影片
電話號碼
34262700
特色
包場派對
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
有關獎賞計劃
好難得嚟到觀塘，見到呢間網上好高人氣嘅餐廳，仲要係新開張嘅，咁就梗係要入去試吓啦裝修都幾舒服，啲位都幾闊落，全部睇落乾乾淨淨因為太肚餓，所以唔想諗啦，直接嗌個精選二人餐！忌廉南瓜湯，食到南瓜肉，出色！首先上場嘅係酸忌廉煙肉薯條，其實一上菜就已經感覺到個股岩岩炸起既熱氣，望落去呢就10分美觀啊，不過我哋就覺得比較難去蘸啲醬，個星忌廉醬明明好好食，但係因為個器具問題就難啲點😂😂北海道帶子松露野菌意粉，執嘅份量剛剛好，唔會太多唔會太少，配合埋帶子會係比較清新嘅感覺，味道調得啱啱好，冇過鹹呢塊就係澳洲肉眼牛扒，好大塊啊，大過塊手掌，而且煎到個面脆脆地，配埋個汁就好好食啦另外仲有件芝士蛋糕，好彩係兩個人食，我哋就覺得剛剛好，如果唔係就太漏嘢飲方便嗌咗一杯薄荷朱古力同埋一杯Mocha，我杯Mocha就好香咖啡味，朋友杯薄荷朱古力呢薄荷味唔係太重，都係偏向朱古力味為主總括嚟講都幾好食嘅，而且價錢唔貴，兩個人嚟食傾吓偈都幾好feel
繼續閱讀
今日同朋友一齊去觀塘裕民坊嘅一間西餐廳食晚飯，見到佢舒舒服服價錢亦都親民就入去試吓。墨魚汁魷魚帶子意大利麵有啲出奇嘅係佢嘅墨魚汁比較Creamy。 魷魚同帶子煎嘅時間啱啱好，唔會太乾身亦有啲香口。 鍾意食白汁或者Creamy 意粉嘅人一定好鍾意。鮮菠蘿牛肉漠堡配薯條及沙律 推介❤️❤️呢個漢堡非常有驚喜。 首先漢堡肉質鮮嫩多汁，配合菠蘿片酸酸甜甜嘅感覺解左牛肉嘅膩。薯條炸到熱辣辣，好惹味。沙律唔係用沙律醬係用黑醋比較健康，清爽開胃，份量亦都好足夠亦好有特色。蜜糖柚子雞翼帶有淡淡嘅柚子香氣，配上蜜糖烤得香脆，我覺得上邊嘅蜜糖都好多，所以都幾甜幾脆口！ 西蘭花餐湯湯汁濃郁滑順，食得出唔係味精湯，有西蘭花嘅菜味，飲落感覺好健康。冰果茶清涼解渴，係一個絕佳嘅飲品選擇！清清甜甜，食西餐配就幾適合。 整體而言，呢次食物質素唔錯。 而且啲位置都寬敞舒服。下次去裕民坊都可以再食。
繼續閱讀
與朋友去裕民坊YM²行街街，去到3樓一個空中花園的位置，俾Plato Cafe & Bistro吸引咗我嘅目光，決定入去一試。餐廳有晚市套餐，見到套餐有包餐湯同$32餐飲，所以就叫了兩個套餐。炸軟殼蟹忌廉意大利飯軟殼蟹經過炸製變得酥脆，忌廉意大利飯則是用奶油和芝士烹製的濃郁意大利飯，口感滑順，帶有濃郁的忌廉香氣。這道菜配有甜椒等蔬菜，為整體菜色增添了豐富的口感和色彩。露絲瑪莉香草燒羊架羊架經過烤製後散發出濃郁的香草味道，肉質嫩滑多汁。店員建議可以叫五成或者七成熟，我們則挑選了七成熟。羊架搭配了西蘭花、薯泥和車厘茄作為點綴，非常合適。希望這些描述能幫助您選擇晚餐套餐，享受美食！❤️
繼續閱讀
星期一又係忙到飛起嘅日子🥲放工即刻約埋朋友仔食飯先，今次試咗喺佢屋企樓下新開嘅西餐廳「Plato Cafe & Bistro」，我地嗌咗個精選二人套餐再加多個小食，每人都係$200零，抵食👍🏻餐廳仲有outdoor area，可惜今晚落雨，已經約定朋友仔下次再黎食lunch😋日式天婦羅魷魚小食我揀咗天婦羅魷魚，份量勁多，薄薄嘅炸粉加上海苔碎，包住煙煙韌韌彈牙嘅魷魚，啱啱炸起熱辣辣，外脆內軟，一條接一條食唔停口😋甘筍湯平時我都唔好甘筍嘅😆但呢度嘅甘筍湯冇嗰種青味，飲落甜甜地又幾好飲喎，入面仲有甘筍粒粒增添口感北海道帶子松露野菌意大利粉一上枱時勁香嘅黑松露香味撲鼻而來，鍾意食黑松露嘅一定要嗌👍🏻香煎日本帶子鮮嫩美味，意粉配上黑松露忌廉汁，入口香濃creamy奶香味十足，意粉軟硬適中有咬口，裡面加入本菇、青椒、紅椒同黃椒令味道更加豐富炭燒澳洲肉眼牛扒餐廳招牌炭燒牛扒👍🏻我地嗌咗5成熟，外面焦香內裡粉嫩充滿肉汁，食落去非常juicy，肉質軟腍肉味夠濃，以呢個價錢食到咁高質嘅牛扒，超值🉐蜂蜜柚子雞翼皮脆香口嘅雞翼裹滿蜂蜜柚子醬，入口酸酸甜甜，咬落去雞肉依然充滿肉汁，唔乾身👍🏻甜品今日嘅甜品係cheese cake，我嘅最愛🤩芝士味道濃郁，入口綿滑，上面灑上脆米令口感更加豐富水果茶套餐包兩杯飲品，我地揀咗水果茶🍹清清地帶果香，甜度亦啱啱好📍Plato Cafe & Bistro (裕民坊YM²) (觀塘)觀塘協和街33號裕民坊YM² 3樓309號舖人均消費：$200-250食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
呢間西餐廳之前係佐敦試過，都幾好食，最近係觀塘新開左間分店，決定要試一試🤪 ✨️是日餐湯 西蘭花湯滿滿嘅西蘭花蓉，將西蘭花磨成蓉之後整成嘅湯。食落係西蘭花嘅鮮甜，簡單健康 ✨️田園沙律沙律有菜及意大利黑醋，食落酸酸甜甜，醒神開胃 ✨️澳洲肉眼牛扒配紅酒燒汁 $138肉眼扒個人揀左5成熟，配薯條。肉眼扒都頗為大份，色水都幾新鮮。切開唔會係得血水，聞落仲保留左牛香味。肉眼肉質嫩滑，油脂比例平均。點埋紅酒燒汁食會更為重味，個人建議如果想食到個牛味就唔好點太多燒汁，因為都幾搶味。薯條新鮮熱辣，即叫即炸。 ✨️香煎盲曹配芥末籽忌廉汁 $88盲曹魚嘅外皮煎得金黃，食落鬆脆熱辣，切開仲係熱辣辣出晒煙。魚肉肉質鮮嫩，易熔於口，點埋忌廉汁食帶動到魚嘅鮮甜。意粉亦食得出係搵橄欖油及蒜鹽炒香，更覺惹味。$88呢個質素真係好喜出望外！ ✨️凍冰果茶套餐加凍冰果茶唔使額外加錢，都幾大杯，解膩一流
繼續閱讀