼓油就另個飯有分加奶茶同鴦鴛一般啦，始終方榮記signature 係麵食下午茶唔當人，坐得舒服😌服務好好👍🏻

今日試左依間位置比較隱蔽 係廣華醫院附近嘅小店！原來係70年代已經開始經營既老字號😯 味道好 又好抵食 不過人流唔多 好可惜 大家可以bookmark定支持一下高質老字號！✅ 豬手牛腩飯 ($58)✅ 牛腩牛筋河粉 ($49)牛腩超腍 肉同脂肪比例完美 食落唔會太油膩～果然係招牌 必點！牛筋同豬手滿滿既膠原蛋白！口感軟腍 鹵水汁入味～另外有需要可以問店員拎腩汁 更惹味😍🦁 許榮記飲食專家 (旺角)旺角廣華街13號廣輝大廈16號地下L舖🦁 人均消費：$55 ｜推介：❣❣️❣️❣️❣️/5

估唔到 潮州野有得 食日式烏冬正啊爽口彈牙好欣賞老闆有好創意同有心機設計餐牌，員工分工仔細各司其職，樓面整潔乾淨。只係冬令茶甜左少少下次都係叫番小甜，年輕人都係健康D好

我相信呢一間主力係粉麵， 唔知做乜神推鬼壅入咗去食西餐， 可能因為佢門口啲餐牌寫咗唔少西餐。呢間嘢係咪轉左手？點解Openrice門面相片同我見到嗰間舖唔同嘅？？？ 睇張單又同之前啲食評一樣。1.) 吉列豬扒煎蛋意粉對味道冇咩特別追求嘅，呢個係正常。吉列豬扒似係買返嚟，唔係自己醃，唔係自己上麵包糠， 個味好熟，唔知我係邊間超市買過返屋企煮嚟食， 佢炸得都好，皮脆唔油。佢橙色汁你以為係傳統茶餐廳嗰啲橙色茄汁？ 絕對唔係，佢一定冇落糖，就咁茄膏only， 只有酸味。太陽蛋煎得好靚如圖。意粉軟硬度適中，冇乜味道。凍奶茶普普通通，建議飲其他。埋單50蚊，呢個價錢喺旺角有好多其他選擇。總結 ： 大家都係食番佢啲粉麵啦。

天氣凍凍底，好想食啲熱嘢暖下身。今日晏晝就叫左附近間許榮記麵店嘅菜肉餃墨丸撈麵食（扣底）。因為係附近就叫堂上（環保嘛😆）。等左10鐘左右就有得食😋，一嚟到就見到碗熱辣辣嘅魚湯就忍唔住飲左啖，啲魚湯奶白色，唔太咸，無油，好清，我一囗氣飲左半碗😆。西洋菜餃係麵店自己包，好多料，食多幾隻都唔覺肥。墨魚丸好爽口，入面仲有啲芹菜粒同墨魚粒，好有咬囗，一啲都唔似其他店，入囗好似成嚿粉團咁。食完個餐成個人暖晒😍。熱嘅粉麵最啱凍嘅天氣食😄😄😄😄😄😄😄。PS----唔食蔥記得叫走蔥吖😁！撈麵可以揀蠔油畫腩汁， 我今次揀蠔油因為冇咁肥😆。