影片
營業時間
星期一
11:00 - 21:00
星期二
全日休息
星期三至日
11:00 - 21:00
以上資料只供參考, 請與餐廳確認詳情
食家推介
喺黃石碼頭搭巴士返西貢已經夜晚6點幾，諗住食少少嘢先走，點知發覺除咗海鮮酒家之後好多餐廳都已經閂門好彩仲搵到呢間cafe！我杯matcha latte好飲，好滑，抹茶同牛奶嘅比例啱啱好朋友杯flat white都不錯～他他醬炸雞+薯條：熱辣辣嘅炸雞薯條都唔錯，同他他醬好夾朋友話如果蕃茄醬冇加啲粉仲好法國照燒蜜汁春雞+牛油果醬沙律：蜜糖配粟米好好食雞肉幾嫩，而牛油果醬都好滑估唔到亂入一間小店都冇中伏服務好好，價錢都合理，但星期六嘅夜晚都只係得我地一枱客，下次有機會再嚟食
繼續閱讀
星期日放假去西貢玩 諗住搵個隱世d既餐廳chill住過見呢間餐廳有人等位但目測唔駛等太耐就決定呢間啦因為餐廳indoor位full曬 職員問我地要唔要坐outdoor位 咁都ok既點知係惡夢既開始…首先收到既menu係超級鄒同殘舊 印象分大減 我地叫左個美式炸洋蔥芝士安格斯漢堡 點知冇炸洋蔥 咁就轉左煙肉唔知係咪坐出面既關係被職員遺忘左 等左半個鐘左右先上漢堡諗住即叫即整先等咁耐啦 咬落第一啖 凍既?😥調味係正常 牛肉冇肉汁 芝士唔覺有 煙肉都好平平無奇 以為漢堡入面既煙肉一定係香脆既我 真係諗多左唯一欣賞既係薯條新鮮炸起 熱辣辣仲係脆既 係就黎食完既時候 對面做緊通渠工程 臭味直接飄埋黎咁岩indoor有位即刻搵職員調位如果唔係我地仲叫左雪糕窩夫真係想直接走雪糕窩夫既雪糕係朱古力味朱古力味夠濃但係雪到超級硬就算放左落窩夫上面一齊食都feel到有少少硬以為調左indoor可以好好地嘆雪糕窩夫啦 唔知係咪因為出面做緊通渠工程 飛左一隻大烏繩同一隻蚊滋入黎不斷騷擾我地即刻冇曬心情 食完急急腳走
繼續閱讀
週末去西貢chill 下♥️行攰去左呢間cafe 坐下食個lunch 叫左他他醬炸雞+薯條，牛油果醬雞肉三文治，軟殼蟹鮮茄意粉🍝炸雞薯條：雞塊幾嫩同juicy ,如果個炸漿多少少，個面會再脆D。個面夠香但未夠脆牛油果醬雞肉三文治：呢個幾出色👍🏻除左油果醬夠滑，仲有大量沙律菜配搭，成件事好fresh 👍🏻好襯西貢😂😂軟殼蟹鮮茄意粉，呢個係店員介紹，話人氣主菜🤤的確唔錯，蟹肉夠大件，啖啖肉♥️鮮茄意粉亦好入味濃郁。 果然蕃茄同意粉真係絕配👍🏻👍🏻值得一試
繼續閱讀
今日放假難得入西貢( ´▽` )ﾉ見到好多間Cafe但係感覺到唔係好吸引我.然後行到去大街入邊見到一間工業風嘅Cafe！即刻入去～(*¯︶¯*) 職員好Nice都非常貼心幫我安排咗一個比較量嘅位置🙇🏻♀️ 睇完餐牌決定order一個burger～等咗大概15分鐘左右 個burger就到左～超級好味！！！ 個包好香同埋都好脆份量十足🥹🥹 塊牛肉勁多汁仲要好夠味！認真推薦❤️我諗下次再去西貢都會選擇食返呢間
繼續閱讀
軟殼蟹鮮茄意粉($88)意粉麵質還好，蕃茄醬有啲似係超市買嘅papa alfredo嘅味道，軟殼蟹味道有點腥，但整體都還可以。美式炸洋蔥芝士安格斯漢堡+薯條($86)個burger個肉好好味，入面仲有洋蔥圈，食落好match，好好味！加上佢個薯條炸得超好味，好耐未食過咁好食嘅薯條！大推呢個！！！飲品叫左hot cream brulee latte($42)同iced tiramisu latte($46)。兩杯嘢飲相比之下cream brulee latte好飲好多，好有驚喜。iced tiramisu latte都好飲，飲得出tiramisu嘅味。推cream brulee latte最後仲叫左個waffle with ice cream($58)，呢個冇影到相，但waffle整得太脆，可能焗得太耐，夾埋雪糕黎食都抵銷唔到佢太脆(硬)，食到有啲𠝹到個上顎。雖然waffle有兩舊，但雪糕得一球vanilla ice cream。Cp值得講一般，但如果想過下口癮都可以一試。
繼續閱讀