許榮記飲食專家

營業中

休息中

我相信呢一間主力係粉麵， 唔知做乜神推鬼壅入咗去食西餐， 可能因為佢門口啲餐牌寫咗唔少西餐。呢間嘢係咪轉左手？點解Openrice門面相片同我見到嗰間舖唔同嘅？？？ 睇張單又同之前啲食評一樣。1.) 吉列豬扒煎蛋意粉對味道冇咩特別追求嘅，呢個係正常。吉列豬扒似係買返嚟，唔係自己醃，唔係自己上麵包糠， 個味好熟，唔知我係邊間超市買過返屋企煮嚟食， 佢炸得都好，皮脆唔油。佢橙色汁你以為係傳統茶餐廳嗰啲橙色茄汁？ 絕對唔係，佢一定冇落糖，就咁茄膏only， 只有酸味。太陽蛋煎得好靚如圖。意粉軟硬度適中，冇乜味道。凍奶茶普普通通，建議飲其他。埋單50蚊，呢個價錢喺旺角有好多其他選擇。總結 ： 大家都係食番佢啲粉麵啦。