鍾菜館

營業中

休息中

===性價比一般 | 無論食物還是服務都普普通通===價錢比其他餐廳貴，但基本上無服務可言：1) 茶水方面侍應放置了一部自動沸騰機供每桌自行沖茶; 2)上菜不定左右, 只方便侍應自己；3) 不供應包裝紙巾，僅有濕紙巾食物方面都尚算可：1) 兔子裝飾的包點和黑白天鵝樣式的小點心可以影低打下卡，但算不上好吃；2) 蝦餃等部分小點心每籠一隻，感覺比較衛生；3) 炒飯等不是粒粒分明的，調味也較淡；4) 唯一比較可取的是蝦多士，炸得香脆可口，吃了幾件也停不下來如非必要(例如為同事farewell等一大班人食飯的場合)也不會回訪。

第一次光顧這店 屬於稻香集團高級版 裝修帶有濃厚中國色彩 非常漂亮 大廳枱凳放得很寬闊 我是下午兩點半到達 所以不用等位掃碼點餐 自助沖茶是這集團的特色 兩個人共點了五款點心 全部沒有失誤 最愛的是沙薑豬手 去了骨 連皮帶肉的切成粒狀 軟硬度適中 味道調得好香煎鮮蝦腐皮卷 香脆又新鮮XO醬豉油皇煎腸粉 銀牙和腸粉分別是兩層 有層次感黑椒牛仔骨也不錯衹是蝦子柚皮 有少少苦澀味 但也可接受雖然價錢貴少少 有些點心是每粒計 而坐得舒服和味道好已值回票價後續 相隔兩星期後我再去 沒有訂位12點到達 明白訂了位的是優先入座 可是竟然見到遲到了1.5小時的訂位客人也能入座 問知客她竟然回答說 （這是七人枱 你只得三個人 點坐呀）而我反應慢 不識回答他我可俾七位茶錢呢 下次我醒目喇 訂11點 原來12點半到達都可以

第一次黎薄扶林🌝原來咁荒蕪⋯⋯⋯⋯同長輩聚聚佢地都係鍾意飲啖茶食個包整體幾好味😆無野係難食四個人食到超級飽人均$250-$270左右環境裝潢堅靚堅high class咁😳QR落單 基本上除咗埋單都唔使點叫職員做野每張枱旁邊有張枱仔放茶水 斟水斟茶完全自助好先進🤣差啲唔曉搞⍥ 南乳發菜豬手⍥ 生拆鮮蝦餃⍥ 原蝦燒賣皇⍥ 魚肚棉花雞⍥ 生煎菜肉包⍥ 炸銀絲卷⍥ 香煎黃金糕⍥ 金勾珍珠雞⍥ 上湯蟲草花牛肉球⍥ 川汁抄手⍥ 翅湯鮮竹卷⍥ 春風得意腸⍥ 黑毛豬叉燒腸⍥ XO醬蘿蔔糕⍥ 七味脆豆腐⍥ 鍾菜館炒飯

今次係第二次嚟飲茶，唔知係咪年初八關係入坐前說明要個半鐘交枱。知道要個半鐘交枱入坐即刻點嘢食，今日叫咗啲點心，另外叫咗兩樣新年特別出嘅家肥屋潤(乾炒牛河)，同橫財就手(豬手)。點心正常無事，碟乾炒牛河就出出地乾，唔熱嘅，味道偏甜。豬手就係正常一舊分4舊。不過今次最不快經驗就係鳳爪漏單，鍾菜館本身係自助式，點餐加水冲茶不經人手，可能因為咁原因所以服務員好少對客人。漏單後終於要離枱去搵人問，回覆話廚房無單如果要嘅話依家落單要20分鐘。我話我有落單係廚房唔見單唔係我問題，咁我堅持等，我交唔到枱俾你唔關我事，服務員就好唔高興或者我誤會佢表情。蒸一碟鳳爪要20分鐘，我計過時佢地真係20分鐘多少少攞出嚟。

今次茶友團拜，請師傅食飯，包了間大房大擺三圍，數碼港的鐘菜館係香港少有的中菜餐廳裝修，好多可以影相拍照的靚位，員工招呼又好，次次都食得好開心❤️，我哋今次點咗八味菜，款款味道都非常出色，由其佛跳牆用料鮮味十足啖啖令人回味，吃後齒頰留香，芝麻雞肉嫩皮酥，充滿芝麻香，令人忍唔住食完又食🤤，酸菜石斑魚，魚肉嫩滑辣度適中，味道十分討好，蝦多士也非常出色，不油不膩，大蝦全隻鋪上面，肉質非常彈牙而且有鲜虾香味🥰，其他菜式都係水準之上，大家都食得好高興而且讚不絕口。

趁呢兩日天氣稍為沒有那麼悶熱，老公提議前往數碼港走走，因為身為香港人的我們也從來沒去過數碼港呢！😅 我們大約1:30pm在銅鑼灣駱克道小巴站 (近崇光) 乘搭綠色專線小巴前往數碼港商場，由銅鑼灣到數碼港商場需經過香港仔隧道，若果非繁忙時間行車順利的話，約半小時左右已到達，尚算非常方便。到達總站下車後經過百佳和麥當勞中間的一條通道，相隔一條馬路對面就是數碼港商場。我們已預早計劃在這裏挑選一間餐廳舒適地午餐，在數碼港商場門外首先看到的就是這一間「鍾菜館」， 我們首先進入商場，看看有什麼餐廳可以選擇🤔，但我們進入商場後發現商場內沒太多人流，只見小貓三二，商場的燈光也不是太明亮，因為商場設計以自然採光為主，我們最終決定回到「鍾菜館」嘆個下午茶，因為2:00pm開始已是下午茶時間，而這裏的人氣算是整個商場內最旺盛的了😂。從在外面看「鍾菜館」的大門口真的比商場入口還要大，我最初還以為是商場的入口呢！經過大門進入菜館範圍，已經看見有很多古色古香的擺設；左手邊還有一條樓梯，樓梯級放滿不少中式的擺設，如酒埕...一直延伸至2樓，原來這只是「鍾菜館」其中部份裝飾； 大堂中央放了一座內有一雙帶一身潔白羽毛的

今日天朗氣清,  去 數碼港探朋友,  乘機去 鍾菜館  歎個午茶.  特別一贊, 鍾菜館 位於商場地面層, 可以在酒家門前上落車, 極方便大眾 出入. 到達鍾菜館, 第一個感覺, 酒家外觀中式設計, 頗優越, 真誤以為我們身在中國.接待處用上石頭砌成的檯.  只欠古裝服飾美女,看右方有木雕座椅, 帆船及金龍金鳳擺設, 打卡最好. 餐廳樓底高, 座位設計獨特, 有 大圓枱,  梳化座, 燈光和詣.適合家庭, 朋友聚餐. 餐廳裝修得好雅緻.  有多間 VIP房, 牆上有不同中式擺設, 中式花瓶擺設也非常配合. 還有值得打卡的  玉石對聯,   看看中國的典故.石砌的牆,  又像去了影城, 感覺好特式.欣賞環境後, 到選擇食物.   我們掃描 QR碼 可以自助點餐, 看著雲石台, 配翠綠色餐具, 感覺好清新.   每張枱有加熱水裝置, 自己加茶加水極方便.  茗茶每位$20.我們叫了蝦餃, 燒賣, 叉燒包, 都是一位一籠, 清潔大方. 蝦餃蝦肉新鮮, 爽口.  燒賣內有花菰, 豬肉打得彈牙,  吾錯.釀辣椒,  鹹水角, 煎餃 也合水準. 紅油抄手,  做得好食.春風得意腸, 腸粉皮很薄,

今晚同家人來到<鍾菜館>吃晚飯，最鍾意呢度近數碼港，可以行下公園散下步，而且喺呢個商場食飯消費，仲可以有free parking，喺呢個環境食飯，行下relax下，消磨時間，實在非常寫意。以中菜餐廳嚟講，呢度嘅裝修美輪美奐，感覺非常高貴，坐得非常舒適。<五香牛展>這個前菜冷盤，味道正常。<沙薑雞 半隻>百幾蚊嚟講，其實有少少失望，因為雞嘅肉唔多，感覺半隻雞都比較瘦。<鍾家炒飯>炒飯材料非常豐富，有蝦肉一齊炒，又有好多叉燒肉，用上砂鍋盛住嘅炒飯，保持到熱度，非常好食。雜菜煲份量非常之多，用上粉絲、瑤柱、蝦乾、冬菇等等，都幾足料。<大澳蝦醬骨>呢個骨感覺非常驚喜，入口蝦醬味濃郁，外面炸得微微香脆，惹味好食。<香煎金錢鱔>呢個係白鱔來的，用上大蒜和大蔥嚟炒，但係感覺一般，因為白鱔嘅肉吾多，比較細件，而且炒完之後入口肉質有點硬，可能用傳統豉汁蒸嘅方法來煮會更美味。整體嚟講，晚飯食物質素中等，人均消費唔使300蚊都叫做抵食嘅，因為環境真心非常舒適，下次有機會可以嚟試下其他菜式。

睇完早場經過鍾菜館想飲茶。見裏面地方闊落，又唔太多人就走入去。屬於稻香集團，所以每枱旁邊都有自助沖茶機。 減省人手之餘，手㾗嘅朋友飲緊茶有啲細藝仲可以自己決定啲茶泡幾耐沖出嚟飲。但係一台四個人嗰個茶壺有啲細，沖茶沖到唔停手，同枱小朋友就好雀躍！阿姐服務有待改善。生煎包是即煎的，連鍋上，但阿姐只放在枱邊等客人自己端到枱中間，有點牙煙精選幾個點心講下。蝦餃食神話蝦餃好食 ⭐️⭐️⭐️⭐️⭐️/5春風得意腸中間係吉列蝦，幾有誠意，但紅色嘅腸粉賣相怪怪地雖然味道是正常腸粉。伴碟菜心有驚喜喎。炸銀絲卷特別正，鮮炸、外脆內軟，掰開銀絲卷裏面藏著縷縷麵絲添！ 炸雲吞大大件、蝦肉大粒，但有翻炸之嫌。家鄉煎薄撐正常味道，雖則落青豆有啲特別…叉燒酥係逐件上，好多芝麻喺面，唔鍾意芝麻嘅朋友就唔好叫啦。環境舒適闊落，大量卡位、枱同枱中間距離好遠，傾計ok。數碼港嘅好處都係唔會太迫，同埋有免費泊車。

數碼港停車場多充電位，泊車又有優惠。所以假日泊好架車去鍾菜館歎下茶都係一件樂事。鍾菜館環境古色古香，座位闊落，唔會好似一般酒樓咁人多就會好嘈。平日食飯時間比較多人外，假日會疏落啲。座位旁邊放置左個自動沖茶機，有加水、煲水功能，掃描QR碼就可以自助點餐，所以基本上咩都自己嚟，唔需要客服。我好少飲普洱，因為好多酒樓嗰啲都會好苦澀。但呢度啲普洱反而我好鍾意飲，唔澀，有茶味。點心如牛肉球內有馬蹄，食落爽口；黑毛豬叉燒腸啲叉燒好味，但如果個粉皮薄啲更好。大部分點心都整得唔錯，價錢唔太貴。陳皮炒河粉就覺得又貴又唔值，無肉，可能貴在啲陳皮絲，不過食到啲係陳皮嘅苦味而唔係甘味。雞白杏仁茶就好正，好香杏仁味，甜味適中。整體嚟講呢度係中午歎茶嘅好地方。

Dim sums are in general with good tasteRecommended cha siu, fried tofu (with a really crunchy skin and super soft tofu), and fried carrot cake (great xo source on it)The tool to add water to your tea bowl was also very advanced so that you don’t need to wait for waiters to help.But there was a chicken bowl that we could skip trying a next time because the chicken meat was tense…

誠意推介這間食肆，位於數碼港的鍾菜館。機緣巧合看見他們阿拉斯加長腳蟹優惠，$228/両。本身都會去開港島游水，決定今星期游完水過去一試。Book位時訂賣隻蟹。四個人食四兩半，再加其他小菜好夠食。其中一位朋友超鍾意吃，話好香蟹肉味之餘又啖啖白雪雪的肉，好鮮甜！他之後還推介比他的親戚，他們試咗一次大讚，他們食開長腳蟹，話質素很高，有優惠更加抵食。決定再食多一次😄。這個大澳蝦醬骨我哋一致好評，出邊食蝦醬骨蝦醬味很淡，他們整到恰到好處！炸得啲肉一啲都不乾👍🏻，有水準！這個鹽香燒乳鴿都同樣好味，皮脆肉嫩。另外他們每台有自動煲水設備，不需要叫侍應添滾水，超級方便！這件豆豆千層糕，睇餐牌是以為是中式糕點，但味道比想像中好。不太甜。食肆非常寬闊，樓底好高😄。對長腳蟹冇興趣亦可以試他們的小菜，他們做得都很出色，有很多其他款式我們都想試，留返下次吧！

🌹最後一天假期，安排了去數碼港《鍾菜館》飲茶，數碼港是第一次去，交通尚算方便，去到的時候感覺像遠離市區，其實又好近，感覺良好！🌹 星期日，食店開門是10點，我們去到的時候內裏是黑漆漆一片，但一搭正10點，燈就着啦，即刻解除心中不安。為有座位提前致電訂定位，但原來人不多。🌹時間尚早，位置可以隨意選擇坐下，每一個位置都能感受古色古香的味道，恍如在古代進餐一樣，很多打卡位，影了很多滿意照片。餐廳點餐用Bar code，沖茶添茶亦是自己動手，好像中國大陸，覺得不錯！🌹餐廳部份點心是單一個叫，這個亦是值得讚，有時一籠有四至三個，食飽肚子試不到其他，這樣可以叫多款來品嚐。🥢生拆鮮蝦餃⭐️⭐️⭐️⭐️皮薄用料足潮州粉果⭐️⭐️⭐️⭐️餡料足，皮厚薄剛好芋泥煎堆仔⭐️⭐️⭐️⭐️外皮脆，餡料幼滑鳳爪⭐️⭐️⭐️⭐️味道十足，份量夠叉燒包⭐️⭐️⭐️⭐️义燒餡豐富豬仔豆沙包⭐️⭐️⭐️⭐️賣相趣緻，豆沙不太甜春卷⭐️⭐️⭐️⭐️香脆可口牛肉⭐️⭐️⭐️⭐️牛肉嫩滑，份量足鹽香燒乳鴿⭐️⭐️⭐️⭐️肉質嫩滑，外皮香口個人評分食物味道茶味道環境衛生服務抵食回頭率

知道鍾菜館在數碼港，今日同媽咪趁假期落嚟飲茶。新舖新思維，已經用數碼落單，都算方便。叫了幾個基本點心包括燒賣、鮮竹卷、叉燒腸、珍珠雞和一碟陳皮炒河。炒河先到，等到食晒，啲點心重未到。看看落單時間，已超過半個鐘。搵個部長追追，態度極差敷衍了事。其實又入餐館到斟茶到送餐都是九流態度。好在今日心情好，唔係一定俾佢激死。公道講食物係OK嘅。鮮竹卷有翅(魚肚)湯浸，多湯而且鮮味得嚟唔覺重味精，珍珠雞足料，燒賣係逐粒叫($15 一粒）。碟叉燒腸就等足一個鐘都未到⋯咁嘅服務態度下次真係唔敢再嚟！

Best Chinese food I’ve had in Hong Kong. The fried rice is spectacular with the most fresh prawns. The egg dumplings are amazing (haven’t had this in other Chinese restaurants) and remind me of my childhood. We couldn’t finish the food (the portion was very generous) so had to take away some. The tea was brewed with original fresh tea leaves. The decoration is also ancient Chinese which adds to the overall dining experience. Definitely coming back again - recommend for taking your parents or gra