影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
朋友轉咗去沙田返工，所有近來都會多去沙田搵食😋。知道蘇媽蘇媽喺沙田新地市開咗分店，沙田店感覺較寬落，仲有卡位俾你坐👍🏻，最鍾意係佢張彩色馬賽克枱🤩，望住食連食慾都大增！·♡ 招牌肉骨茶 - 一字骨 HKD$178肉骨茶係藥材味偏重嗰款🍖，重藥材香但又帶點甘甜。材料一大煲refill到好多碗🥣，有齊一字骨、豆卜、冬菇等，一字骨肉質十分軟腍，輕輕咬開已經骨肉分離😚，仲要吸收哂湯頭精華，好好食!·♡ 辣死你嗎配烤雞髀 HKD$86雞髀🍗好大隻！大過我隻手🖐🏻，雞髀烤得乾身，但內裡又唔會好乾柴；椰漿飯嘅綠色確係幾吸睛💚，有淡淡的椰漿及班蘭味；配搭嘅參巴醬先係重點，辣度完全唔係辣死你嗎🌶️，係微辣但好香，用嚟配飯或雞髀都冇得輸😋！·♡ 馬來西亞拉茶(凍) HKD$35♡ 怡保白咖啡(凍) HKD$35可以叫少甜或走甜，白咖啡叫咗走甜，反而可以嘗得到佢嘅真正甘苦味道。·📍TOSS 蘇媽.蘇媽沙田沙田正街18號新城市廣場一期1樓107號舖
繼續閱讀
餐廳環境乾淨企理，地道菜式多，由湯粉到肉骨茶再到咖哩，好多選擇。👉🏼檳城白咖哩油麵 $79一上菜就聞到香濃嘅椰子同咖哩味，白咖哩食落唔會辣，入口甜甜地，油麵軟硬度適中。👉🏼招牌砂煲老鼠粉 $129老鼠粉入口彈牙，每一條都唔太油膩，配合埋豐富嘅配菜，有唔同層次嘅口感，配菜中最鍾意係脆魚仔😆👉🏼美祿暴龍$48香濃嘅美祿加上一球雲呢拿雪糕，口感細膩，適合唔怕邪惡嘅朋友🤭👉🏼桔仔薄荷梳打$48呢款梳打口感清新，桔仔酸酸地配合埋薄荷葉，夏天飲特別消暑。
繼續閱讀
蘇媽蘇媽開咗喺沙田之後一直都好想搵食今日見到佢午飯好吸引絕對要試一試依間店主打一定係肉骨茶佢先一定嗌過肉骨茶先囉，成個肉骨茶上嚟選左用一字排唔肥瘦分明又有骨香而最緊要梗係佢真係好足料飲到好香嘅藥材味而且份量好多暖笠笠，加入肉骨茶精華同藥材，好養生啊棒棒骨有4條，肉質腍身，沾秘製醬油好滋味啊仲有豆卜同金菇，索哂湯底，好入味啊馬來西亞梗係要叫返個喇沙啦成個喇沙湯底濃掛住係面上面加埋豬頸肉面都覺得好惹味桔仔話梅水桔味好重，成杯飲品唔會太甜，仲酸酸地好清爽，飲完好開胃另外朋友嗌咗杯美祿美祿味濃，美祿專屬回憶返晒嚟
繼續閱讀
之前去過食下午茶, 覺得唔錯,所以今次再去. 但轉左食晚餐..但呢次真係絕對失望!!餐廳入面, 係有大量空位, 但我企係門口取票等位. 係無人理. 等左幾分鐘 同行人士不耐煩. 直接問入得去未, 店員先話 “ 係喎, 睇唔到有客”入座後, QR Code 自行落單.辣死你嗎配炸雞球雞球 有4塊.係炸得幾嫩, 但係. 好咸.飯係有椰香味, 但食落同白飯無分別怡寶雞絲湯河粉湯河粉 算係最正常一樣. 只有少量芽菜, 雞絲少少”鞋”口. 但可以接受! 但係, 入面魚片又係好咸.河粉 分量算正常最離譜係呢樣, 入面其中一樣配料係豬油渣.我地食到有油”益” 味. 同店員講.店員回答: 今日無客人講過.之後就走左去. 完全沒有跟進!!幾粒豬油渣由精華. 變左老鼠屎.順帶一提. 我不期望有優質的服務, 但最起碼店員 回答都可以專業少少.PS 收銀員唔識用THE POINT 點直接儲分
繼續閱讀
沙田新城市開咗好多餐廳，👦🏻👧🏻好鍾意去呢間主打馬來西亞菜嘅餐廳，環境坐得舒適，而且食物質素不錯。平日晚上好熱鬧座無虛席，所以最好預先去餐廳拎定飛先☺️🍲細雜錦 （1-2人份） 配油炸鬼 $168肉骨茶充滿濃郁藥材味，一字骨炆到啲肉軟綿滑嫩，吸收哂肉骨茶湯嘅精華，再沾上黑豉油同生蒜，令肉身加上甜味，味道即時昇華😋！湯入面仲有豬手、腩肉、豬肚、豆卜、腐竹等等，材料豐富。附送嘅油炸鬼香脆可口，浸落湯到吸咗肉骨茶，估唔到咁好食！🥘甲必丹咖喱炸魚柳 $86兩大塊炸魚柳炸到外皮香脆，肉質厚身軟嫩。咖喱香辣惹味，仲有煮到入味嘅咖喱薯仔，送飯一流。🍹椰汁班蘭冰 $48香濃椰汁味配搭清香班蘭味，香甜好飲，感覺清新～🍹似水榴槤 $62飲品睇落好似水咁，但飲落榴槤味非常濃郁，好似食緊榴槤咁，令人好有驚喜🤣📍 TOSS 蘇媽.蘇媽 (沙田)沙田沙田正街18號新城市廣場一期1樓107號舖
繼續閱讀