影片
港鐵長沙灣站 A3 出口, 步行約2分鐘
繼續閱讀
電話號碼
23282699
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
星期五想慳錢但又想TGIF一下，就去成日搭車經開，令大胃好想試吓嘅一間酸菜魚餐廳，去到先知原來都幾受歡迎，好多街坊會嚟食星期五決定食大碗啲酸菜魚，嗌個2-4人量可能本身一人餐都已經好大碗好抵食，二人份一上菜，大胃嗰檯就成為全場焦點，真係超超超超巨大碗裡面有勁多魚肉，平時食嘅酸菜魚都係用鱸魚，呢間有鯛魚，冇乜骨得嚟仲好爽彈仲有好多配料喺裡面，有唔同蔬菜、木耳、豆腐、寬粉等等，好足料另外仲有包兩碗麵飯，我地揀咗一碗薯粉同米線，烚得彈口，撈老壇酸菜湯勁正另嗌份涼食嚟中和返先，涼拌海蜇幾平，但又好大份，撈咗麻油同芝麻條條都好好肉地，好爽口同香口每次食酸菜魚，有得嗌嘅話，一定要食紅糖糍粑，呢間紅糖糍粑整得好脆卜卜點黑糖漿再點黃豆粉，內心都融化了嘢飲可以以餐飲價加配，大胃就飲鹹檸樂篤爛鹹檸有好多果肉，好解辣大胃之母要咗杯凍檸水，好大杯，店長好好咁拎食鹽畀佢
繼續閱讀
今日又去覓食望見呢間魚你相聚嘅店舖🤔、係位於深水埗整間人流都好多😲勁多人爆哂、整嗰店舖係主打食酸菜魚、同時都有套餐食😚、仲有其它煲仔飯都有9款選擇亦都有、同埋魚片都有4款選擇、湯底有8款揀有辣同唔辣可揀！.鱸魚片酸菜魚 $76今次我冇選擇大大窩酸菜魚🤔、因為我食唔到好多野、又想試吓其它所以叫咗套餐、整個套餐都抵食可以自己選擇配菜選二：萵荀、豆卜、同埋主食選一：手工薯粉、魚片鮮嫰入口都味腥味😙、窩筍爽口豆卜索滿湯汁入哂味、薯粉口感煙韌彈牙沾滿湯汁帶點酸菜湯味道😋！.鹹蛋肉餅煲仔飯 $58呢一款煲仔飯賣相睇得吓🤔、係以藤蘿伴煲仔望著覺得都幾特別、整嗰煲仔飯散發香噴噴炭香味😚、整塊肉餅啖啖肉香味入口鮮滑腍美味😋、配埋焦香粒粒米飯軟硬適中、加添埋自家製豉油味道十足、食到煲底啖啖脆卜卜焦香超正！.鹽焗手撕雞 $42呢一款小食手撕雞望著都幾好🤔、我覺得味道都好香、入口味道適中又有咬口、一絲絲口感鹽香味道、配埋一粒粒花生香而脆口！.紅糖糍粑$28呢一款紅糖糍粑金黃脆口😙、一條條長條型賣相🤔、外香脆鬆薄內煙糯口感、沾吓黑糖漿同黃荳粉味道香甜又好食😋！.鹹檸七 $15 熱奶茶 $12呢兩杯飲品熱奶茶色澤淺奶色澤、飲入口濃郁茶味、香口😚又夠滑口😋、鹹檸七通透飲入口冰涼口感😚、啖啖咸咸甜甜味道口感都幾好!
繼續閱讀
難得放假，陪太子去長沙灣運動場伸展一下，久不久都會嚟打吓籃球。做完運動梗係肚餓啦！朋友仔提議去 魚你相聚，主打平民價錢的正宗四川風味菜式！餐廳裝修簡潔明亮，而且座位寬敞，啱晒傾偈，都坐得舒服。主打特色川菜，無論食物賣相同質素都幾高，我最鍾意食酸菜魚同埋水煮牛肉，真係唔錯。2-4人鯛魚片酸菜魚 $268 好似張枱咁大嘅一盤酸菜魚，真係十分超值！賣相好靚有特色，微辣老壇酸菜湯都好好飲，鯛魚片肉質比較爽脆，魚肉嫩滑。而且表面鋪滿左老壇酸菜，還有各式各樣的配料，大豆芽、豆腐皮、豆腐、娃娃菜、金針菇、海帶、薯仔，非常豐富，我鍾意呢個配搭，幾惹味。而且還有主食，米線和薯粉，男士們都說食得很滿足。涼拌海蜇海蜇幾乾身，口感唔錯，食完一大盤酸菜魚，我同朋友覺得口味正宗，所以忍唔住再添加小食，咬感十足同都算清新。酸辣萵筍土豆絲土豆絲配埋萵筍一齊食，酸辣味道保留得唔錯，幾清新，好開胃。裏面好多土豆絲，清清地素食都幾好食，仲可以中和油膩感。鹹脆花生花生炸得酥脆，大大粒好飽滿，鹹香滿滿的。豬膶蓮藕片今次同朋友點咗豬膶蓮藕片，配搭幾得意，本身好鍾意食豬潤，因為好有益。呢個辣辣豬膶加埋蓮藕片，辣得好入味也濃味，裏面仲有好多爽脆蓮藕，好足料。 食完辣嘢，最後飲番杯冰凍飲品解辣，refreshing！
繼續閱讀
係深水埗買完野，想食一下酸菜魚，突然諗起長沙灣的魚你相聚，餐廳就係地鐵站上面，好方便！它是小店，一共只有兩間分店。晚飯時間人好多，但剛好有位，看似老闆娘的收銀好熱情，見有位，笑容可掬即刻招手叫我地坐低。坐低先點了飲品，咸檸七和利賓立梳打特飲，夠消暑又解辣！大盤酸菜魚，足夠2-4人食，開頭都有點不信，但上枱一刻真的份量超多，價錢不過$268。選了鯛魚片老壇酸菜湯。配料有薯粉、薯仔、萵荀、豆腐、豆腐皮、大豆芽、娃娃菜、金針菇。酸菜湯揀了微辣，酸辣度對於我黎講恰到好處，魚片頗多，而且嫩滑。最欣賞係有好多芫茜和芝麻混合於湯底，令成盤魚更香！咸魚肉餅煲仔飯以為酸菜魚唔夠食所以點的，但明顯點多了。不過味道有驚喜！一是因為價錢不貴，二是味道好。肉餅大大塊肥瘦適中，尤其飯底，差不多整煲都係黃金的飯焦！香脆可口。加少少豉油，已經好好食！整體黎講，這間小店價錢公道，食物好食，值得一試！
繼續閱讀
間唔中都會去呢間度食辣嘢，今次就嚟呢度食酸菜魚，份量足夠比三至四人食，湯底我哋就揀咗麻辣同埋青藤椒，我哋揀咗小辣，但係可能食物嘅份量比較多，都唔算太辣酸菜魚嘅主角就梗係係魚啦，今次我哋就揀咗鯛魚，上菜嘅時候已經係一片片，食落有魚嘅甜味，魚皮幾爽脆，個人覺得口感比鱸魚好食另外嘅配料仲有鴨血、午餐肉、肥牛等等，份量都幾充足，底層會有薯粉，本身都有配主食，所以食晒嘅話真係會好飽另外仲叫咗份麻辣手撕雞，雞肉會有少少韌，麻辣味夠晒辣，作為開胃小菜亦都唔錯
繼續閱讀
您可能會有興趣的...