麪譜車仔麵

營業中

休息中

疫情三年一直食開這家，都有啲感情。從門口的「制度壞左」牌，到牆上「食咩自己揀，自由嘅感覺」，再到店入面播啲歌，情懷有目共睹。最近質素越來越差。今次米線加蟹柳，蟹柳中間是凍的，找服務員服務員說你在自己湯裡涮下就可。Excuse me？你份蟹柳中間凍，根本沒煮徹底妳話在自己湯入面涮下就可？講完這句服務員先叫廚房煮一份新蟹柳出來。講真，聽完服務員句話加上通關後店入面越來越多播嘅大媽曲再加上擺入左嘅牌，再望返牆上「食咩自己揀，自由嘅感覺」，我覺得是一種諷刺。

以前好中意食這間車仔麵，河粉好新鮮，餸份數合理。近哩3個月都少左食，因為餸的份量越來越少。豬頸肉得3塊越切越薄，蟹籽丸只是普通打邊爐的急凍丸，不是貴食材都只得2粒。豬紅的調味較以前咸，整體比以前差左。希望以後有改善

牛腩硬到咬唔郁，叫了2碗麵，1碗俾2隻雞翼，1碗得1隻…啲汁又唔係熬製，全部都係味精，好鹹服務態度就還好，不過外賣自取係等得有啲耐隔離街嗰間車仔麵有3隻，又好食好多……

第一次食依間野 就係比距外面吸引 無可否認既設計幾特別。 餐單名都睇得出幾有心思去改。 點知食個時勁失望 未食過甘un 既牛腩 直頭係咬唔到😅都算魚腐入面凍 完全入面唔熱 仲要有怪味 ！根本擺唔到洛口，湯低完全無唔夠味 重點個酥炸蝦卷我真係泥到呆左😂比條魚春卷甘既野我 真心比d名呃到 之後同待應講 我直接話請你食不如你試吓個味 同個待應講完完全無反應😅唔好意思都無講😅係無人比反應 咩服務業衰過茶記，我再大叫講多次話d野凍架 先有人過嚟話整反 講真甘既食物質素同態度永無第2次

無意之中行過發現呢間車仔麵店，裝修幾特別，所以就入咗去食，之前都回訪咗幾次，每次都會叫咗5款餸，以下4款推介係個人必點：👍🏻藤椒煲老藕（唔辣，但夠晒麻，啱晒啲唔食得嘅人）👍🏻沙嗲牛柏葉（好香甜，有花生醬）👍🏻瑞士留學雞翼（入味，雞翼唔肥）👍🏻萬年滷大腸（超級入味！係特濃滷水味，而且唔會好肥）另外佢嘅任食麻辣菜圃好正🤩食到辣嘅推介大家放埋一齊食！2餸1麵 $323餸1麵 $41額外加餸 每款 $9⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10打卡： 5/10CP值： 10/10推介值：9 /10⋯⋯⋯⋯⋯⋯⋯⋯⋯⋯⋯⋯⋯⋯⋯⋯Instagram: w__ayan日常🤍食評🤍好去處🤍Staycation⋯⋯⋯⋯⋯⋯⋯⋯⋯⋯⋯⋯⋯⋯⋯⋯

親戚有事來到太和這邊，我就為他們挑了附近的幾間餐廳，看看他們想吃什麼，最終他們選了車仔麵。雖然路過麪譜不下數次，但我也一直未有光顧，這次有機會試試了！店面小小，裝潢有特色，就連點菜紙上的車仔麵配餸名都滿有玩味！我點了三餸麵 ($45)，要油麵，配菜本來揀了麻甩辣魷魚、失戀酸齋及酥炸蝦卷，惟辣魷肉售罄，就轉了醬燒豬頸肉。點菜時圈了要Hea底牛腩汁，並tick了小辣，交了點菜紙後才發現辣度選擇只適用於是旦麻辣汁及求其辣汁。雖然我沒看清楚點菜紙是有責任，但如果店員也有望清楚點菜紙並詢問客人意向會令人覺得服務細心。湯底不算濃郁，也不會太淡，味道尚可。酸齋的酸度尚可，醬燒豬頸肉夠味，但未至於香濃惹味的程度，豬頸肉有咬口。酥炸蝦卷，畢竟連湯上，稍為影響酥脆度。親戚點的配餸比較好吃，例如有大大件魚腐，入口軟綿又吸湯。瑞士留學雞翼較瘦小，幸好夠入味得來又不太鹹。萬年滷大腸，豬大腸夠稔，滷水汁同樣夠入味！另一碗車仔麵，親戚喜歡所選的壯陽蕃茄濃湯湯底，說是蕃茄味香甜又濃郁。惟送上車仔麵時遺漏了鳳城水餃，追單後，店員另外奉上。小食點了炸魚肉雲吞 ($24)，炸得夠脆口，餡料飽滿，又不會太鹹，幾好吃～～～店面

星期日下午，喺大圍踩單車入大埔，順便搵搵附近有咩嘢食😆見到附近有間車仔麵，對湯粉愛好者來講，作為下午茶醫肚一流。Btw下午茶時段3:00-6:00pm，食麵送飲品/豆漿。開頭叫咗杯凍檸茶走甜，飲完發現極苦澀，茶底好奇怪。經店員介紹後，轉飲普通檸茶，問題即刻解決咗，好彩正常版都唔會過甜。三餸米線 $45（秘「魯」腩仔肉、醬燒豬頸肉、酥炸蝦卷）食完覺得冇想像中出色🥹不過湯底以車仔麵黎講都唔錯嘅，揀咗腩汁加咖喱汁，味濃得嚟帶少少辣👍🏻腩肉有三分二都係肥，唔推介😅豬頸肉亦較普通，可以唔使試。蝦卷冇乜酥炸感，食落較粉，唔特別。米線煮得好淋身，鍾唔鍾意就見仁見智。三餸粗麵 $45（藤椒煲老藕、麻甩辣魷魚、萬年滷大腸）另一碗點咗麻辣中小辣，湯底只有麻辣味，冇乜內涵。粗麵唔太搭，麵質一般。但係啲配餸反而有驚喜，煲老藕十分麻，係出面食唔到。大腸清理得乾淨，而且算入味。魷魚正正常常，唔差。

咩原因令到我入去哩間車仔麵？喺因為佢啲裝修好有特色😂(但我掛住食，唔記得影佢嘅店舖相，大家可以上網搵下） 佢嘅車仔麵餸好特別，喺個名好特別😂麻甩辣魷魚、秘魯腩仔肉、瑞士留學雞翼、查篤撐鳳爪、清純蘿蔔妹…等等！雖然都喺普通餸，但幾有創意😆我就叫咗藤椒煲老藕、瑞士留學雞翼、失戀酸齋，蓮藕應該喺車仔麵入面比較少見嘅餸菜，食落口都幾入味，有啲驚喜👍🏽而雞翼唔會太甜，亦都入味嫰滑👍🏽而酸齋喺正常味道～千祈唔好錯過枱面上嘅自製辣菜脯，相當唔錯，有畫龍點睛嘅效果！📍大埔大埔太和路15號太和中心地下4號舖#美食 #食評 #香港美食指南 #香港美食推介 #食好西 #小店 #hkfoodielife #hkfoodgram #hkfoodie #hkfoods #大埔美食 #車仔麵 #麵譜

講起車仔麵，通常都係諗唔到食咩嘅時候就會去食車仔麵。除左屹立不倒嘅萬利之外， 大埔近年好似比較少車仔麵崛起（曾經有間叫車王都唔錯嘅）。麵譜都算係比較新又幾好食嘅一間，仲要係疫情期間開店嘅（好似係）。 基本套餐一麵三餸（好似係），食車仔麵通常我都係油麵或者米粉。唔記得聽邊個講，車仔麵識食一定係豬皮蘿蔔魚蛋做膽。蘿蔔都係我其中一個飛佛，可惜食過兩次都有渣（可能我唔好彩），佢仲有其他餸都唔錯嘅，例如豬頸肉。多蔥都係另一個重點，唔係因為食蔥聰明，而係有蔥先夠香。 最後叫左牛腩豬皮豬頸肉油麵多蔥。皮蛋都好食，不過今次唔太肚餓就無叫。

【車仔麵系列】室內嘅懷舊綠色地磚，結合富有傳統色彩嘅玩味壁畫，可以用新舊交替嚟形容🍡🍡 車仔麵有超多款配餸，價錢實惠，味道唔錯，可以一試！1️⃣ 三餸一麵 （$45）［麻甩辣魷魚、沙嗲牛柏葉、醬燒豬頸肉］辣魷魚爽口，牛柏葉嘅沙嗲醬幾開胃👍🏻👍🏻👍🏻 豬頸肉唔嚡，呢幾個餸都幾高質！個人覺得油麵比粗麵更有車仔麵嘅感覺🤪2️⃣ 四餸一麵（$45+$10）［秘「魯」腩仔肉、醬燒豬頸肉*2、鳳城水餃、時菜］朋友好鍾意食豬頸肉，叫咗兩份，覺得係值得叫嘅，爽口入味😋 水餃正正常常，冇乜特別🍽️ 腩仔肉嘅肥瘦比例幾好，煮得幾淋🥓另外，湯底醬汁都有好多款可以揀🥫 小辣嘅話，「求其辣汁」比「是旦麻辣汁」更香辣，後者比較淡～———————————————————

作為一個合資格既車仔麵愛好者，大埔新開左呢間傳聞好得既車仔麵，所以就黎朝聖下😉😉😉古色古香嘅裝修精緻嘅枱櫈十分舒適👏👏👏叫左個牛腩牛筋腩肉粗麵，份量一d都唔手軟，豪氣，肉類炆得好冧好入味，湯底濃郁，唔會食完要係咁飲水仲叫左個花膠試試佢，花膠就還好，冇麵咁出色PS。菜脯好得，放係枱都想食就自己加啦，但係食得晒先好加，唔好浪費食物丫👏👏👏😉😉😉😉

好耐冇食車仔麵喇😛 要滿足下個胃！ 以前係呢區既車仔麵只有大埔墟果幾間 但係果邊環境其實麻麻地🤫呢間車仔麵就唔同 裝修設計玩味十足 門面光鮮企理 見到即刻衝入去啦🤪周星馳粉絲一見到d牆紙就會好有feel😆 係食神呀🥳見到menu d食物item名都好有創意 就試一試佢龍與鳳！基本嗌三餸一麵就$45 加餸就$9一款～一場黎到 我地嗌左五六款餸 仲加埋小食🤗識食車仔麵一定食油麵🤩食得辣既湯底都有得揀大/中/小辣🌶️太多好野食 點評下叫左既餸🥢1️⃣麻辣辣魷魚🦑 ：新鮮、彈牙、辣味係小辣level 應該大部分人都食到2️⃣醬燒豬頸肉🐽 ：爽口但唔會太肥 有d似泰式豬頸肉3️⃣酥炸蝦卷🦐： 好似春卷x腐皮卷咁 有一粒粒嘅蝦肉係入面 似越南野😆4️⃣豬紅：呢個豬紅真係靚野黎 食落係脆口 入口好嫩滑👍🏻5️⃣蘿蔔：除左豬紅 蘿蔔都係必須encore🤟🏻好淋好入味！6️⃣鳳城水餃🥟：呢個好抵叫🤣有蝦肉有豬肉有木耳 皮薄餡靚～值得一提呢間餐廳係真係好足料 勁大碗 個人覺得麵底有譚仔一般既1.25倍🤣包食得飽！跟餐叫豆漿仲要係枝裝🥛夠晒安心～-小食-🐔麪譜口水雞 $32好惹味！同埋係雞鎚、雞翼、雞翼尖🍗🥰好食～🐽韮菜豬紅 $32

今次幫襯屋企附近呢間車仔麵，無論餸定麵都份量超級足🤩價格相宜，所有配料都絕對唔會馬虎！ -✤ 三餸⼀麵 $𝟒𝟏 （瑞士留學雞翼 | 麻甩辣魷魚｜沙嗲牛栢葉） 最推薦一定係瑞士雞翼！就算浸係湯都唔會令雞翼變淡味，保留到瑞士汁嘅味又唔會過甜🐔十分出色；牛栢葉都好爽口，每舊都好大件、口感十足；帶微辣嘅魷魚會切到細細件、方便食嘅時候唔會將湯汁彈到身上魷魚、口感彈牙🦑 ！ ✤ 三餸⼀麵 $𝟒𝟏 （秘魯腩仔肉 ｜酥炸蝦卷｜清純蘿蔔妹） 腩仔肉肥瘦層次分明、咬落唔會過份油膩；蝦卷份量多、略嫌口感扎實同有麵粉感；蘿蔔入口即溶、唔會食到一絲絲纖維感同草青感，鮮甜多汁、十分推薦 😍 ✤ 自家製辣菜脯 枱上有自家製辣菜脯，超級推薦加好少少落車仔麵，即刻味道更上一層樓！ ✤ 花膠教煮 $𝟑𝟎 花膠𝐂𝐏值極高！車仔麵鋪有花膠真係相當有新意，而且絕對有誠意！只係$𝟑𝟎已經有𝟓-𝟔舊🐟每舊花膠都好漲卜卜 、充滿骨膠原、口感好滑溜，美中不足係略嫌汁有啲啲甜！ ✤ 油菜 $𝟏𝟖 新鮮生菜，份量夠多🥬

呢間 車仔麵 既裝修充滿特色🎭係似喺戲棚嘅感覺，感覺睇大戲旁邊有一些麵店在旁邊一樣，設計很懷舊喔！🔸車仔麵食車仔麵最緊要係多餸簡，呢個接近有成40款配餸簡，選擇多會愈簡愈多😆😆 款款都吸引🤤每款都是統一價錢，$9一款餃類都有3款簡😉 其中叫左個鳳城水餃🥟同自製韭菜餃自製韭菜餃脹卜卜，入面滿滿的韭菜啲配料既名都好港式feel也豬紅夾起都唔會散開👍🏽 豬腸既滷水味也很入味食車仔麵我都係第一次配酸齋，適合食齋既人士呀！火雞姐牛丸，呢個名幾正😂咬落去啲汁咇出黎～🔸麵譜口水雞 ＄30好多花生碎🥜係入面個麻辣香味，唔會太辣啱啱好👍🏽雞肉嫩而且唔肥🔸香煎虎皮尖椒 $20呢一個尖椒食到好有刺激🔥因為虎皮尖椒外表綠綠的唔覺好辣咁，食頭嗰一兩嚿都OK之後既味道很香辣🌶🔸檸樂 +$11🔸可樂 +$8見到有可樂忍唔住要叫黎飲😆

每次經過呢間車仔麵都俾佢嘅裝修吸引，今日終於到立定心腸去探店🫶🏻枱面上已經放滿車仔麵必要嘅調味料，店主毫不吝嗇，任加任落！用剔剔紙落單，同傳統嘅車仔麵無異，但見到每一道餸菜名稱，都會會心微笑！肯定店主係有花過心機去命名每一道餸菜既名稱😂飲品方面都好多選擇，特別在豆漿係一樽樽，感覺更為衛生！而且品質較有保證！涼拌溏心皮蛋～香菜一向都非常百搭，爽脆嘅口感，配上細膩綿軟的皮蛋及惹味汁料更加無敵！炸一口韭菜餃～外皮已經炸到脆卜卜再淋上豉油，賣相非常唔錯，餡料非常飽滿！用料十足！口感同味道方面，我都係比滿分💯主角當然係車仔麵，同朋友都分別點了唔同嘅餸菜再share，當中最欣賞會係雞翼同埋豬頸肉，坊間好多車仔麵店雞翼嘅皮都已經係浸到爛晒/淋哂，冇晒彈性，呢度偏偏相反，口感依然非常出色。豬頸肉每一片都厚薄均勻，非常彈牙👍🏻麵底方面揀咗幼麵，蛋味非常濃郁，十分彈牙，幼麵接觸湯嘅接觸面相對其他麵底大，所以可以完美沾上美味湯底！